LEVIHEY 4:31 - Bible en langue guiziga

³¹ Li misi malay gar na, a zuɓa taŋ nyaˀ nyaˀ kaɓa muzuɓaka taŋ avu ngi useˀ ngi gi mikuli ngi ngiɓiˀay na ya. Dar masay a zluma taŋ ar li gi mikuli, zĩˀĩ naŋ a tisliy mevel da ya Bumbulvuŋ. Masay miga mezegwel ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 4:31 ပူးပေါင်းရင်းမြစ်များ

ZLI VIRZI 8:21

Mikuli misi zĩˀĩ naŋ a tisl mevel tuwa, Bumbulvuŋ mizãˀã na, dar a ɓi a mevele: «Y'anta sa nisa hirwuyo asi mburo mata ndiɗaˀ wãˀ. Gisiŋ wuluk ngir mevel ngi mbur ngi gi malambaˀa, naŋ zle ti zuŋ. Amma y'anta sa ziza gwat misi titiriheye keɗeɗe kaɓa ya miga hana mata ndiɗaˀ wãˀ.

ESDRAS 6:10

ɓa a gam di mikuli ngi tisla mevel da Buy muŋ, yo ɓa a diram dibiɗ vur siifa ngi buy ati ngi ziri naŋhaya.

Ɗerewol JOP 42:8

Wurenna, jam gusoŋ tarnaˀ waɗ zlengerek tarnaˀ, ara lumaka gawla ɗu Jopo, ɓa ki gam taŋ mikuli mizlamzlam vur hirnga kum, yo ɓa Jopo kwana, a sa dir dibiɗ vur kumo. Ya masa gi ti kum weˀe asi gilaw kum na ta na, mbele naŋ. Asi kumo, ki ɓaka ɓi ɗu kaslsla kaɓa gawla ɗu Jop na ta.»

BI NGI ISRAYELEY 29:18

Ki sa zluma useˀ ngi zlengereke gar zlam zlam ar li gi mikuli. I mikuli mizlam zlam wãˀ da ya Bumbulvuŋ, misi zĩˀĩ naŋ matisliy mevel.

EZAYI 42:21

Bumbulvuŋ, hiri a ciraŋ le asi jeŋŋe naŋ na, ɓa a biga ɓimujuwa naŋ, i madiɗa, yo naŋ mezle.

EZAYI 53:10

Bumbulvuŋ a wuɗ ɓa a kutaŋ kanah ti bonoyo. Naŋ muvula vu naŋ ngi gi mikuli ngi ɗiya ɓi na, a sa pura dideˀ naŋhaya, hin ngi siifa naŋ a sa giɗ nga mbuŋ, naɓa gwat Bumbulvuŋ muwuɗ na, a sa gaŋ.

LEVIHEY 1:13

A bunaka gwat ngi hur kwacay ati poprokoyo. A dirba nah, masay a bigiy taŋ, a zluma taŋ zlam zlam wãˀ ar li gi mikuli. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 1:17

A ja kirpasl ngi ɗiyuwo kaw, waɗ a ngira pitikay. Amma a wuɗka a wuzla cuw ta ɓula. A dirba nah na, masay a zluma ɗiyuwo ar dum miɗiyam di vu ar li gi mikuli tuwaŋ. Hana i gwat ngi zum mizlam zlam wãˀ, misi zĩˀĩ naŋ naŋ a tisliy mevel da ya Bumbulvuŋ.

LEVIHEY 1:9

A bunaka gwat ngi kwacay naŋhay ati poprokoyo, joˀ masay a wura taŋ gar ar vu, ar li gi mikuli. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 14:18

Masaya, is ngi pumbus misi a haŋ naŋ tuwa, a pa nga hirnga mbur miɗiyi tuwa. Masay a gaŋ mezegwel ngi vula jiviɗ ngi pula mungra naŋ a mbuŋ ɗu.

LEVIHEY 15:15

Ɗiyuw pal mekeleme, masay a gi di mikuli ngi pula mungra, yo mipal numuŋ kwana, a gi di mikuli mizlam zlam wãˀ. Dar masay a ga mezegwel ngi vula jiviɗ ngi pula mungra ngi mbur tuwa, a mbuŋ ɗu.

LEVIHEY 19:22

Zlengerek ngi ɗiya ɓi tuwa, masay a gi di mezegwel ngi vula jiviɗ ngi pula mungra ngi mbur tuwa, a mbuŋ ya Bumbulvuŋ, ɓa mungra naŋ miga na, a puy avra.

LEVIHEY 2:2

ar di da masayay, ziri ngi Aroŋhoy. Hapa mipam mal ara tuwa na, masay a hil ngbal haŋ kuy kuy, waɗ mukuturɓuy ngi zlum ti zlumo paɗ wãˀa. Gwat ngi sedege nah na, a zilaka ‹wuluk keŋ›. Hana i sedege mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 2:9

Masay a wuɗ cah avu gwat ngi sedege mazilaka ‹wuluk keŋ› tuwa, a wura ar li gi mikuli. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 4:19

Masay a zuɓa li misi mal naŋhaya paɗ paɗ gar, a zluma taŋ ar li ngi gi mikuli.

