LEVIHEY 7:12 - Bible en langue guiziga

¹² Da a vulaka ngi hunumiy ya Buymisemuŋ na, sey a soko di aseˀe i hapa manja ˀis ara, fukaɗ fukaɗ ti mal waɗ tos tos ar vu, helelem mikefer kefer manja ˀis ara, pay pay mal ava, yo waɗ hapa mufukuɗa le kuy kuy ti mal, waɗ tos tos ar vu.

LEVIHEY 7:12 ပူးပေါင်းရင်းမြစ်များ

ƁI NGI HINEY MUCUW NAŊ 29:31

Ezekiyas a zla mingiɓi, a ɓi: «Wurenna, ani kum gar ti gwatay a haŋ ngi vul da Bumbulvuŋ so, girjohoko, gwat ngi mikuli ngi jumoˀay ati ngi hunuma Bumbulvuŋ, soko taŋ ng'ar hay naŋ. Dar mizli a soko ti gwat ngi mikulihey ati gwat ngi vul ngi hunuma Buymisemuŋ, yo mizli misi ti mevel mezlehey gar na, a soko ti ginew ngi mikuli ngi zlum zlam zlam wãˀa.

ƁI NGI HINEY MUCUW NAŊ 33:16

A ndira li gi mikuli ngi Bumbulvuŋ hiri naŋ a muŋ. Joˀ a gi mikuli ngi ngiɓiˀay waɗ ngi hunuma Buymisemuŋ angaŋ. A ɓa Zudahaya ɓa a huruk hurukam a mbuŋ Bumbulvuŋ Buymisemuŋ ngi Israyel.

NEHEMI 12:43

Tapasa, mizli a gam mikuli haɗi teˀe da Buymisemuŋ, a mumulom haɗa, asi Buymisemuŋ a vula taŋ mumul le haɗa teˀe. Ngwasay ati ziri kwana, a mumulom haɗa ya, hã mumul taŋ na, a zuɓa le ngiɗ ngiɗ.

DIMISEY 107:8

Anja a hunumaka Bumbulvuŋ vur gi teŋteŋ naŋ na, yo vur cekene, naŋ miga taŋ vur mizli titrahaya na.

DIMISEY 116:17

I sa guw mikuli ngi hunum ɗike, i sa ziluw ka Bumbulvuŋ ti slimiɗ ɗiki.

DIMISEY 50:23

Mbur magiy mikuli ngi hunum ɗu na, ara giy dudoko, yo ara zuɓ jiviɗ ng'ar li ya masa bigaŋ di, ya Buymisemuŋ malahaŋ na.

ZEREMI 33:11

ˀay ngi zluzluɓ, salalay, dimis ngi mbur mazuɓ ngwas ati mumul ngi ngwasa, waɗ dimis ngi mizli ma ram ti mikuli ngi hunuma vu ar hay ngi Bumbulvuŋ, a sa zlaka na: ‹Mumuloko Bumbulvuŋ misi gidaŋ wãˀa, asi naŋ mezle, yo gi teŋteŋ naŋ hã ngi sete.› Haˀaw, i sa mo ti mizli ngisi ruwuy hana a muŋ, a sa tiri kaɓa naŋ misi zleˀe a muŋ.» I ya Bumbulvuŋ maɓi.

Ɗerewol OZE 14:2

Israyel, mawa ng'avu Bumbulvuŋ Buymisemuŋ ɗike so, ka maru tiɗam tiɗam na, asi gwat malambaˀ ɗik vuna.

LEVIHEY 2:4

Gwat ka maso di ngi vul da ya Buymisemuŋ, da i maɗaf manja is ara mida ar li di ɗaf na, sey i mufukuɗa ti mal waɗ tos tos ar vu malla i helelem mikefer kefer, waɗ pay pay mal ava.

LEVIHEY 2:5

Da gwat ngi vul ngi gi sedege i mususulo ar ɓiri muputikay na, sey i hapa manja ˀis ara, mufukuɗa ti mal.

LEVIHEY 22:29

Da ki ra gam mikuli ngi gi sise da ya Bumbulvuŋ na, gaka ti jiviɗ naŋ, zliv ɓa i tiɓaŋ.

LEVIHEY 6:16

Mikuli masay mavula gar na, a zlumaka zlam zlam wãˀ, anta zumaka ta.»

LEVIHEY 7:15

Useˀ ngi mikuli ngi ngiɓiˀay, muhunumam di ya Buymisemuŋ tuwa na, a zumaka kalla tapas gi mikuli vuna, anta a wam di vu ngi tiprike ta.

AMOS 4:5

Mikuli ti gwat ngi zum manja is ara na, wuraka ngi hunuma Buymisemuŋ, tilam mi ti ɓi vula gwat ngi mongoyo da mizli gar, asi gwat kum mawuɗama i nah so takwa Israyeley. I ya Bumbulvuŋ Buymisemuŋ maɓi.

SLUFA VU 6:15

Aru ti ɗaf mida ti hapa mezle mukuɗ kuɗ manja ˀis ara, gadagar pal, maɗaf mufukuɗa ti mal, tos tos ar vu waɗ sukwi ngi helelem mikefer kefer, manja ˀis ara, mugujaˀaŋ mal le, waɗ hapa ati mbaazla ngi pusl.

Ɓimezle ngi Yesu Kristu LUK mitil di mi 17:16

A huruk huruk asi sar ngi Yesu, a gaŋ sise. Dambalaka i mbur Samari.

Ɓimezle ngi Yesu Kristu LUK mitil di mi 17:18

Ko mbur pal asi taŋ mumo nga ga sise da Buymisemuŋ anta, sey mbur Samari hana tewle si kwa?»

ROMAHAY 1:21

Asi mike na, a sinaka Buymisemuŋ le ngbaŋ, amma a ɗuvakaŋ hirnga ta, yo a gakaŋ sise ti jiviɗ naŋ kaslsla ta ma. Wuluk taŋ a kirih le kileŋ tivi ɓi mikaslsla jaka, mevel taŋ anta sla wala ngi ɓi mata, luvuŋ a sirta le sirit wãˀa.

EFESEY 5:20

Gaka sise da Cine ndra Buymisemuŋ ti slimiɗ ngi Buy ndra Yesu Kristu ar pas gar, yo asi ɓi mike gar.

HEBEREY 13:15

Hunumukum Buymisemuŋ ndrehhe, kaɓa i gi mikuli ndra tisi Yesu, mbiɗeˀvra: zila slimiɗ naŋ ti mingiɓi ngi balam ndra.

PIYER MUDUMBUŊ NAŊ 2:5

Kumo kwana, kirohoko, kum i ɗugur misi titirihey, ɓa a ndiram ti kum hay ngi ˀUf Mipal, ɓa ki tiram mijiviɗey, ngi gaŋ mikuli maciraŋ hiri tisi Yesu Kristu.