LEVIHEY 4:22 - Bible en langue guiziga

²² Ɓimuɗuva nga ya Bumbulvuŋ, ya Buymisemuŋ naŋ mitika jiviɗ naŋ le ngi gi ngi gi gar na, da buy a gi mungra le, a ngil le purla a wuzla taŋ tir manja sin naŋ na, naɓa a tiri le i mbur mici le ar mungra.

LEVIHEY 4:22 ပူးပေါင်းရင်းမြစ်များ

BI NGI ISRAYELEY 18:21

Is naŋ gar na, wini mizli mupuɗaw puɗaway mazluwunam ti Buymisemuŋ, mizli mikaslsla, manja may gwatay, ki cifa taŋ i buy ɓihey a hirnga mizli durmuk durmuk, a hirnga mizli skat skat, a hirnga mizli kukur zlum kukur zlum, waɗ a hirnga mizli kuruˀ kuruˀ.

TILA MI 5:6

Da mbur a musuwun le ti duvuɗo haɗa, yo da mingiɓi a gi le koloŋ koloŋ haɗa na, i ngatara lambaˀ, zuwen ka, zluwun ti Buymisemuŋ.

LEVIHEY 4:13

Da mungra nah, migaka i Israyeley keɗeɗe, tir manja sin naŋ, yo mizli taˀ gar a sinaka ta, ɓimuɗuva ngi Bumbulvuŋ mitika jiviɗ naŋ le ngi gi ngi gi gar, da a ngilam le purla ar wala taŋ na, naɓa a cam le ar mungra.

LEVIHEY 4:2

«Ɓa Israyeleye na: Ɓimuɗuva nga ya Bumbulvuŋ, mitika jiviɗ taŋ le ngi gi ngi gi gar na, da mbur a gi le pal asi taŋ tir manja sin naŋ, yo da a ngil le purla a wuzla taŋ na, sey a ga gwat anihĩ:

LEVIHEY 4:27

Da mbur ho gar a gi mungra le, a gi gwat le purla tir manja sin naŋ a wuzla gwat ɓimuɗuva nga ya Bumbulvuŋ mitika le na, naɓa a tiri le i mbur mici le ar mungra.

LEVIHEY 5:17

«Ɓimuɗuva nga ya Bumbulvuŋ, misi i mitika jiviɗ naŋ le ngi gi na, da mbur a ngil ɓi le purla a wuzla taŋ, tir manja sin naŋ na, kite a ci le ar mungra, yo a zuɓa zayɓi nah le nga hirnga naŋ.

SLUFA VU 15:22

Ɓimuɗuvahay, ya Bumbulvuŋ muslufa taŋ slaf slaf ti haŋ ɗu da Moyis na, da kaɓa ki ngilam le purla asi taŋ tir manja sin naŋ,

SLUFA VU 15:24

da mungra miga miwaˀwaˀ ta nah na, a cuh manja jum ngi mizli a sinaka kaɓa a gam mungra le ta na, jum ngi mizli gar, a sa gikiy mikuli ti gusoŋ zlam zlam, misi zĩˀĩ naŋ a tisliy mevel, waɗ hapa ngi vul ati mbaazla ngi pusl kaɓa sirik kum, waɗ mikuli ti bazuway ngi zuɓa mungra.

SLUFA VU 16:2

A pa taŋ mi ɓa a slikiɗam ɓi ar Moyise. Mavulaka taŋ gidaŋ i mizli skat cuw ti kukur zlum a wuzla Israyeley, i buyɓi ngi jumoy, mizli micawwa ngir kus madiɗahay, mizli misi slimiɗ taŋ mazil kaˀa.

SLUFA VU 31:13

Moyis ati Elazar waɗ buyɓi ngi jum ngi Israyeley gar, a bam nga ji ti taŋ hirnga a duba gala.

SLUFA VU 32:2

Vurˀe, dideˀ ngi Gatay ati ngi Rubeney, ara lumaka Moyis, masay Elazar waɗ buyɓi ngi jum ngi mizli, a ɓaka taŋ:

SLUFA VU 35:11

kisa wunam walahay madiɗahay ngi ɗum ar taŋ. Da mbur a kiɗ hirnga le, i waˀwaˀ ta na, ara ɗum a diga.