LEVIHEY 7:9 - Bible en langue guiziga

⁹ Mikuli magaka ti gwat ngi migamay gar, mususulo ti susul ar vu ngi di ɗaf, ar gaˀay ngi ɓiri malla ar goŋgoŋ ngi di ɗaf gar na, naŋ da masay miga mezegwel nah na.

LEVIHEY 7:9 ပူးပေါင်းရင်းမြစ်များ

BUYOY MUCUW NAŊ 12:17

Dala ngi mikuli ngi ɗiya ɓi ati ngi mikuli ngi puya mungra na, a paka nah sek le ar akoti ngir hay ngi Bumbulvuŋ ta si, asi nah i ngi masayay.

EZEKIYEL 44:29

Gwat ngi migam ngi mikuli malla ginew ngi mikuli vur mungra ati mikuli ngi ɗiya ɓi na, masa zumaka i taŋ. Gwat mingizla ngi ga dudok da Bumbulvuŋ asi ruwuy Israyel gar na, a sa ndiram da taŋ.

LEVIHEY 2:10

Gwat ngi vulo, is naŋ a ndir da Aroŋ ati ziri naŋhay. Nah na, i gwat mipal wãˀ, asi a bo tivi gwat ngi zum mizlam zlam wãˀ da ya Bumbulvuŋ.

LEVIHEY 5:13

«Masaya, da naŋ miga mezegwel misi kahana le a hirnga mbur migi mungra pal a wuzla mungra tayna na, Buymisemuŋ a pulaŋ mungra naŋ le ya. Masay a ga mezegwel hana kaɓa magakaa ti gwat ngi migam.»

LEVIHEY 7:10

Mikuli ti gwat ngi migamay gar, mufukuɗa hapa nah le ti mal malla mufukaɗ fukaɗ kine gar na, naŋ da ziri ngi Aroŋhoy gar taŋ, a wuɗkaka ar wala taŋ rak raka.

LEVIHEY 7:8

Masay miga mikuli ngi zlum ti zlum ngi mburo le na, garak ngi ginewe da naŋ.

SLUFA VU 18:9

Mi nga ya, a sa zlumaka ar li gi mikuli. Gwat ngi vul mavulikiy di hĩˀĩ da ya na, mi ngi kum anga ani: hapa mavulaka gar, gwat ngi gi mikuli ngi puya mungra gar waɗ gwat ngi gi mikuli ngi ɗiya ɓi, Israyeley magikiy di gar na, i mikuli mihĩˀĩ da ya Buymisemuŋ, amma i vulukum di le, i mi ngi kum ati ziri ɗikey nga mbuŋ nga mbuŋ.

KORENTIHEY MUDUMBUŊ 9:13

Mizli magam slra ar hay ngi Bumbulvuŋ na, a lumam gwat ngi zum taŋ ara. Yo mizli magam mikuli ar li ngi gi mikuli a mbuŋ Buymisemuŋ kwana, a lumam mi nga taŋ angi useˀ nah vuna ya na, ki sinaka ta kwa?

KORENTIHEY MUDUMBUŊ 9:7

Mbur magi slra ngi soje, ɓa a zum ti hirnga naŋ tehhe a muŋ ta na, ada kwa? Mbur mahirvi gudubun manja a zum yi naŋ na, ada kwa? Malla, mbur majigin ginew manja a si ɗuwa naŋ na, ada kwa?

GALATAY 6:6

Anja mbur madubunakaŋ ɓi ngi Buymisemuŋ na, a wunka zlili naŋ gar ati mbur madubunaŋ gwata.