LEVIHEY 4:26 - Bible en langue guiziga

²⁶ Li misi malay gar na, a wura taŋ ar li gi mikuli, kaɓa magaka mikuli ngi ngiɓiˀay na ya. Masay miga mezegwel ngi pula mungra ngi buyo le na, naɓa ya Bumbulvuŋ i pulaŋ mungra naŋ le ya.

LEVIHEY 4:26 ပူးပေါင်းရင်းမြစ်များ

ƁI NGI HINEY MUCUW NAŊ 29:24

Masayay, a slaka ˀay taŋ, a tiɓaka pumbus taŋ, a paka ng'ar li gi mikuli ɓa ngi zuɓa mungra ngi Israyeley gar, vur mike na, mikuli mizlam zlam ati mikuli ngi pula mungra, buy miɓi ɓa a gaka na, vur Israyeley gar.

EZEKIYEL 43:22

Ti hin mucuw naŋ na, kisa jo bazuway manja hereweɗ ava ngi gi mikuli vur mungra, waɗ a sa gaka mezegwel ngi zuɓa mungra ngi li gi mikuli, kaɓa migaka ti gusoŋ tuwa.

LEVIHEY 1:4

Mbur tuwa, a buca haŋ bac a hirnga ginewe, ginew nah na, kite i mitiɓa le ti haŋ mbur muso di ngi gi mezegwel ngi vula jiviɗ ngi pula mungra.

LEVIHEY 12:8

«Da ngwas a vula zuŋ tumuŋ gu ta na, a wuɗ gonokoy cuw malla ɗiyuw dirgwaɗay cuw, mupurla mekeleme, ngi gi mikuli mizlam zlam wãˀ, yo mupurla numuŋ kwana, ngi gi mikuli ngi pula mungra. Da tapas masay miga mezegwel ngi vula jiviɗ ngi pula mungra le ar ngwas tuwa na, naɓa medevle naŋ a bun le.»

LEVIHEY 14:18

Masaya, is ngi pumbus misi a haŋ naŋ tuwa, a pa nga hirnga mbur miɗiyi tuwa. Masay a gaŋ mezegwel ngi vula jiviɗ ngi pula mungra naŋ a mbuŋ ɗu.

LEVIHEY 15:15

Ɗiyuw pal mekeleme, masay a gi di mikuli ngi pula mungra, yo mipal numuŋ kwana, a gi di mikuli mizlam zlam wãˀ. Dar masay a ga mezegwel ngi vula jiviɗ ngi pula mungra ngi mbur tuwa, a mbuŋ ɗu.

LEVIHEY 17:11

Asi gwat ya miga gar na, siifa naŋ, naŋ ar pumbusu, yo yi vulukum di le ar li gi mikuli, ɓa ngi vula jiviɗ ngi pula mungra ar siifa kumo. Naŋ kine, pumbus mavula jiviɗ ngi pula mungra na, asi siifa naŋ anga.

LEVIHEY 19:22

Zlengerek ngi ɗiya ɓi tuwa, masay a gi di mezegwel ngi vula jiviɗ ngi pula mungra ngi mbur tuwa, a mbuŋ ya Bumbulvuŋ, ɓa mungra naŋ miga na, a puy avra.

LEVIHEY 3:5

Akẽh na, ziri ngi Aroŋhoy a wuraka taŋ ar li gi mikuli, jom ng'avu mikuli ngi zlum ti zlum miɓaˀ ar dum miɗiyam di vu ar li gi mikuli tuwa. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 4:19

Masay a zuɓa li misi mal naŋhaya paɗ paɗ gar, a zluma taŋ ar li ngi gi mikuli.

LEVIHEY 4:20

A gi ti useˀ ngi gusoŋ hana kaɓa naŋ migi ti useˀ ngi gusoŋ ngi mikuli ngi pula mungra nga naŋ na ya. Masay miga mezegwel ngi pula mungra le da mizli kahana na, naɓa ya Bumbulvuŋ i pula mungra taŋhaya le avra ya.

LEVIHEY 4:31

Li misi malay gar na, a zuɓa taŋ nyaˀ nyaˀ kaɓa muzuɓaka taŋ avu ngi useˀ ngi gi mikuli ngi ngiɓiˀay na ya. Dar masay a zluma taŋ ar li gi mikuli, zĩˀĩ naŋ a tisliy mevel da ya Bumbulvuŋ. Masay miga mezegwel ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 4:35

Li misi malay gar na, a zuɓa taŋ nyaˀ nyaˀ, kaɓa muzuɓaka avu useˀ ngi tumuŋ migam di mikuli ngi ngiɓiˀay na ya. Joˀ masay a wura taŋ jom ati gwat ngi zum mizlam zlam wãˀ da ya Bumbulvuŋ. Masay miga mezegwel ngi pula mungra ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 5:10

Ɗiyuw mucuw naŋ na, a gi di mikuli mizlam zlam wãˀ kaɓa muɗuvaka jiviɗ naŋ. Da masay, a ga mezegwel ngi pula mungra ngi mburo le kanah na, naɓa ya Buymisemuŋ i pulaŋ mungra naŋ miga na le.

LEVIHEY 5:13

«Masaya, da naŋ miga mezegwel misi kahana le a hirnga mbur migi mungra pal a wuzla mungra tayna na, Buymisemuŋ a pulaŋ mungra naŋ le ya. Masay a ga mezegwel hana kaɓa magakaa ti gwat ngi migam.»

LEVIHEY 5:16

Waɗ ma na, naŋ muzluɓa vula gwat ar hay nga ya Bumbulvuŋ tuwa na, a wurkaŋ. Yo a wuɗuka cikili ngi gwat ngi vul vuna taˀ taˀ zlum, waɗ a vulo pal bac nga mi gwat naŋ mawuɗ a gi di mikuli vuna, a vula da masay. Da masay a ga mezegwel ngi pula mungra ngi mburo le ti zlengerek ngi ɗiya ɓi tuwa na, Buymisemuŋ a pulaŋ mungra naŋhaya le avra.

LEVIHEY 5:18

Ɓa ngi gi mikuli ngi ɗiya ɓi nah na, sey a so ti zlengerek manja hereweɗ ava, zlengerek naŋ mujo di a wuzla tumuŋ naŋhay. Anja naŋ kaslsla avu cikili ngi zlengerek ngi mikuli ngi ɗiya ɓi. Da masay a gaŋ mezegwel ngi zula mungra naŋ miga waˀ waˀ ta tir manja sin naŋ tuwa le na, ya Buymisemuŋ i pulaŋ mungra naŋ na le ya.

LEVIHEY 6:7

«Mikuli ti gwat ngi migamaya, gi mezegwel naŋ ani: I ziri ngi Aroŋhoy magaka da ya Bumbulvuŋ, a mbuŋ li gi mikuli.

SLUFA VU 15:25

A dirba nah, masay a sa ga mezegwel ngi zuɓa mungra ngi Israyeleye gar, joˀ ya Bumbulvuŋ i sa pula taŋ mungra taŋhaya. Naŋ kine, nah na, i mungra kum migaka tir manja sin naŋ. Vurˀe, ki gikiy mikuli ti ginew zlam zlam, waɗ mikuli ngi pula mungra miga tir manja sin naŋ.

SLUFA VU 15:28

Masay a sa ga mezegwel ngi puya mungra ngi mbur nah na daˀ a mbuŋ ɗu, i sa pulakaŋ mungra naŋ.