LEVIHEY 5:11 - Bible en langue guiziga

¹¹ Da mbur a luuma gonokoy cuw malla ɗiyuw dirgwaɗay cuwo gu ta ma na, ko da i hapa kilo makir kwana, a so di ngi gi mikuli ngi pula mungra naŋ vuna gu. A pi mal anga ta, yo a ki mukuturɓuy ngi zlum ti zlum anga ta, asi i mikuli ngi pula mungra.

LEVIHEY 5:11 ပူးပေါင်းရင်းမြစ်များ

BI NGI ISRAYELEY 16:18

Amma a waka ti daram tuwa na: mbur mihil fineˀ nah tuwa, a tuwuɗa ta, yo mihil keɗec na ya kwana, a kic ta ma. Mbur gar a hil weˀe zliv a zuma gu.

BI NGI ISRAYELEY 16:36

Daram pal ngi man na, i mukuruˀ ngi daram taŋ mawam di gwat ndrehhe.

LEVIHEY 1:14

Da mbur a wuɗ le a gi mikuli mizlam zlam wãˀ da ya Bumbulvuŋ ti ɗiyuw na, sey a jo di i gonok malla ɗiyuw dirgwaɗa.

LEVIHEY 12:8

«Da ngwas a vula zuŋ tumuŋ gu ta na, a wuɗ gonokoy cuw malla ɗiyuw dirgwaɗay cuw, mupurla mekeleme, ngi gi mikuli mizlam zlam wãˀ, yo mupurla numuŋ kwana, ngi gi mikuli ngi pula mungra. Da tapas masay miga mezegwel ngi vula jiviɗ ngi pula mungra le ar ngwas tuwa na, naɓa medevle naŋ a bun le.»

LEVIHEY 14:21

«Da kaɓa buy nah i misi murga wãˀ, a luuma gwat tayna gu ta na, a ji zuŋ tumuŋ purla ngi gi mikuli ngi ɗiya ɓi, ti mezegwel ngi vula gwat a mbuŋ ɗu, ya Bumbulvuŋ, ɓa a gakaŋ mezegwel ngi vula jiviɗ ngi pula mungra naŋ avra. A wuɗ hapa kilo makir, fukaɗ fukaɗ ti mal ɓa ngi vul ngi mikuli, waɗ mal reta litir,

LEVIHEY 27:8

Da kaɓa buy naŋ i misi murga wãˀ, a wurka cikili muɗuva hanayna gu ta na, aru ti mbur ngi ji mi nga ya Buymisemuŋ vuna nga mbuŋ masay, ɓa i naŋ mavula cikili naŋ. Masay kwana a sa vula cikili naŋ weˀe avu gidaŋ ngi mbur majiy mi nga ya Buymisemuŋ vuna.

LEVIHEY 5:12

Mbur nah a so ti hapa tuwa da masay, masay a hil hapa tuwa ngbal haŋ kuy kuy. Hapa mingbal haŋ hana, a zilaka ‹wuluk keŋ.› Joˀ masay a wura taŋ jom ati gwat ngi zum mizlam zlam da ya Bumbulvuŋ ar li gi mikuli. Hana i mikuli ngi pula mungra.

LEVIHEY 5:6

Yo gwat naŋ maso di, ɓa ngi ɗiya mungra naŋ miga avu ya Bumbulvuŋ na, sey gwat mongoso, tumuŋ malla ˀaw, ɓa ngi gi mikuli ngi pula mungra naŋ. Akẽh na, masay a sa gaŋ mezegwel ngi pulaŋ mungra naŋ na.

LEVIHEY 5:9

A kuca pumbus naŋ nga hur li gi mikuli gun gun. Joˀ a pula is ngi pumbus tuwa, a mul ng'asi virzi ngi li gi mikuli. Hana i mikuli ngi pula mungra.

LEVIHEY 6:20

Ko mi gar muwusa useˀ nah le na, a sa tiri naŋ pal. Yo da pumbus naŋ a mul le ng'avi zana na, sey ki ra buna pumbus misi avu zana na ar li mipal.

SLUFA VU 5:15

Da i gisiŋ malla i gisiŋ ta ma, mbur nah aru ti ngwas naŋ nga mbuŋ masay. A so ti gwat ngi gi sedege vur ngwas vuna: hapa ngi daw giziŋ kilo makir, a pi mal ng'ar hapa nah ta, yo a paŋ mukuturɓuy ngi zlum ti zlumo ta ma, asi i sedege magaka vur si hiri ar mbur, yo vur mbur mawuɗ njika mungra.

SLUFA VU 7:13

Gwat naŋ muvula i: taasa mipitikayya ngi ɓiri bara, dudok naŋ, gram durmuk ti skat skat makir, zuŋ sikiɗ ngi ɓiri bara ngi kuca li, dudok naŋ gram skat skat tarnaˀ, a waka taŋ ti kilo mawam di gwat ar hay ngi Buymisemuŋ, sikiɗ ngi ɓiri mucuw tayna, taŋ mbaf mbaf ti hapa mufukuɗa ti mal, i ngi gi sedege.

Ɓimezle ngi Yesu Kristu LUK mitil di mi 2:24

Ti Mariya ati Zozefe, a vulam gwat ngi gi mikuli a mbuŋ Buymisemuŋ kaɓa ɓimujuwa miɓa, gonokoy zlaɓ cuw, mizile ati mongoso, malla ziri ɗiyuw dirgwaɗay cuw.»

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

HEBEREY 9:22

Avu ɓimujuwa mawuɗ na, vendeke ngi gwat gar na, a zuɓaka hiryi naŋ avra ti pumbusu, da pumbus a pi sek le ta na, naɓa pula mungra anta.