LEVIHEY 7:18 - Bible en langue guiziga

¹⁸ Useˀ ngi mikuli ngi ngiɓiˀaya, ar hin mimakir naŋ, da mbur a zuma le gbaˀa si na, Buymisemuŋ anta tiɓa mbur miga mikuli nah vuna ta, anta slufa kaɓa i mikuli ta, asi useˀ nah a tiri le i useˀ misi dili. Mbur muzuma le na, a jijira zayɓi ngi malambaˀ naŋ nga hirnga naŋ.

LEVIHEY 7:18 ပူးပေါင်းရင်းမြစ်များ

MIKUCUWULOY 15:8

Mikuli ngi misi moˀoreheye, a ga Bumbulvuŋ kuyta wãˀ, amma diradibiɗ ngi mizli mikaslslahaya, a hĩyã teˀe.

EZAYI 65:4

A ndiram joˀ ar zivihey, a hinam ar butumoy, A zumam useˀ ngi fedem, yo misi ar sikiɗ taŋ, i gwat misi i ngi zum ta.

EZAYI 66:3

Ɓa ngi giy mikuli na, mizli a kiɗam sla, na a kiɗam mbur ngi giy di ti naŋ ma. A slam ˀay ngi tumuŋ, na a kiɗam kiri ma. A gigikiy mikuli ti gwat ngi migam, amma a gikiy di ti pumbus ngi fedeme ma. A wurikiy urdi ɓa i ɗuwula taŋ mi, amma a ɗuvaka hirnga da kuli maso taŋ ti mendere na ma. Mizli tayna a sipam di i jiviɗ taŋ mawuɗam, yo hiri ara cira taŋ ti gwat malambaˀ taŋ mukuyta wãˀhay na.

ZEREMI 14:10

Bumbulvuŋ a ɓa mizli tayna tuwa na: «Kanah, a wuɗam nga taŋ i liˀi, hirnga kaˀ lambaˀa, t'anta deŋ ar li purla ta.» Vurˀe, gwat ngi gi taŋ anta cira hiri da Bumbulvuŋ ta, malambaˀ taŋ a ro keŋŋe a hirnga naŋ, a kuta taŋ kuti ngi bonoy asi malambaˀ taŋ na.

ZEREMI 14:12

Ko da ara gam dalyam kwana, y'anta cine tuwuy taŋ ta. Ko da ara gikiy mikuli mizlam zlam, yo ara sikiy ti gwat ngi vul taŋhay tekeɗe kwana, naŋ anta ciriy hiri ta. I wuɗ i ngizla taŋ pay ti maslalam, ti may waɗ ti jiji mozorbono.»

EZEKIYEL 18:20

Mbur magi mungra na, mamuc i naŋ. Mangala, malambaˀ ngi cine miga na, naŋ anta jijira zayɓi nah ta, yo cine kwana, malambaˀ ngi mangal naŋ miga na, naŋ anta jijira ta ya. Jeŋŋe ngi mbur mijeŋŋe, a ndir a hirnga naŋ, yo moˀore ngi mbur misi moˀore kwana, a ndir a hirnga naŋ ya.

Ɗerewol OZE 8:13

Ar deɗe ngi mikuli na, a gaka ti useˀ, a zumakaŋ, amma anta cira hiri da Bumbulvuŋ ta. Wurenna i ra wuluk keŋ ar malambaˀ taŋhaya. ara slufa mungra taŋhaya. Sey a mam nga Ezipte a muŋ.

LEVIHEY 10:17

«Useˀ migam di mikuli hana, ki humbuɗaka angi li mipal ta vur mike? Asi mike na, useˀ nah, naŋ pal wãˀ, Bumbulvuŋ a vulukum di ɓa ngi pula mungra ngi jum ngi Israyeley, yo ɓa ngi ga mezegwel ngi pula mungra.

LEVIHEY 10:19

Aroŋ a mbiɗa da Moyise: «Cina ɗi, tapas Israyeley migaka mikuli taŋ da Bumbulvuŋ, mikuli ngi pula mungra ati mikuli mizlam zlam wãˀ na, wuluk muso a hirnga ɗu ani: Gwat magam di mikuli ngi pula mungra na, ɓa i zuma useˀ naŋ angi hin hana na, Bumbulvuŋ a sa hĩyã kwa?»

LEVIHEY 11:41

«Gwatay majam suɓulak ngisi ruwuy gar na, i mitikahay le ngi zumo.

LEVIHEY 17:16

Da a buna zana naŋhaya ta, yo naŋ vuna a bun ta ma na, zayɓi ngi mungra nah, naŋ a hirnga naŋ.»

LEVIHEY 19:5

Da ki ra kiɗam gwat ngi giy mikuli ngi ngiɓiˀay da ya Bumbulvuŋ na, gaka ti jiviɗ naŋ kaslsla, ɓa i hĩyãŋ.

