LEVIHEY 5:13 - Bible en langue guiziga

¹³ «Masaya, da naŋ miga mezegwel misi kahana le a hirnga mbur migi mungra pal a wuzla mungra tayna na, Buymisemuŋ a pulaŋ mungra naŋ le ya. Masay a ga mezegwel hana kaɓa magakaa ti gwat ngi migam.»

LEVIHEY 5:13 ပူးပေါင်းရင်းမြစ်များ

Ɗerewol OZE 4:8

A zumam di i useˀ ngi mikuli ngi mizli ɗuwoy, migaka ar mungra taŋ na, gwat taŋ mawuɗama, anja sey mizli ɗuwoy a gam mungra haɗa haɗa.

LEVIHEY 2:10

Gwat ngi vulo, is naŋ a ndir da Aroŋ ati ziri naŋhay. Nah na, i gwat mipal wãˀ, asi a bo tivi gwat ngi zum mizlam zlam wãˀ da ya Bumbulvuŋ.

LEVIHEY 2:3

Gwat migam di sedege tuwa, mindir is naŋ da Aroŋ ati ziri naŋhay. Hana i gwat mipal wãˀ. Asi a bo tivi gwat ngi zum mizlam zlam wãˀ da ya Bumbulvuŋ.

LEVIHEY 4:20

A gi ti useˀ ngi gusoŋ hana kaɓa naŋ migi ti useˀ ngi gusoŋ ngi mikuli ngi pula mungra nga naŋ na ya. Masay miga mezegwel ngi pula mungra le da mizli kahana na, naɓa ya Bumbulvuŋ i pula mungra taŋhaya le avra ya.

LEVIHEY 4:26

Li misi malay gar na, a wura taŋ ar li gi mikuli, kaɓa magaka mikuli ngi ngiɓiˀay na ya. Masay miga mezegwel ngi pula mungra ngi buyo le na, naɓa ya Bumbulvuŋ i pulaŋ mungra naŋ le ya.

LEVIHEY 4:31

Li misi malay gar na, a zuɓa taŋ nyaˀ nyaˀ kaɓa muzuɓaka taŋ avu ngi useˀ ngi gi mikuli ngi ngiɓiˀay na ya. Dar masay a zluma taŋ ar li gi mikuli, zĩˀĩ naŋ a tisliy mevel da ya Bumbulvuŋ. Masay miga mezegwel ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 5:10

Ɗiyuw mucuw naŋ na, a gi di mikuli mizlam zlam wãˀ kaɓa muɗuvaka jiviɗ naŋ. Da masay, a ga mezegwel ngi pula mungra ngi mburo le kanah na, naɓa ya Buymisemuŋ i pulaŋ mungra naŋ miga na le.

LEVIHEY 5:12

Mbur nah a so ti hapa tuwa da masay, masay a hil hapa tuwa ngbal haŋ kuy kuy. Hapa mingbal haŋ hana, a zilaka ‹wuluk keŋ.› Joˀ masay a wura taŋ jom ati gwat ngi zum mizlam zlam da ya Bumbulvuŋ ar li gi mikuli. Hana i mikuli ngi pula mungra.

LEVIHEY 5:14

Bumbulvuŋ a ɓa Moyise na:

LEVIHEY 5:16

Waɗ ma na, naŋ muzluɓa vula gwat ar hay nga ya Bumbulvuŋ tuwa na, a wurkaŋ. Yo a wuɗuka cikili ngi gwat ngi vul vuna taˀ taˀ zlum, waɗ a vulo pal bac nga mi gwat naŋ mawuɗ a gi di mikuli vuna, a vula da masay. Da masay a ga mezegwel ngi pula mungra ngi mburo le ti zlengerek ngi ɗiya ɓi tuwa na, Buymisemuŋ a pulaŋ mungra naŋhaya le avra.

LEVIHEY 5:4

Kaɓa ani ma na, mburo, tir manja sin naŋ na, a hudum manja a wuluko si. Hudum naŋ nah na, a saŋ ti malambaˀ malla mezle nga hirnga naŋ gu. Ar ɓi wanaka gar, mbur mahudum manja wuluko, da naŋ misa si na le sin muduba na, naɓa a ci le ar mungra.

LEVIHEY 5:5

Da mbur a ci le ar mungra pal a wuzla tayna na, sey a njika, naŋ migi mungra na ar gwat hana, hana.

LEVIHEY 5:6

Yo gwat naŋ maso di, ɓa ngi ɗiya mungra naŋ miga avu ya Bumbulvuŋ na, sey gwat mongoso, tumuŋ malla ˀaw, ɓa ngi gi mikuli ngi pula mungra naŋ. Akẽh na, masay a sa gaŋ mezegwel ngi pulaŋ mungra naŋ na.

LEVIHEY 7:6

Mbur ngir sukwi ngi masay gar na, a zuma zuy. Yo a zumaka ar li mipal. Hana i gwat mipal wãˀ.

KORENTIHEY MUDUMBUŊ 9:13

Mizli magam slra ar hay ngi Bumbulvuŋ na, a lumam gwat ngi zum taŋ ara. Yo mizli magam mikuli ar li ngi gi mikuli a mbuŋ Buymisemuŋ kwana, a lumam mi nga taŋ angi useˀ nah vuna ya na, ki sinaka ta kwa?

SAMUYEL MUDUMBUŊ NAŊ 2:28

A wuzla Israyeley gar na, yi wunaˀ dideˀ ɗik Aroŋ le ɓa a tiri masay ɗu, ɓa a jiɗ ng'ar li gi mikuli, ɓa ngi wura urdi, ɓa a ka jampa ngi mezegwel a mbuŋ ɗu. Waɗ ma na mikuli Israyeley magaka gar na, yi vula le da muy ɗike.