LEVIHEY 6:4 - Bible en langue guiziga

⁴ Dar akẽh, a cuko zanahaya, a ki zana mekelemey. A hila fucu mingiˀ ngiˀ tuwa nga duba gala, ara pa ar li manja dili.

LEVIHEY 6:4 ပူးပေါင်းရင်းမြစ်များ

ZLI VIRZI 21:25

Abraham a tuwa ɓi ngi vigiɗ ngi yam avu Abimelek, gawla ngi Abimelekey mitiɓaka ava.

NEHEMI 5:11

Dana dana vuna si na, guva taŋhay, gudubun taŋhay, tutumbur taŋhay ati hay taŋhaya, maka taŋ di a muŋ, yo dala, alkamari, mbaazla si ati mal taŋ mihilaka taŋ ngi hataka avu kum na, ki cufuɗaka taŋ mata.»

Ɗerewol JOP 20:19

Asi a burɗa misi murgahaya le, yo a pula taŋ le zlaɗ lambaˀ, ɓa a ndira taŋ haya jak na, a tiɓa avu taŋ ti tiɓi.

Ɗerewol JOP 24:2

Mizli ara kiraham maakway ngi guvahay, a hulom ginew ngi mizli, a jiginaka taŋ.

EZAYI 59:6

Ɓi kum makuluwaka kaɓa gugumay ngi monjoronjoro vuna anta bo ti zana ta, mbur a sirta vu naŋ ti gi gwat nah vuna gu ta ma kini, gwat ngi gi kum i slra ngi gi malambaˀ da mburu, haŋ kumo, ki wuɗam sey gi di moˀore.

EZEKIYEL 18:12

a zum gwat ngi mizli migeˀ ircecehey ati ngi misi murgahay, a hul, gwat mbur mijikaŋ di le ar deɗe ngi duvus na, a mi di da buy nah mata, a huruk huruk a mbuŋ kulihey, a gi gwat mukuyta wãˀ,

EZEKIYEL 18:18

Amma cine naŋ, a gi moˀore le avu mizli zleˀe, a hul gwat ngi mizli le, a gi gwat mezle a wuzla mizli naŋhaya ta, masa muc i naŋ, asi mungra ngi hirnga naŋ.

EZEKIYEL 18:7

naŋ anta zum mbur ta, gwat mbur mijika le ar deɗe ngi duvus na, a mi di da buy naŋ a muŋ, naŋ anta hul ta, mbur muro ti maya, a vulaŋ gwat ngi zum, a vula zana da mbur manja zana,

EZEKIYEL 33:15

gwat mbur mijika le ava zleˀe, ara mi di da buy naŋ a muŋ, gwat naŋ muhulo zleˀe, ara mi di da buy naŋ a muŋ, ɓi miɓa ɗaˀ le mavul siifa na, ara sipa, gwat mijeŋ ta, naŋ anta ga ta na, a sa ndir ti siifa gisiŋ, naŋ anta sa muc ta.

EZEKIYEL 44:19

Ti taŋ masa bam nga wazlaray ngi vra, ng'avi mizli Israyeleye na, zana taŋ migam taŋ slra na, a sa cukoko taŋ avra, a paka taŋ ar viŋ ngi hay ɗu. A sakam di i zana mekelemey, asi t'anta sa zuɓaka mungra ngi mizli avra ti zana tayna ɓaˀ ɓaˀ avu vu ta.

LEVIHEY 24:18

Da mbur a kiɗ ginew ngi cil naŋ vagay na, sey a wurka ginew nah ti ginew mideŋ titiri.

LEVIHEY 24:21

«Mbur mikiɗ ginew ngi mbur le na, sey a wurkaŋ, yo mbur mikiɗ mbur le vagay na, a kiɗakaŋ naŋ vuna vagay aya.

LEVIHEY 4:12

na zle, is ngi useˀ ngi gusoŋ vuna wãˀ si, a bi di nga duba gala, ng'ar li manja dili, li mapaka fucu misi mal ngiˀ ngiˀ ava na, a zluma ar vu miɗiya ti musluŋvu. A zlumaka ar li mapaka fucu misi mal ngiˀ ngiˀ ava.

AMOS 3:10

«Mizli Samarihey a sinaka gi gwat ti jiviɗ naŋ ɗalla ta. Gwat taŋ matiɓaka taŋ ti gidaŋ, waɗ taŋ mavaka taŋ avu mizli gar na, ara cikilaka taŋ ar hay taŋhay mimezlehey na. I ya Bumbulvuŋ maɓi.

MISE 2:2

Da taŋ hĩhĩyam guvahay le na, a tiɓaka taŋ da taŋ. Da i hayay, a zuɓaka taŋ da taŋ. A jaka buy ngi haya jom ati hay naŋ wãˀ, yo a guzuvuraka mburo jom ati zlili naŋ wãˀ.

SOFONI 1:9

Ti hin nana, mizli matuwuɗam mohol, manahaka hay ngi kuli taŋ ti gwat mitiɓa ti gidaŋ waɗ ti gi gilaw da mizli na, i sa kuta taŋ ti bonoy.»

MALASI 1:13

Yo ki ɓam ma na: «Kayya, hana i gira vu ngatara», yo ki gam di kaɓa ɓi nah a cukum ta, i ya Bumbulvuŋ misi gidaŋ wãˀmaɓi. Ginew muhulo, mikiciɗek sar, malla misi jiji na, ki soko di, dar ki gikiy di mikuli. Ki waka na ɓa i tiɓa tisi haŋ kumo sukwani? I ya Bumbulvuŋ maɓi.

SLUFA VU 5:7

Sey a njika mungra naŋ, naŋ miga vuna, a mi ti gwat vuna cineˀe da buy naŋ. A wuɗ mekelem, a wunka taˀ taˀ zlum, waɗ a vulaŋ pal nga meˀeŋ.