LEVIHEY 4:26

Li misi malay gar na, a wura taŋ ar li gi mikuli, kaɓa magaka mikuli ngi ngiɓiˀay na ya. Masay miga mezegwel ngi pula mungra ngi buyo le na, naɓa ya Bumbulvuŋ i pulaŋ mungra naŋ le ya.

LEVIHEY 4:35

Li misi malay gar na, a zuɓa taŋ nyaˀ nyaˀ, kaɓa muzuɓaka avu useˀ ngi tumuŋ migam di mikuli ngi ngiɓiˀay na ya. Joˀ masay a wura taŋ jom ati gwat ngi zum mizlam zlam wãˀ da ya Bumbulvuŋ. Masay miga mezegwel ngi pula mungra ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 5:10

Ɗiyuw mucuw naŋ na, a gi di mikuli mizlam zlam wãˀ kaɓa muɗuvaka jiviɗ naŋ. Da masay, a ga mezegwel ngi pula mungra ngi mburo le kanah na, naɓa ya Buymisemuŋ i pulaŋ mungra naŋ miga na le.

LEVIHEY 5:6

Yo gwat naŋ maso di, ɓa ngi ɗiya mungra naŋ miga avu ya Bumbulvuŋ na, sey gwat mongoso, tumuŋ malla ˀaw, ɓa ngi gi mikuli ngi pula mungra naŋ. Akẽh na, masay a sa gaŋ mezegwel ngi pulaŋ mungra naŋ na.

LEVIHEY 8:21

Gwat ngi hur kwacay ati poprokoyo, Moyis a buna taŋ, dar a zluma zlengereke sir wãˀ ar li gi mikuli. Nah na, i mikuli mizlam zlam wãˀ, misi zĩˀĩ naŋ a tisl mevel, i gwat ngi zum mizlam zlam wãˀ da Bumbulvuŋ kaɓa naŋ muɗuva da Moyis tuwa.

SLUFA VU 15:25

A dirba nah, masay a sa ga mezegwel ngi zuɓa mungra ngi Israyeleye gar, joˀ ya Bumbulvuŋ i sa pula taŋ mungra taŋhaya. Naŋ kine, nah na, i mungra kum migaka tir manja sin naŋ. Vurˀe, ki gikiy mikuli ti ginew zlam zlam, waɗ mikuli ngi pula mungra miga tir manja sin naŋ.

Matiye 3:17

Dar ˀay a cino baɗ a muŋ: «Hana i mangal ɗu, ya mawuɗ haɗa, ya hĩhĩyaŋ ɓa i winaŋ.»

EFESEY 5:2

Wuɗam vu ar wala kum ar joˀ kumo, kaɓa Kristu muwuɗ ndra na. A vula hirnga naŋ ti haŋ naŋ da Buymisemuŋ vur ndra, ka gwat muvula ngi gi mikuli mazĩˀĩ ndum haɗa, macira hiri da Buymisemuŋ.

HEBEREY 1:3

Mangal nah na, i wucuɗ ngi dudok ngi Buymisemuŋ, Buymisemuŋ, naŋ kahana kahana na, a bugo di le wãˀ. Yo majaha gwatay gar na, i naŋ ti mingiɓi naŋ migidaŋ. A dirba naŋ mubuna mungra ngi mizli avra na, a cifi a muŋ tir vay hazum ngi Buymisemuŋ migidaŋ wãˀa.

HEBEREY 10:12

Kristu miga mikuli vur mungra ngi mizli is purla na, a dirba nah, a cifi tir vay hazum ngi Buymisemuŋ hã ngi sete.

HEBEREY 10:14

Naŋ kine, sedege naŋ miga is purla na, mizli, naŋ mazuɓa mungra taŋhay avra na, a ɗiya taŋ le hã ngi sete.

HEBEREY 9:12

Kristu mici is purla tewle ng'ar li mipal wãˀ na, ɓa ngi lumo ndra jiviɗ ngi lih wãˀ ngi set na, a ci ti pumbus ngi bazuway ati ngi zir slahay ta, amma a ci ti pumbus ngi dumvu naŋ.

ZAŊ MUDUMBUŊ NAŊ 1:7

Amma da i ra ram angi li minjahha kaɓa naŋ vuna misi angi li minjahha na, naɓa jumoˀay ada ar wala ndra, yo pumbus ngi Yesu Kristu, Mangal ngi Buymisemuŋ, a buna mungra ndraˀahaya gar avra.

ƁIMUNJUYO 5:9

A zlam dimis nawaya ani: «Ki ndila le ter ngi tiɓa ɗerewolo, ɓa ngi turo sluruɓoyo. Asi a kuɗukuw le vagay zleˀe, yo ki mbiɗa hirnga ngi mizli le ti pumbus ɗiki, ɓa a ndiram da Buymisemuŋ. Mizli muboko tisi sukwi mitaˀ taˀ gar, maɓam mi wal wal ngi wuzla mizli, waɗ ngi wuzla sukwi ngi ruwuy gar.