LEVIHEY 3:8 - Bible en langue guiziga

⁸ Mbur a buca haŋ bac a hirnga ginew naŋ muso di tuwa, a slaka ˀay naŋ a mbuŋ guɗuk ngi zlir ti ya Bumbulvuŋ, dar ziri ngi Aroŋhoy a kucaka pumbus naŋ da ciki li gi mikuli gun gun zlar.

LEVIHEY 3:8 ပူးပေါင်းရင်းမြစ်များ

EZAYI 53:6

Ndra gar zleˀe, zlaɗ lambaˀ kaɓa tumuŋhoy, mbur gar aru ti sipi jiviɗ naŋ, malambaˀ ndra gar migaka na, Bumbulvuŋ a paŋ di nga hirnga naŋ.

LEVIHEY 1:11

A slaka ˀay naŋ a mbuŋ ɗu, ya Bumbulvuŋ. A slaka kini tir vay muŋ ngi li gi mikuli. Akẽh na, masayay, ziri Aroŋhoy a kucaka ciki li gi mikuli gun ti pumbus naŋ.

LEVIHEY 1:4

Mbur tuwa, a buca haŋ bac a hirnga ginewe, ginew nah na, kite i mitiɓa le ti haŋ mbur muso di ngi gi mezegwel ngi vula jiviɗ ngi pula mungra.

LEVIHEY 1:5

A slaka ˀay ngi ginewe daˀ a mbuŋ ɗu. Akẽh, masay, ziri ngi Aroŋhoy, a tiɓaka pumbus ngi ginew tuwa, a bigikiy di. Li gi mikuli mikaˀ a mizlingre guɗuk ngi zlir ti ya Bumbulvuŋ na, masayay a kucaka ciki naŋ gun gun zlar ti pumbus tuwa.

LEVIHEY 3:13

Mbur muso di vuna, a buca haŋ bac a hirnga ˀawa, a sla ˀay naŋ daˀ a mbuŋ guɗuk ngi zlir ti ya Bumbulvuŋ. Dar ziri ngi Aroŋhoy a kucaka pumbus naŋ da ciki li gi mikuli, gun gun zlar.

LEVIHEY 4:15

Micawwa ngi wuzla mizli a bucaka haŋ a hirnga gusoŋ a mbuŋ ɗu. Joˀ a slaka ˀay naŋ daˀ a mbuŋ ɗu.

LEVIHEY 4:24

A buca haŋ bac a hirnga bazuwaya, a sla ˀay naŋ daˀ ar li maslaka ˀay ngi ginew ngi zlum ti zlum a mbuŋ ɗu. Hana i mikuli ngi pula mungra.

LEVIHEY 4:4

A so ti gusoŋ a mbuŋ ɗu, ya Bumbulvuŋ a mizlingre guɗuk ngi zlir ti ya. Mbur vuna, a buca haŋ bac a hirnga gusoŋ, waɗ a sla ˀay naŋ daˀ a mbuŋ ɗu ya Bumbulvuŋ.

Matiye 3:17

Dar ˀay a cino baɗ a muŋ: «Hana i mangal ɗu, ya mawuɗ haɗa, ya hĩhĩyaŋ ɓa i winaŋ.»

KORENTIHEY MUCUW NAŊ 5:19

Na zle i Buymisemuŋvuna miɗiya ɓi ar wala ngi mizli ati naŋ tehhe a muŋ, asi taŋ mujom ati Kristu. A wulka mungra taŋ ta, a vula ndra slra ngi ɗiya ɓi, ɓa i tilam di mi.

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

EFESEY 2:18

Yudehey ati Yudehey ta na, ndra gar ndra makraham gweˀ ng'avi Cine ndra gu na, mbele Kristu ti jini ngi ˀUf Mipal nah vuna.

EFESEY 3:12

Ar ndra mujom ati Kristu, yo tisi ndra matiɓakaŋ na, jiviɗ ada baŋ a mbuŋ ndra ɓa i kiraham ng'avu Buymisemuŋ, manja zluwun ko neˀ.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.