LEVIHEY 3:16 - Bible en langue guiziga

¹⁶ Dar masay a wura taŋ ar li gi mikuli. Hana i gwat ngi zum mizlam zlam, misi zĩˀĩ naŋ a tisliy mevel da ya Bumbulvuŋ. «Li misi mungul mungul gar na, inga ya Bumbulvuŋ.

LEVIHEY 3:16 ပူးပေါင်းရင်းမြစ်များ

ZLI VIRZI 4:4

Abele kwana, a so ti modogom ngi ginew ngir gezleŋ naŋhay, a kiɗa taŋ, li kukuɗo naŋhaya, dar a gi taŋ mikuli da Bumbulvuŋ. Buymisemuŋ a hĩyã Abele le jom ati gwat ngi vul naŋ.

ƁI NGI HINEY MUCUW NAŊ 29:35

Gisiŋ, Mikuli ngi zlum zlam zlamaya, taŋ haɗa, jom ati mungul ngi gi mikuli ngi ngiɓiˀay waɗ mbaazla ngi pusl asi mikuli mizlam zlama. A ɗiyaka slra ngi gi ar hay ngi Bumbulvuŋ kahana.

ƁI NGI HINEY MUCUW NAŊ 7:7

Wuzla wazlaray misi a mbuŋ hay ngi Bumbulvuŋ na, Salomuŋ a tiri di pal. Naŋ kine, mikuli mizlam zlam waɗ mungul ngi gi mikuli ngi ngiɓiˀaya, buy Salomoŋ a ga taŋ a wazlaraya, asi li gi mikuli ngi ɓiri gaza naŋ miɗiya na, mikuli mizlam zlam ati mungul ngi mikuli ngi ngiɓiˀay na, a ga taŋ geˀ ta.

BI NGI ISRAYELEY 29:13

Ki sa hila mal ngi hur kwacaya, mevele hor wãˀ, ɗugur dubahaya cuw taŋ jom ti mal naŋ, ki zluma taŋ ar li gi mikuli.

BI NGI ISRAYELEY 29:22

Mikuli ti tumuŋ mucuw naŋ na, a bigi zli slra ngi masayay. Useˀ ngi tumuŋ tuwa, kisa hila misi mal naŋhaya, dangwal naŋ, mal ngi hur kwacay, mevele, hor ɗugur dubahaya cuw taŋ jom ti mal naŋ, waɗ sar naŋ vay hazumo paw.

EZAYI 53:10

Bumbulvuŋ a wuɗ ɓa a kutaŋ kanah ti bonoyo. Naŋ muvula vu naŋ ngi gi mikuli ngi ɗiya ɓi na, a sa pura dideˀ naŋhaya, hin ngi siifa naŋ a sa giɗ nga mbuŋ, naɓa gwat Bumbulvuŋ muwuɗ na, a sa gaŋ.

EZEKIYEL 44:15

Amma Levi masayay angi tizer ngi Sadok, migam slra zleˀe a mbuŋ ɗu ti jiviɗ naŋ ar hay ɗu, ti hin Israyeley mingizlam jiviɗ kileŋ avu ya na, masa gam slra ngi mezegwel a mbuŋ ɗu i taŋ. Masa soko a mbuŋ ɗu ti mungul ati pumbus na i taŋ. I ya Bumbulvuŋ Buymisemuŋ maɓi.

LEVIHEY 17:6

Li gi mikuli misi a mizlingre guɗuk ngi zlir ti ya tuwa na, masay a kucaŋ pumbus ngi ginewe, yo a wura mungul naŋ anga, ɓa zĩˀĩ naŋ a tisliy mevel da ya Bumbulvuŋ.

LEVIHEY 4:26

Li misi malay gar na, a wura taŋ ar li gi mikuli, kaɓa magaka mikuli ngi ngiɓiˀay na ya. Masay miga mezegwel ngi pula mungra ngi buyo le na, naɓa ya Bumbulvuŋ i pulaŋ mungra naŋ le ya.

LEVIHEY 4:31

Li misi malay gar na, a zuɓa taŋ nyaˀ nyaˀ kaɓa muzuɓaka taŋ avu ngi useˀ ngi gi mikuli ngi ngiɓiˀay na ya. Dar masay a zluma taŋ ar li gi mikuli, zĩˀĩ naŋ a tisliy mevel da ya Bumbulvuŋ. Masay miga mezegwel ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 8:25

A hila li misi malaya: dangwal naŋ, mungul ngi hur kwacaya gar, muguzlurvuy ngi mevele torro ati ɗugur dubahaya cuw taŋ jom ti mungul naŋhaya, waɗ tuwal naŋ vay hazumo.

LEVIHEY 9:24

Vu a bo ti mbuŋ Bumbulvuŋ, a zluma mikuli ngi zlum ti zlum ati munguloy tuwa, zlam zlam ar li gi mikuli. Mizli gar mupuraka kanah na, a jam salalay, a hurukom huruk huruk a ruwuy.

Matiye 22:37

Yesu a mbiɗaŋ di: «Sey ki wuɗ Bumbulvuŋ ɗike, ti mevel ɗik wãˀ, ti membezleŋ ngi vu ɗik wãˀ, ti lesl ɗik wãˀ.»