LEVIHEY 5:17 - Bible en langue guiziga

¹⁷ «Ɓimuɗuva nga ya Bumbulvuŋ, misi i mitika jiviɗ naŋ le ngi gi na, da mbur a ngil ɓi le purla a wuzla taŋ, tir manja sin naŋ na, kite a ci le ar mungra, yo a zuɓa zayɓi nah le nga hirnga naŋ.

LEVIHEY 5:17 ပူးပေါင်းရင်းမြစ်များ

LEVIHEY 4:13

Da mungra nah, migaka i Israyeley keɗeɗe, tir manja sin naŋ, yo mizli taˀ gar a sinaka ta, ɓimuɗuva ngi Bumbulvuŋ mitika jiviɗ naŋ le ngi gi ngi gi gar, da a ngilam le purla ar wala taŋ na, naɓa a cam le ar mungra.

LEVIHEY 4:22

Ɓimuɗuva nga ya Bumbulvuŋ, ya Buymisemuŋ naŋ mitika jiviɗ naŋ le ngi gi ngi gi gar na, da buy a gi mungra le, a ngil le purla a wuzla taŋ tir manja sin naŋ na, naɓa a tiri le i mbur mici le ar mungra.

LEVIHEY 4:27

Da mbur ho gar a gi mungra le, a gi gwat le purla tir manja sin naŋ a wuzla gwat ɓimuɗuva nga ya Bumbulvuŋ mitika le na, naɓa a tiri le i mbur mici le ar mungra.

LEVIHEY 5:15

«Mburo, tir manja sin naŋ na, a gi mungra madiɗa le, asi a zluɓa vula gwat mihĩˀĩ da ya Bumbulvuŋ na le. Na, ɓa ngi ɗiya ɓi nah avu ya na, sey a so ti zlengerek manja hereweɗ ava. A jo di a wuzla tumuŋ naŋhay, yo anja naŋ puɗaw kaslsla avu cikili magam di slra ar hay nga ya Bumbulvuŋ tapasaŋ, ɓa a gi di mikuli ngi ɗiya ɓi naŋ.

LEVIHEY 5:18

Ɓa ngi gi mikuli ngi ɗiya ɓi nah na, sey a so ti zlengerek manja hereweɗ ava, zlengerek naŋ mujo di a wuzla tumuŋ naŋhay. Anja naŋ kaslsla avu cikili ngi zlengerek ngi mikuli ngi ɗiya ɓi. Da masay a gaŋ mezegwel ngi zula mungra naŋ miga waˀ waˀ ta tir manja sin naŋ tuwa le na, ya Buymisemuŋ i pulaŋ mungra naŋ na le ya.

LEVIHEY 5:19

Hana i mikuli ngi ɗiya ɓi, asi mbur nah na, avu ya Bumbulvuŋ, a ci le ar mungra gisiŋ gisiŋ.»

Ɓimezle ngi Yesu Kristu LUK mitil di mi 12:48

Amma gawla misina gwat buy naŋ mawuɗo ta, yo da a gi gwat zliv a ndila le ɓa a lum kiɗ na, a sa kiɗakaŋ neˀkini si. Mbur muvulakaŋ gwat le haɗi na, a sa cufuɗam ava haɗa ya. Mbur mupulakaŋ gwat le haɗi na, a sa cufuɗam ava haɗi ti vendeke.

ROMAHAY 14:23

Amma da mburo, naŋ ti wuluk cuw cuw a hirnga gwat ngi zumo, da a zuma le na, naɓa Buymisemuŋ a gaŋ kiita. Asi gwat naŋ maga na, a ga tisi tiɓi ta. Yo gwat mbur maga gar, da a ga tisi tiɓi ta na, a gi di i mungra.