LEVIHEY 6:2 - Bible en langue guiziga

² «Aroŋ ati ziri naŋhaya, ɓa taŋ ɓi ngi gwat ya mawuɗ ani: Ɓi ngi mikuli ngi zlum zlam zlam wãˀ: Mikuli hana a hin kap ti duvuɗo ar li zlum hã ti mipriki. Vu naŋ da, ara tiɓi ar li gi mikuli na si.

LEVIHEY 6:2 ပူးပေါင်းရင်းမြစ်များ

ZLI VIRZI 26:7

Mizli ngi hirwuy nah na, a cufuɗakaŋ vur ngwas naŋ. A mbiɗa taŋ di: «I sukum ɗu.» Ɓa a ɓa taŋ Rebeka i ngwas naŋ na, a tum vu gu ta, asi a zluwun ti mizli tayna ma kiɗakaŋ vagay aseˀe, vur Rebeka naŋ kuyu gwatta.

DIMISEY 51:4

Buniy malambaˀ ɗuwoy ndrehhe avra, yo buniy mungra ɗu avra.

MIKUCUWULOY 24:28

Da mbur a gi gwat ta na, ki gi sedewo vurˀe ta. Ki wuɗ ki gi slir ar mingiɓi ɗike kwa?

MIKUCUWULOY 26:19

naŋ kaɓa mbur maga gilaw da cil naŋ, a dirba nah, a ɓaŋ: «I gi di i dungur!»

EZAYI 21:2

I pur gwat ti kleŋ, gwat magi zluwun ani. Muvula mbur mavul cil naŋ ngi ji, mihirya gwat, mahiryi gwat. Buymisemuŋ a ɓi na: «Elamay, zlaka kiɗa vu! Medey, ndahaka walahaya! I sa kiɗa mi ngi huhumo vu walahay nah wãˀa.»

EZAYI 24:16

I ra cinam dimis ani mabo tir kiɗa mi ngi ruwuy: «Ɗuvaka hirnga da Buymisemuŋ mijeŋŋe!» Amma yi ɓi: «Yi zizi le, yi zizi le! I bonoy avu ya.» Muvula mizli ngi jihey, a vulikiy le ngi ji. Vul ngi ji! Muvula mizli ngi jihey, a vulikiy le ngi ji.

EZAYI 33:1

Ka mbur mihiriya li, manja a hiriyukuw, ka mavul mizli ngi ji, manja a jukuw na, kay! Ka ar bonoy. Ka misa pula hiriya li le na, a sa hiriyukuw ka ya, ka misa pula vula mizli le ngi ji na, a sa jukuw ka ya.

ZEREMI 9:5

Gi moˀore anta kiɗ mi pas le ta, yo gi gilaw da mburo kanah ma! Tˀanta ngumam sin ɗu ta I ya Bumbulvuŋ maɓi.

EZEKIYEL 40:46

Yo viŋ mupuɗak ng'ar vay muŋ na kwana, i ngi masayay magam slra ar li ngi gi mikuli. I ziri ngi Sadokoy a wuzla dideˀ ngi Leviheye tewle makirohoko ng'avu Bumbulvuŋ ngi gaŋ mezegwele.»

LEVIHEY 1:3

Da mbur a wuɗ le, ɓa a gi mikuli mizlam zlam wãˀ ti sla na, sey a jo di i sla mizile, manja hereweɗ ava. Aru di nga mizlingre guɗuk ngi zlir ti ya, ɓa i tiɓaŋ.

LEVIHEY 19:11

Ki hulom ta, ki gam slir ta, mizli ngisi hirwuy purla ati kum na, ki gaka taŋ gilaw ta.

LEVIHEY 5:15

«Mburo, tir manja sin naŋ na, a gi mungra madiɗa le, asi a zluɓa vula gwat mihĩˀĩ da ya Bumbulvuŋ na le. Na, ɓa ngi ɗiya ɓi nah avu ya na, sey a so ti zlengerek manja hereweɗ ava. A jo di a wuzla tumuŋ naŋhay, yo anja naŋ puɗaw kaslsla avu cikili magam di slra ar hay nga ya Bumbulvuŋ tapasaŋ, ɓa a gi di mikuli ngi ɗiya ɓi naŋ.

LEVIHEY 5:19

Hana i mikuli ngi ɗiya ɓi, asi mbur nah na, avu ya Bumbulvuŋ, a ci le ar mungra gisiŋ gisiŋ.»

LEVIHEY 6:1

Bumbulvuŋ a ɓa Moyise na:

AMOS 8:5

Kumo ki ɓam ay ngar ngar: «Anja muguzlum ngi kiya weɗeɗ hana a cuh kutum so, ɓa i hiɗikaka daw ndrahay avra. Anja hin ngi Sabat a kiɗ mi kutum so, ɓa i wunaka mi ngi dirgwaɗ ndraˀahaya. I sa zuɓam agwada miweˀe weˀe ngi wi gwata, i sa giɗaka cikili naŋ, waɗ i sa ngirɗaka kilo, ɓa gwat a ji kilo ta.

HABAKUK 1:13

Pura hiri ɗike, malambaˀ anta ara ta, ki ɓusa pura malambaˀa gu ta, maguzuvraka mizli na, k'anta wuɗ pur naŋ ta, k'anta ngum pura bonoy ngi mizli ti hiri ta. Na, mitikina vuhoyo ki pura taŋ ti hiri na vur mike? Da mbur misi moˀore ara njirsla mbur mijeŋ fineˀ naŋ na, ka lek lek vur mike?

Ɓimezle ngi Yesu Kristu ZAŊ mitil di mi 8:44

Cine kum i Satan, yo ki wuɗam gi di i gwat cine kum mahĩyãŋ. Naŋ i mikiɗa hirnga zle angi zli virzi naŋ. A cici ɗaˀ ar ɓi mikaslsla ta, asi ɓi mikaslsla anta ava ta. Da ara sli slir na, a ɓi di i ɓi ngi kpak nga naŋ, vur naŋ i misli slir, yo i buy ngi slirey vuna.

SLRA 5:4

Da ki pula le, ki hiɗika zleˀe ta na, zuy ta kwa? Malla ka mihiɗika vuna, dala nah i ngi ɗik ta kwa? Wuluk misi kahana, a so a mevel ɗike mbri mbrike? Ki gi di i slir da mizli ta, amma da Buymisemuŋ.»

EFESEY 4:25

Ani, ki muɗam vu kumo le tir slire so, anja mbur gar a ɓi ɓi migisiŋ da mbur cil naŋ. Asi ndra jom gar arleˀe, i hirzlik ngi dumvu purla.

KOLOSOY 3:9

Ki gam slir ar wala kumo mata. Asi mike na, kpak ngi vu kum magala ati gwat ngi gi naŋhay gar na, ki cukoko taŋ le avra.

ƁIMUNJUYO 22:15

Amma mizli migi lambaˀhay ati misi ti sin ngi gi cekenehey, migi madamahay ati mikiɗa hirngahay, mihuruk huruk a mbuŋ kulihey, waɗ ko wa gar mawuɗ ɓi ngi slir malla magi slir na, a ndiram a duba gala.