LEVIHEY 7:16 - Bible en langue guiziga

¹⁶ Mikuli, mbur muso le nga gi naŋ, da i mikuli ngi ‹ji mi ngi Buymisemuŋ›, malla ‹i ngi mongoy naŋ› na, a zumaka gwat ngi gi mikuli nah kalla tapas vul naŋ vuna si. Is naŋ mandire, li naŋ muwun le na, a zumaka zuyo ma.

LEVIHEY 7:16 ပူးပေါင်းရင်းမြစ်များ

DIMISEY 116:14

Gwat ya miɓa zleˀe ɗaˀ le da Bumbulvuŋ tuwa, i sa gaŋ di, i sa gaŋ di mur mizli naŋhay gar.

DIMISEY 116:18

Gwat ya miɓa zleˀe ɗaˀ le da Bumbulvuŋ tuwa, i sa gaŋ di, yo i sa gaŋ di mur mizli naŋhay gar.

DIMISEY 66:13

I ci ng'ar hay ɗike, nga guw mikuli ti ginew zlam zlam, ɓa ɓi ɗu ngi ji mi ɗik na, i ga gisiŋ,

BI NGI ISRAYELEY 35:29

Israyeley gar, ziley ati ngwas muvul ti gula ti hazumoy gar na, a soko ti gwat taŋhaya ngi mongoy taŋ, a vulaka da Bumbulvuŋ, ɓa ngi gi slra Bumbulvuŋ muɗuva da Moyis tuwa.

MIKUCUWULOY 7:14

«Ya ti may ngi gi mikuli ngi gi sise zleˀe, gwat ya miɓa i sa ga na, dana a gi le muduba.

EZEKIYEL 46:12

Buyo, da ara ga mikuli ngi mongoy naŋ da Bumbulvuŋ, i mikuli ngi zlum ti zlum malla mikuli ngi jumoˀay na, a sa wunakaŋ mizlingre mupulaˀ hiri ngir tisi pas ngi miprik tuwaˀ, a sa ga mikuli naŋhaya, kaɓa naŋ maga tapas sabat tuwa. A dirba nah, a bi, naŋ mibi le put si na, a gicaka mizlingre giceˀ a muŋ si.

LEVIHEY 22:23

Da kaɓa, sla, tumuŋ malla awa, ble ada ava na, ki gi di mikuli ngi mongoy ɗike zuy ɓula, amma ɓa ngi gi di mikuli ngi ji mi na, anta sa tuɓukuw di ta.

LEVIHEY 22:29

Da ki ra gam mikuli ngi gi sise da ya Bumbulvuŋ na, gaka ti jiviɗ naŋ, zliv ɓa i tiɓaŋ.

LEVIHEY 23:38

Mikuli kum magaka taŋ ti hin gi sabatay da ya Bumbulvuŋ na, a jumom jom ng'avi gwat ngi vul kumoy waɗ ng'avu mikuli ngi ji mi malla mikuli kum magaka ngi mongoy kum na.

SLUFA VU 15:3

kisa gikiy mikuli ti ginewey. Mikuli mizlam zlam wãˀ malla mikuli ngi ɗiya ɓi. Ki sa gikiy di ngi ɗiya ɓi ngi hudum, malla ngi mongoy kum, malla tapas muguzlumoy. Vurˀe, ki wunam sla, tumuŋ malla ˀaw, naɓa zĩˀĩ taŋ, a sa tislikiy mevel.

Slu cuw 12:11

Gwat ya maslufukum t'ani gar na, kisa ram taŋ da Bumbulvuŋ Buymisemuŋ kumo, ar li naŋ masa wunaŋ ngi biga vu naŋ na: mikuli mizlam zlam wãˀ, mikuli ngi jumoˀay, mikuruˀ ngi gwat ngi migam kumoy, waɗ gwat ngi vul ngi mongoy kum ati gwat gar kum majuwaka le a mevel kum ngi ji mi ngi Bumbulvuŋ.

Slu cuw 12:17

Mukuruˀngi alkamari kum, ngi mbaazla si kum, ngi mal kum, ko modogom ngi sla kumoy, ngi tumuŋ kumoy, ngi ˀaw kumoy, ko gwat kum mavulaka ngi mongoy kum, waɗ kum mavulaka ngi mevel kum malla ngi ji mi ngi Bumbulvuŋ gar na, ki zumaka taŋ ar walahay kumoy tehhe ta.

Slu cuw 12:26

Gwat ngi so di ng'ar li Bumbulvuŋ masa wuna na, sey ginew muvula le da Bumbulvuŋ malla ngi ji mi ngi Bumbulvuŋ tewle.

Slu cuw 12:6

Mikuli kumoy ti ginew zlam zlam, mikuli ngi jumoˀaya nga diga. Mukuruˀngi gwat ngi migam kumoy, gwat ngi vul ngi mongoy kum, waɗ kum masoko di ngi mevel kum malla ngi ji mi ngi Bumbulvuŋ, modogom ngi sla, ngi ˀaw ati ngi tumuŋ kumoy gar na, kisa ram taŋ nga diga.