LEVIHEY 5:18 - Bible en langue guiziga

¹⁸ Ɓa ngi gi mikuli ngi ɗiya ɓi nah na, sey a so ti zlengerek manja hereweɗ ava, zlengerek naŋ mujo di a wuzla tumuŋ naŋhay. Anja naŋ kaslsla avu cikili ngi zlengerek ngi mikuli ngi ɗiya ɓi. Da masay a gaŋ mezegwel ngi zula mungra naŋ miga waˀ waˀ ta tir manja sin naŋ tuwa le na, ya Buymisemuŋ i pulaŋ mungra naŋ na le ya.

LEVIHEY 5:18 ပူးပေါင်းရင်းမြစ်များ

LEVIHEY 1:3

Da mbur a wuɗ le, ɓa a gi mikuli mizlam zlam wãˀ ti sla na, sey a jo di i sla mizile, manja hereweɗ ava. Aru di nga mizlingre guɗuk ngi zlir ti ya, ɓa i tiɓaŋ.

LEVIHEY 1:4

Mbur tuwa, a buca haŋ bac a hirnga ginewe, ginew nah na, kite i mitiɓa le ti haŋ mbur muso di ngi gi mezegwel ngi vula jiviɗ ngi pula mungra.

LEVIHEY 14:12

Masay a ji zuŋ tumuŋ tuwa purla, a gi di mikuli ngi ɗiya ɓi, jom ati mal reta litire, a biga taŋ a mbuŋ ya Bumbulvuŋ ti gi mezegwel ngi vula gwata.

LEVIHEY 4:20

A gi ti useˀ ngi gusoŋ hana kaɓa naŋ migi ti useˀ ngi gusoŋ ngi mikuli ngi pula mungra nga naŋ na ya. Masay miga mezegwel ngi pula mungra le da mizli kahana na, naɓa ya Bumbulvuŋ i pula mungra taŋhaya le avra ya.

LEVIHEY 5:17

«Ɓimuɗuva nga ya Bumbulvuŋ, misi i mitika jiviɗ naŋ le ngi gi na, da mbur a ngil ɓi le purla a wuzla taŋ, tir manja sin naŋ na, kite a ci le ar mungra, yo a zuɓa zayɓi nah le nga hirnga naŋ.

LEVIHEY 5:19

Hana i mikuli ngi ɗiya ɓi, asi mbur nah na, avu ya Bumbulvuŋ, a ci le ar mungra gisiŋ gisiŋ.»

SLUFA VU 15:24

da mungra miga miwaˀwaˀ ta nah na, a cuh manja jum ngi mizli a sinaka kaɓa a gam mungra le ta na, jum ngi mizli gar, a sa gikiy mikuli ti gusoŋ zlam zlam, misi zĩˀĩ naŋ a tisliy mevel, waɗ hapa ngi vul ati mbaazla ngi pusl kaɓa sirik kum, waɗ mikuli ti bazuway ngi zuɓa mungra.