LEVIHEY 5:2 - Bible en langue guiziga

² Ɓi mekelem ani ma: Mbur mija haŋ le avu gwat misi dili ko wanaka gar, manja a sinaŋ: maara ngi gwat misãmi ngi ɓuh, mitika le ngi zum, ko maara ngi ginew malla mevreŋ ngi zum tahay gar na, naɓa a tiri le naŋ ti dili, yo a ci le ar mungra.

LEVIHEY 5:2 ပူးပေါင်းရင်းမြစ်များ

EZAYI 52:11

Kum mijijira gazlanga ngi gi mezegweley da Bumbulvuŋ na, bam kutum ti Babiloŋ, zuɓaka dili kumoy avra. Ki jam haŋ avu gwat misi dili ta.

LEVIHEY 11:11

yo a sa ndiram i mitikahay le avu kumo. Ko ki zumaka useˀ taŋ ta, yo ko ki gumbaˀaka maara taŋ ta.

LEVIHEY 11:8

Ko ki zumaka useˀ taŋhaya ta, ko maara taŋ kwana, ki jaka haŋ avu taŋ ta. I gwat mitikahay le ngi zumo.

LEVIHEY 4:13

Da mungra nah, migaka i Israyeley keɗeɗe, tir manja sin naŋ, yo mizli taˀ gar a sinaka ta, ɓimuɗuva ngi Bumbulvuŋ mitika jiviɗ naŋ le ngi gi ngi gi gar, da a ngilam le purla ar wala taŋ na, naɓa a cam le ar mungra.

LEVIHEY 5:17

«Ɓimuɗuva nga ya Bumbulvuŋ, misi i mitika jiviɗ naŋ le ngi gi na, da mbur a ngil ɓi le purla a wuzla taŋ, tir manja sin naŋ na, kite a ci le ar mungra, yo a zuɓa zayɓi nah le nga hirnga naŋ.

LEVIHEY 5:3

Malla ta na, mbur a ja haŋ le avu mbur misi dili, dili wanaka gar matiri ti mburo naŋ ti dili. Mbur nah, a si na zleˀe ta. Akẽh na, naŋ misa si na le sin muduba na, naɓa a ci le ar mungra.

LEVIHEY 5:4

Kaɓa ani ma na, mburo, tir manja sin naŋ na, a hudum manja a wuluko si. Hudum naŋ nah na, a saŋ ti malambaˀ malla mezle nga hirnga naŋ gu. Ar ɓi wanaka gar, mbur mahudum manja wuluko, da naŋ misa si na le sin muduba na, naɓa a ci le ar mungra.

LEVIHEY 7:21

Yo gwat wanaka gar misi dili: mburu, gwat misãmi malla mevreŋ misi dili mitika jiviɗ nah le ngi zum gar na, mbur mija haŋ le ava, yo da a sa zum useˀ ngi mikuli ngi ngiɓiˀay magaka da ya Bumbulvuŋ na le na, mbur nah, a sa gwahakaŋ ti wuzla muy naŋhay avra.»

Ɗerewol AZE 2:13

Aze a cufuɗa taŋ ma: «Kaɓa ani, mbur a tiri le naŋ ti dili, asi naŋ mija haŋ le avu vagay ngi mbur, yo da naŋ misa ja haŋ le avu gwat pal a wuzla gwat ngi zum tayna ti dili naŋ tuwa na, gwat nah a tiri le naŋ dili ya kwa?» Masayay a ɓiɗaka: «Gwat nah a tiri le ti dili.»

SLUFA VU 19:22

Gwat gar, mbur misi dili mija haŋ le ava na, a ndir ti dili. Mbur mija haŋ le avu mbur misi dili na, naŋ kwana a ndir ti dili hã pastaˀ aya.»

Ɓimezle ngi Yesu Kristu LUK mitil di mi 11:44

Kay, kum ar bonoy. Kum ka zivi misinir sinirey, mizli maram digi tir taŋ, manja a sinakaŋ!»

KORENTIHEY MUCUW NAŊ 6:17

Vurˀe, Bumbulvuŋ a ɓi: «Bam avra ti wuzla mizli tayna so. Cifam baˀ pal kum. Gwat misi dili na, ki jaka haŋ ava ta, ɓa ya, i sa tuɓukum.

Slu cuw 14:8

Waɗ fedeme ma, asi naŋ ti zlenek wurngaŋ ɓula, amma naŋ anta ˀur ta. Avu kum i ngi zumoy ta, ki zumaka useˀ taŋhaya ta, ko vagay taŋhay kwana, ki jaka haŋ avu taŋ ta.