LEVIHEY 6:5 - Bible en langue guiziga

⁵ Vu misi ar li ngi gi mikuli na, ara tiɓi ndrehhe, ko anta pam le ta ndiɗaˀ. Vur miprik gar na, masay a pi musluŋvu ng'araŋ, a ka gwat ngi mikuli ngi zlum ti zlumo nga hirnga naŋ. Li misi mal naŋhaya, masay a wura taŋ ngi gi mikuli ngi ngiɓiˀay.

LEVIHEY 6:5 ပူးပေါင်းရင်းမြစ်များ

SAMUYEL MUCUW NAŊ 12:6

Naŋ miga gwat nah, manja pura ircece na ta na, zuŋ tumuŋ na kwana, sey a wurka tumuŋ mufaɗa.»

NEHEMI 10:35

Ngi ndra masayay ati levihey waɗ mizli gara, i gam ceregezleŋ le ya, vur ɓi ngi vula dum ng'ar hay ngi Bumbulvuŋ ndra. Asi vur vi gar na, sey hay ngi mbur gar aru ti dum ar deɗe ngi mikuli, kaslsla ar hin muɗuvaka le da mbur ada mburo ti ceregezleŋ. Dum nah na, ɓa a ɗiyam di vu ar li gi mikuli ngi Bumbulvuŋ, Buymisemuŋ ndra, kaɓa mutohoko ɓi nah ar ɗerewol Ɓimujuwa.

BI NGI ISRAYELEY 22:1

Da a jaka muhulo le kasl ar li slina dalam ti duvuɗo, a kiɗaka le vagay na, anta slufaka kaɓa kiɗa hirnga ta.

BI NGI ISRAYELEY 22:4

Da mbur a pula ginew naŋ le ng'ar fat ngi mbur, malla guva ngi gudubun na, sey a wurka ti gwat ngi migam migi le kuy kuy, malla gudubun ngir guva naŋ miyi le kuy kuy.

BI NGI ISRAYELEY 22:7

Da a lumaka muhul naŋ ta na, mbur misi hay a sa ga sedewo naŋ a mbuŋ Buymisemuŋ, a hudum ɓa a sinaka, naŋ a ji haŋ avu gwat ngi mbur ta.

BI NGI ISRAYELEY 22:9

Kaɓa ani, mbur a ki zungu, sla, tumuŋ, ˀaw malla ko ginew wanaka gar a hay mburu, da a muc le, malla a lum mendere le, malla ta a huloko le, sedewo kini anta na,

BI NGI ISRAYELEY 30:7

Ti miprik gar na, Aroŋ muru le nga sumuɗo lampehey misi ar guɗuko na, a zluma urdi ngi vul da ya Buymisemuŋ.

EZAYI 58:6

Gi dalyam ya mawuɗo, n'ani: mizli kum majuwaka taŋ ngi moˀore ti celeluhoy na, pulaka taŋ, cukoko taŋ galalaŋ ngi si ˀay taŋ avra, mizli muguzuvuraˀahaya, vulaka taŋ diimu. Wãˀ naŋ na, anja ki ngilaka galalaŋ ngi gi beke ti mizli na gar avra.

EZAYI 58:9

Akẽh so na, da ka misa zila Bumbulvuŋ le na, a sa ziluw mi, Da ka misa wuɗ jini le na, a sa ɓuw «Y'ani!» Asi hirwuy ɗike, da k'anta gi beke ti mizli mata, k'anta gil ɓi da mbur ta, k'anta ɓi ɓi malambaˀ ar mbur ta,

EZEKIYEL 33:15

gwat mbur mijika le ava zleˀe, ara mi di da buy naŋ a muŋ, gwat naŋ muhulo zleˀe, ara mi di da buy naŋ a muŋ, ɓi miɓa ɗaˀ le mavul siifa na, ara sipa, gwat mijeŋ ta, naŋ anta ga ta na, a sa ndir ti siifa gisiŋ, naŋ anta sa muc ta.

LEVIHEY 5:16

Waɗ ma na, naŋ muzluɓa vula gwat ar hay nga ya Bumbulvuŋ tuwa na, a wurkaŋ. Yo a wuɗuka cikili ngi gwat ngi vul vuna taˀ taˀ zlum, waɗ a vulo pal bac nga mi gwat naŋ mawuɗ a gi di mikuli vuna, a vula da masay. Da masay a ga mezegwel ngi pula mungra ngi mburo le ti zlengerek ngi ɗiya ɓi tuwa na, Buymisemuŋ a pulaŋ mungra naŋhaya le avra.

Ɓimezle ngi Yesu Kristu LUK mitil di mi 19:8

Amma Zake a slikiɗ, a ɓa Buy Yesu: «Cin ɗi Buy, yi sa vula zlili ɗu cah da misi murgahay. Da yi tiɓi gwat le avu mbur zleˀe ti wer na, yi sa wurkaŋ di is mufaɗa.»

SAMUYEL MUDUMBUŊ NAŊ 12:3

Naŋ kine, y'ani deŋ ani a mbuŋ kum, a mihiri ngi Buymisemuŋ waɗ a mbuŋ mbur naŋ muwunaŋ: wudam ti ya, da kum ada ti ɓi ngi widi ti ya. Yi tiɓi sla ngi mbur le ɗaˀ kwa? Malla zungu ngi mbur? Yi zum gwat ngi mbur le ɗaˀ kwa? Malla yi gi bonoy le da mbur ɗaˀ kwa? Yi tiɓi gwat ngatara le avu mbur ɓa i tiɗi kalaf ar ɓi naŋ kwa? Da ada na, yi sa mukum di a muŋ.»