LEVIHEY 20:17

Da mbur a zuɓ ngi ngwasa i sukum naŋ mongoso, miya mandaf mandaf malla ngi wazlaray, a pura mbuŋ ngi zuŋ le, yo zuŋ kwana a puraŋ mbuŋ naŋ le na, i gwat mukuyta wãˀ. A sa gwahaka taŋ avra, a mihiri ngi mizli taŋhaya. Mbur mizile, zayɓi ngi malambaˀ naŋ na, a ndir a hirnga naŋ, asi naŋ mupura mbuŋ ngi sukum naŋ mongoso na.

LEVIHEY 20:19

Mudumunuk, sukum ngi bunuk malla ngi munuko, ki pura mbuŋ naŋ ta. Da mbur a hin le ti muy naŋ tehhe a muŋ na, taŋ cuw taŋ a jijiraka zayɓi nah.

LEVIHEY 22:16

Da a zumaka le na, a so ti mungra nga hirnga taŋ, hã a cufuɗ ɗiya ɓi avu Israyeleye. Asi matiri ti taŋ, taŋ pal na, i ya Bumbulvuŋ.»

LEVIHEY 22:23

Da kaɓa, sla, tumuŋ malla awa, ble ada ava na, ki gi di mikuli ngi mongoy ɗike zuy ɓula, amma ɓa ngi gi di mikuli ngi ji mi na, anta sa tuɓukuw di ta.

LEVIHEY 22:25

Kum anta hiɗikam ginew misi kanah a haŋ mulakaya, ɓa ki vulikiy ka ɗaf da ya Buymisemuŋ kumo ta. Asi nguɗ malla hila lakway ngi ginewey misi kanah na, kite i hereweɗ avu ginewe si, y'anta tiɓa ta.»

LEVIHEY 5:17

«Ɓimuɗuva nga ya Bumbulvuŋ, misi i mitika jiviɗ naŋ le ngi gi na, da mbur a ngil ɓi le purla a wuzla taŋ, tir manja sin naŋ na, kite a ci le ar mungra, yo a zuɓa zayɓi nah le nga hirnga naŋ.

LEVIHEY 7:19

Yo ma na, useˀ muru le duk avu gwat misi dili gar na, a zumaka ta, a wuraka avra. «Ɓa mbur a zum useˀ ngi mikuli na, sey da naŋ manja dili.

AMOS 5:22

Da kum migikiy mikuli mizlam zlam wãˀa le, waɗ mikuli ti gwat ngi migam kumoyo le na, ko ya mahiyĩ loŋ anta. Mikuli kum magikiy di ti gwat misãmi muzlumburahay na, y'anta ɗuva hiri taˀ le ara ta.

MALASI 1:10

Anja ɓa kisa ra bulam vu ar li gi mikuli ɗu lambaˀ ta na, a wuzla kumo, zliv mbur ada ngi gica mizlingre muduba sukwa? I ya Bumbulvuŋ misi gidaŋ wãˀ maɓi. Gwat maciriy hiri neˀ avu kum anta. Gwat kum mavulikiy di angi mikuli na, y'anta hĩyã ta ani!

MALASI 1:13

Yo ki ɓam ma na: «Kayya, hana i gira vu ngatara», yo ki gam di kaɓa ɓi nah a cukum ta, i ya Bumbulvuŋ misi gidaŋ wãˀmaɓi. Ginew muhulo, mikiciɗek sar, malla misi jiji na, ki soko di, dar ki gikiy di mikuli. Ki waka na ɓa i tiɓa tisi haŋ kumo sukwani? I ya Bumbulvuŋ maɓi.

SLUFA VU 18:27

Gwat kum masa mavulikiy di na, a sa tiri i gwat mupurla ati ngi misi Israyel mekelemey masa hilam cah avu daw taŋhay, malla avu mbaazla si, ɓa a vulikiy di da ya na.

Ɓimezle ngi Yesu Kristu LUK mitil di mi 16:15

Yesu a ɓa taŋ: «Ki gaka vu kum a mbuŋ mizli ka kum jeŋŋe, amma Buymisemuŋ a si na mevel kumo le. Gwat mizli mapuraka, i gwat hirnga na, avu Buymisemuŋ, i gwat mukuy ta wãˀa.

ROMAHAY 4:11

Abraham a tiɓi le, a ci le a mizawa, vivi mabiga Buymisemuŋ a ɗiyaŋ le zlezle jeŋŋe na, a lum le. Bumbulvuŋ a ɗiya Abrahama dumbuŋ angi naŋ mici a mizawa. Naŋ kine, Abraham a tiri cine ngi mizli mitiɓihey gar. Ko da a cam mizawa ta tekeɗe kwana, Bumbulvuŋ ara pura taŋ ka mizli mijeŋŋehey.

HEBEREY 9:28

Naŋ kine, Kristu kwana, a vula hirnga naŋ ngi gi mikuli a mbuŋ Buymisemuŋ is purla, ɓa ngi zuɓa mungra ngi zigiduw haɗi avra, yo a sa bugo vu is purla sar mucuw naŋ ma, anta ngi zuɓa mungra mata, amma ngi laha mizli makutukokoŋ.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.