LEVIHEY 5:16 - Bible en langue guiziga

¹⁶ Waɗ ma na, naŋ muzluɓa vula gwat ar hay nga ya Bumbulvuŋ tuwa na, a wurkaŋ. Yo a wuɗuka cikili ngi gwat ngi vul vuna taˀ taˀ zlum, waɗ a vulo pal bac nga mi gwat naŋ mawuɗ a gi di mikuli vuna, a vula da masay. Da masay a ga mezegwel ngi pula mungra ngi mburo le ti zlengerek ngi ɗiya ɓi tuwa na, Buymisemuŋ a pulaŋ mungra naŋhaya le avra.

LEVIHEY 5:16 ပူးပေါင်းရင်းမြစ်များ

DIMISEY 69:4

Widi a giriy le, ˀay silik silik wãˀ, mumburlok ɗu ara tiɓi vu. Hiri a gir le ar li kutuko Buymisemuŋ ɗu.

BI NGI ISRAYELEY 22:1

Da a jaka muhulo le kasl ar li slina dalam ti duvuɗo, a kiɗaka le vagay na, anta slufaka kaɓa kiɗa hirnga ta.

LEVIHEY 22:14

Ɗaf ngi mikuli na, da mbur a zum le, a si na ta na, sey a wurka da masay a muŋ waɗ muzlum ngi gwat naŋ muzuma vuna bac ameˀeŋ.

LEVIHEY 27:13

Da buy ngi ginew a wuɗ le ɓa a mbiɗa hirnga ngi ginew nah na, a vula cikili ngi masay mica na, waɗ muzlum ngi cikili ngi ginew vuna bac nga meˀeŋ.

LEVIHEY 27:15

Da mbur muvula haya, a wuɗ le, ɓa a mbiɗa hirnga ngi hay naŋ na, a vula cikili ngi masay mica na, waɗ muzlum ngi cikili ngi hay vuna bac nga meˀeŋ, joˀ hay a ndir da naŋ a muŋ.

LEVIHEY 27:27

Da kaɓa i zingaˀ ngi gwat misãmi mitika le ngi zumo na, zliv buy naŋ a mbiɗa hirnga naŋ gu. Na so na, a vula cikili ngi masay mica na, waɗ muzlum ngi cikili ngi gwat vuna bac nga meˀeŋ. Da a mbiɗa hirnga naŋ ta na, masay a hiɗika avra, a wa cikili nah weˀe avu naŋ mica tuwa,

LEVIHEY 27:31

Mburo, mukuruˀ ngi gwat naŋhaya, da a wuɗ le ɓa a mbiɗi hirnga naŋ cah avu taŋ na, a wurka cikili mikaslsla ngi gwat vuna waɗ muzlum ngi cikili naŋ vuna bac nga meˀeŋ.

LEVIHEY 4:20

A gi ti useˀ ngi gusoŋ hana kaɓa naŋ migi ti useˀ ngi gusoŋ ngi mikuli ngi pula mungra nga naŋ na ya. Masay miga mezegwel ngi pula mungra le da mizli kahana na, naɓa ya Bumbulvuŋ i pula mungra taŋhaya le avra ya.

LEVIHEY 4:26

Li misi malay gar na, a wura taŋ ar li gi mikuli, kaɓa magaka mikuli ngi ngiɓiˀay na ya. Masay miga mezegwel ngi pula mungra ngi buyo le na, naɓa ya Bumbulvuŋ i pulaŋ mungra naŋ le ya.

LEVIHEY 5:10

Ɗiyuw mucuw naŋ na, a gi di mikuli mizlam zlam wãˀ kaɓa muɗuvaka jiviɗ naŋ. Da masay, a ga mezegwel ngi pula mungra ngi mburo le kanah na, naɓa ya Buymisemuŋ i pulaŋ mungra naŋ miga na le.

LEVIHEY 5:13

«Masaya, da naŋ miga mezegwel misi kahana le a hirnga mbur migi mungra pal a wuzla mungra tayna na, Buymisemuŋ a pulaŋ mungra naŋ le ya. Masay a ga mezegwel hana kaɓa magakaa ti gwat ngi migam.»

LEVIHEY 5:6

Yo gwat naŋ maso di, ɓa ngi ɗiya mungra naŋ miga avu ya Bumbulvuŋ na, sey gwat mongoso, tumuŋ malla ˀaw, ɓa ngi gi mikuli ngi pula mungra naŋ. Akẽh na, masay a sa gaŋ mezegwel ngi pulaŋ mungra naŋ na.

LEVIHEY 7:2

Ar li maslaka ˀay ngi ginew ngi mikuli ngi zlum ti zlum na, ginew ngi mikuli ngi ɗiya ɓi, a slaka ˀay naŋ anga ya. Dar masay a kuca pumbuso da ciki li gi mikuli gun gun zlar.

SLUFA VU 5:7

Sey a njika mungra naŋ, naŋ miga vuna, a mi ti gwat vuna cineˀe da buy naŋ. A wuɗ mekelem, a wunka taˀ taˀ zlum, waɗ a vulaŋ pal nga meˀeŋ.

SLUFA VU 5:8

Da buy ngi gwat vuna a muc le, muy naŋ migweˀ, ɓa a makaŋ ti gwat anta na, a sa moko di da ya Bumbulvuŋ, mbiɗeˀvra da masay. Yo ma na, mbur muzluɓa ɓi, a sa jo zlengerek nga meˀe ngi gi mikuli ngi ɗiya ɓi, ɓa a gam di mezegwel ngi pula mungra.

Ɓimezle ngi Yesu Kristu LUK mitil di mi 19:8

Amma Zake a slikiɗ, a ɓa Buy Yesu: «Cin ɗi Buy, yi sa vula zlili ɗu cah da misi murgahay. Da yi tiɓi gwat le avu mbur zleˀe ti wer na, yi sa wurkaŋ di is mufaɗa.»

SLRA 26:20

Yi zla i til di mi dumbuŋ jak ma na, da mizli ngi Damasay, da ngi Zerusalemey, da mizli ngi hirwuy Yude gar waɗ da sukwi ngi mizli mekelemeye ma. Yi tila taŋ mi, yi ɓa taŋ ɓa a mbiɗam mevel, a mbuɗoko ng'avu Buymisemuŋ, yo ɓa a gam gwat mabiga a mbiɗaka mevele le gisiŋ.

SAMUYEL MUDUMBUŊ NAŊ 6:3

Masayay ati mupura daˀasay a ɓaka taŋ na: «Akoti ngi Bumbulvuŋ ngi Israyele, da ki wuɗam mi di le na, ki mam di haŋ njoŋ kine ta. Amma sey ki rakaŋ ti gwat ngi mikuli ngi ɗiya malambaˀ kumo. Dar kisa mbulom, Bumbulvuŋ makutukum kuyta wãˀ na vur mike na, kisa sinakaŋ.»