LEVIHEY 7:6 - Bible en langue guiziga

⁶ Mbur ngir sukwi ngi masay gar na, a zuma zuy. Yo a zumaka ar li mipal. Hana i gwat mipal wãˀ.

LEVIHEY 7:6 ပူးပေါင်းရင်းမြစ်များ

EZEKIYEL 42:13

Mbur tuwa a ɓiy na: «Viŋ vay muŋhoy ati viŋ vay ruwuyoy mupuɗak puɗak hiri ng'ar li mupula firndiw na, i viŋ muvuku vu taŋ. Asi masayay masoko nga mbuŋ Bumbulvuŋ, a zumaka gwat ngi zum muvuku vu taŋ wãˀ na, a diga. Gwat muvuku vu taŋ wãˀ, gwat ngi mikuli ti gwat ngi migamay, mikuli vur mungra ati mikuli ngi ɗiya ɓi na, a paka taŋ a diga, asi i li mipal.

LEVIHEY 2:3

Gwat migam di sedege tuwa, mindir is naŋ da Aroŋ ati ziri naŋhay. Hana i gwat mipal wãˀ. Asi a bo tivi gwat ngi zum mizlam zlam wãˀ da ya Bumbulvuŋ.

LEVIHEY 21:22

Ɗaf nga ya Buymisemuŋ naŋ, sedege mipal wãˀ ati sedege mipal na, a zuma taŋ zuy ɓula.

LEVIHEY 6:11

Mazumama, sey ziri mizile, dideˀ ngi Aroŋhoy tewle. Hana i mi ngi kum vur dideˀ, vur dideˀ hã ngi sete. Mikuli ngi gwat ngi zum muwura da ya Bumbulvuŋ na, mi ngi kum, ya muvulukum di anga i hana. Ko mi gar muwusa le na, a sa tiri naŋ pal.»

LEVIHEY 7:5

Dar masay a wura taŋ ar li gi mikuli. Hana i gwat ngi zum mizlam zlam wãˀ da ya Bumbulvuŋ. Mikuli ngi ɗiya ɓi na, a gaka kahana so.

Ɗerewol AZE 2:12

Da mbur a so ti useˀ ngi mikuli le mbizeˀ ti mi ngi zana naŋ na, da mi ngi zana naŋ nah tuwa a wus ɗaf le, malla a wus di i lar, mbaazla, mal, malla ko gwat ngi zum wanaka gar na, naɓa gwat tayna a tiram le taŋ pal kwa?» Masayay a mbiɗaka: «Ĩˀĩ».

KORENTIHEY MUDUMBUŊ 10:18

Puraka mizli Israyeley, mizli mazumam useˀ migam di mikuli le na, naɓa a jumom le ati li gi mikuli da Buymisemuŋ vuna ta kwa?

KORENTIHEY MUDUMBUŊ 9:13

Mizli magam slra ar hay ngi Bumbulvuŋ na, a lumam gwat ngi zum taŋ ara. Yo mizli magam mikuli ar li ngi gi mikuli a mbuŋ Buymisemuŋ kwana, a lumam mi nga taŋ angi useˀ nah vuna ya na, ki sinaka ta kwa?