LEVIHEY 4:21 - Bible en langue guiziga

²¹ Gusoŋ tuwa, gwatay mindiram ngi vaˀa gar na, a hila taŋ nga duba gala, dar a zluma taŋ kaɓa naŋ muzluma ngi gusoŋ mudumbuŋ tuwa ma. Mikuli ngi pula mungra ngi zigiduwo, a gaka kahana.

LEVIHEY 4:21 ပူးပေါင်းရင်းမြစ်များ

ESDRAS 8:35

mizli mijahay zleˀe, mumoko tir hirwuy mulak tuwa, a gam mikuli mizlam zlam da Buymisemuŋ ngi Israyele. Vur Israyeley gara, gusoŋ kuruˀ nga cuw, zlengerek kukur ngoltir nga merkeɗ, ziri tumuŋhoy kukur tarnaˀ nga tarnaˀ, waɗ bazuwayay kuruˀ nga cuw vur mikuli ngi pula mungra. Ginew tayna, a gam taŋ mikuli mizlam zlam wãˀ da Bumbulvuŋ.

BI NGI ISRAYELEY 29:14

Amma useˀ naŋ, garak waɗ hur kwacaya, kisa zluma taŋ a duba gala, nah na i mikuli ngi puya mungra.

EZEKIYEL 45:22

Tapasa, buy a sa ji gusoŋ, a gi di mikuli ngi pula mungra ngi hirnga naŋ ati ngi mizli Israyeley gar.

LEVIHEY 16:15

Akẽh na, a slaˀay ngi bazuway ngi gi mikuli ngi pula mungra ngi mizli, aru ti pumbus naŋ nga duba zana minjar tuwa, waɗ a gi ti pumbus ngi bazuway hana kaɓa naŋ mi gi ti ngi gusoŋ tuwa ma, a kuca a hirnga mi ngi akoti ngi jumoˀaya waɗ ti mbuŋ naŋ.

LEVIHEY 16:21

Aroŋ a pa haŋhaya sek a hirnga bazuway misi titiri tuwa. Akẽh na, malambaˀ ngi Israyeley gar, slikiɗa ɓi taŋ, mbiɗeˀvra, mungra taŋ migaka gar na, Aroŋ a slufa taŋ nga hirnga bazuwaya, ɓa a jijira taŋ. A dirba nah, a ɓa mbur muwuna hĩˀĩ, ɓa a ɓula nga wuzlaɓuh mikirɗak kirɗaka.

LEVIHEY 16:27

Gusoŋ ati bazuway migam taŋ mikuli ngi pula mungra tuwa, yo taŋ miram ti pumbus taŋ ng'ar hay nga ya Bumbulvuŋ, ɓa ngi gi mezegwel ngi vula jiviɗ ngi pula mungra tuwa na, a jijiraka taŋ nga duba gala, a zlumaka garak taŋhay ati useˀ taŋhay waɗ hur kwacay taŋhaya zlam zlam wãˀ.

LEVIHEY 4:13

Da mungra nah, migaka i Israyeley keɗeɗe, tir manja sin naŋ, yo mizli taˀ gar a sinaka ta, ɓimuɗuva ngi Bumbulvuŋ mitika jiviɗ naŋ le ngi gi ngi gi gar, da a ngilam le purla ar wala taŋ na, naɓa a cam le ar mungra.

LEVIHEY 4:20

A gi ti useˀ ngi gusoŋ hana kaɓa naŋ migi ti useˀ ngi gusoŋ ngi mikuli ngi pula mungra nga naŋ na ya. Masay miga mezegwel ngi pula mungra le da mizli kahana na, naɓa ya Bumbulvuŋ i pula mungra taŋhaya le avra ya.

LEVIHEY 6:11

Mazumama, sey ziri mizile, dideˀ ngi Aroŋhoy tewle. Hana i mi ngi kum vur dideˀ, vur dideˀ hã ngi sete. Mikuli ngi gwat ngi zum muwura da ya Bumbulvuŋ na, mi ngi kum, ya muvulukum di anga i hana. Ko mi gar muwusa le na, a sa tiri naŋ pal.»

LEVIHEY 6:23

Amma ginew ngi gi mikuli ngi pula mungra, musoko ti pumbus naŋ le angi guɗuk ngi zlir ti ya Bumbulvuŋ, ɓa ngi gi mezegwel ngi pula mungra angi li mipal na, anta zumaka useˀ naŋ ta wãˀ, sey a wuraka ti wur.»

LEVIHEY 8:17

Gusoŋ vuna gbingbiŋ, gara ka, useˀ naŋ ati gwat ngi kwacay naŋhaya, a wuraka taŋ a duba gala, kaɓa Bumbulvuŋ muɗuva da Moyis tuwa.

SLUFA VU 15:24

da mungra miga miwaˀwaˀ ta nah na, a cuh manja jum ngi mizli a sinaka kaɓa a gam mungra le ta na, jum ngi mizli gar, a sa gikiy mikuli ti gusoŋ zlam zlam, misi zĩˀĩ naŋ a tisliy mevel, waɗ hapa ngi vul ati mbaazla ngi pusl kaɓa sirik kum, waɗ mikuli ti bazuway ngi zuɓa mungra.

Matiye 20:28

Naŋ kanah ya, Mangal ngi mbur a so ɓa mizli a tiram gawla naŋhay ta, amma ɓa a tiri gawla taŋ jaka, ɓa a vula hirnga naŋ ngi mbiɗa hirnga ngi mizli haɗi.»

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

HEBEREY 13:11

Masay madiɗa aru ti pumbus ngi gineweye ng'ar li mipal wãˀa, ɓa a gi di mikuli ngi zuɓa mungra ngi mizli avra. Amma vagay ngi ginew tayna, a zlumaka taŋ a duba gala.