LEVIHEY 4:34 - Bible en langue guiziga

³⁴ Li gi mikuli ngi zluma gwata, mivay naŋhay muyoŋ yoŋ kaɓa durumoyo, masay a ca muzuŋ haŋ yop ar pumbuso, a ga taŋ di njoffo njoffo, waɗ is naŋ mindire sek wãˀ ng'asi virzi ngi li gi mikuli.

LEVIHEY 4:34 ပူးပေါင်းရင်းမြစ်များ

EZAYI 42:21

Bumbulvuŋ, hiri a ciraŋ le asi jeŋŋe naŋ na, ɓa a biga ɓimujuwa naŋ, i madiɗa, yo naŋ mezle.

LEVIHEY 4:18

Li gi mikuli misi a mbuŋ ɗu ar guɗuk ngi zlir ti ya na, mivay naŋhay muyoŋ yoŋ kaɓa durumoyo, a ga taŋ pumbuso njoffo njoffo. Is naŋ sek wãˀ ng'asi virzi ngi li gi mikuli ngi zlum ti zlum, misi a mizlingre guɗuk ngi zlir ti ya.

LEVIHEY 4:25

Li gi mikuli ngi zluma gwata, mivay naŋhay muyoŋ yoŋ kaɓa durumoyo, masay a ca muzuŋ haŋ yop ar pumbus ngi ginew mikiɗaka ngi gi mikuli ngi pula mungra tuwa, a ga taŋ di njoffo njoffo, waɗ is naŋ sek ng'asi virzi ngi li gi mikuli ngi zluma gwata.

LEVIHEY 4:30

Li gi mikuli ngi zluma gwata, mivay naŋhay muyoŋ yoŋ kaɓa durumoyo, masay a ca muzuŋ haŋ yop ar pumbuso, a ga taŋ di njoffo njoffo, waɗ is naŋ sek ng'asi virzi ngi li gi mikuli.

LEVIHEY 4:7

Li gi mikuli ti urdi misi a mbuŋ ɗu, ya Bumbulvuŋ angi guɗuk ngi zlir ti ya, mivay naŋhay muyoŋ yoŋ kaɓa durumoyo masay a ga taŋ pumbuso njoffo njoffo. Yo waɗ is ngi pumbus ngi gusoŋ tuwa na, a pa gar ng'asi virzi ngi li gi mikuli mizlam zlam wãˀ misi a mizlingre guɗuk ngi zlir ti ya.

Ɓimezle ngi Yesu Kristu ZAŊ mitil di mi 17:19

Yo i ra vula hirnga ɗu ti haŋ ɗu vur taŋ, ɓa a tiram ngi ɗikey wãˀ ti mingiɓi ɗik mikaslsla.

ROMAHAY 10:4

Asi ɓimujuwa na, Kristu a naha mi naŋ le, ɓa ko wa gar mitiɓi le na, a ndir jeŋŋe a mbuŋ Buymisemuŋ.

ROMAHAY 8:1

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

ROMAHAY 8:3

Gwat ɓimujuwa ngi Moyis maga gu ta, asi kpak ngi vu ngi mbur mavuso na, Buymisemuŋ a ga le, a ga kiita le da mungra misi avu kpak ngi vu ngi mburo, ti naŋ mislino Mangal nga naŋ na. Mangala, naŋ ti kpak ngi vu mupurla ati ngi ndra magam di mungra na. A so ɓa ngi zuɓa mungra avra,

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

HEBEREY 10:29

Mbur makirpa Mangal ngi Buymisemuŋ, magi lambaˀ ti pumbus ngi Yesu mipa ngi jumoˀay, naŋ muzuɓaŋ mungra naŋ avra ti naŋ, yo a za ˀUf Mipal, magi mezle na ma na, mbur nah a sa lum bonoy mihimaˀ kuyta wãˀ ta jak kwa?

HEBEREY 2:10

Naŋ kine, Buymisemuŋ miga gwatay gar, yo naŋ majaha taŋ gar na, a zlir le ava ɓa a tiri ti Yesu, a sa bonoy naŋ na, ko gwat makic neˀ anga, anta wãˀ, ɓa aru ti ziri haɗi nga lum dudok naŋ na ya. Asi mabiga taŋ jiviɗ ngi lih, i naŋ.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.