LEVIHEY 3:1 - Bible en langue guiziga

¹ Da mbur a wuɗ le ɓa a gi mikuli ngi jumoˀay ati ya Bumbulvuŋ ti sla na, sey a jo di i gusoŋ malla bulkoŋ manja hereweɗ ava, nga mbuŋ ɗu.

LEVIHEY 3:1 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 21:26

Davit a ndira li gi mikuli da Bumbulvuŋ ara, a gi mikuli mizlam zlam waɗ mikuli ngi luuma zuy a diga.

BI NGI ISRAYELEY 20:24

Ki sa ndiriy li gi mikuli ti hohoy, ɓa kisa giy mikuli ti tumuŋ, ti ˀaw, ti sla zlam zlam wãˀ angaŋ, malla mikuli ngi luuma zuy. Yo ar li gar ya misa bugukum vu le na, i sa so ng'avu kum, i sa ɗuwulukum mi.

BI NGI ISRAYELEY 24:5

Dar a slina gawla Israyeley, ɓa a gam mikuli ti ginew zlam zlam, waɗ mikuli ti gusoŋhoy da Bumbulvuŋ ɓa ngi luuma zuy.

BI NGI ISRAYELEY 29:28

Vurˀe, da Israyeley ara gam mikuli ngi luuma zuy gar na, a sa zuɓaka didak ati sar paw ngi ginewe, a vulaka da Aroŋ ati dideˀ naŋhay nga mbuŋ nga mbuŋ.

MIKUCUWULOY 7:14

«Ya ti may ngi gi mikuli ngi gi sise zleˀe, gwat ya miɓa i sa ga na, dana a gi le muduba.

EZEKIYEL 43:27

Da hin mitarnaˀ tayna a kiɗam mi le na, hin midangafaɗ naŋ ati hin mekelemey gar na, masayay a sa gam mikuli kumoy ngi zlum ti zlum ati mikuli kumoy ngi jumoˀaya ar li gi mikuli. Dar yi sa tuɓukum so. I ya Bumbulvuŋ, Buymisemuŋ maɓi.»

EZEKIYEL 45:15

Angi gezleŋ ngi tumuŋ malla aw misi ara skat skat cuw a Israyel gar na, a jam purla ngi vul ngi mikuli, mikuli ngi zlum ti zlum, waɗ mikuli ngi jumoˀaya, ɓa ngi gi mezegwel ngi vula jiviɗ ngi pula mungra ngi mizli. I ya Bumbulvuŋ, Buymisemuŋ maɓi.

LEVIHEY 1:10

Da mbur a wuɗ le a gi mikuli mizlam zlam wãˀ ti tumuŋ malla ˀaw na, sey a jo di i ginew mizileŋ, manja hereweɗ ava.

LEVIHEY 1:3

Da mbur a wuɗ le, ɓa a gi mikuli mizlam zlam wãˀ ti sla na, sey a jo di i sla mizile, manja hereweɗ ava. Aru di nga mizlingre guɗuk ngi zlir ti ya, ɓa i tiɓaŋ.

LEVIHEY 17:5

Naŋ kine, anja Israyeley a kiɗaka ginew ngi gi mikuliheye a duba gala lambaˀ ta, amma, sey a soko taŋ ndol le da masay a mizlingre guɗuk ngi zlir ti ya, ɓa a gam taŋ mikuli da ya Bumbulvuŋ ar deɗe ngi mikuli ngi vula zuy.

LEVIHEY 3:6

Da mbur a wuɗ le ɓa a gi mikuli ngi ngiɓiˀay ti tumuŋ malla ti ˀaw na, sey a jo da ya Bumbulvuŋ i mizile malla mongoso, manja hereweɗ ava.

LEVIHEY 9:18

Gusoŋ ati zlengerek, mizli muvuloko taŋ tuwa, Aroŋ a sla ˀay taŋ ngi gi mikuli ngi ngiɓiˀay. Ziri naŋhay a tiɓakaŋ pumbuso, a kuca ciki li gi mikuli gun gun zlar ti naŋ.

LEVIHEY 9:4

gusoŋ waɗ zlengerek ngi gi mikuli da Bumbulvuŋ ɓa ngi ngiɓiˀay, waɗ hapa ngi vul mufukuɗa ti mal. Asi mike na, Bumbulvuŋ a sa bugukum vu dana.›»

AMOS 5:22

Da kum migikiy mikuli mizlam zlam wãˀa le, waɗ mikuli ti gwat ngi migam kumoyo le na, ko ya mahiyĩ loŋ anta. Mikuli kum magikiy di ti gwat misãmi muzlumburahay na, y'anta ɗuva hiri taˀ le ara ta.

MALASI 1:14

Mbur misi ti ginew mizile mezle ar gezleŋ naŋ, a pula nah mbak murvay. Amma a ɓi ngi vul, yo ngi gi mikuli da ya Bumbulvuŋ i ginew mezle ta na, nis a jaŋ le. Asi yi buy madiɗa, yo slimiɗ ɗu ara ga zluwun da sukwi ngi mizli. I ya Bumbulvuŋ misi gidaŋ wãˀ maɓi.

MALASI 1:8

Da kum masoko di ngi gi mikuli i ginew dangar na, i gwat malambaˀ takwa? Yo da ki soko di i ginew mikiciɗek sar malla misi jiji na, i gwat malambaˀ takwa? Ani inga vulaka ginew misi kanah vuna da buy kum miwi li so. Ada sa ciraŋ hiri kwa? N'ada sa tuɓukum di ti mevel mezle kwa? I ya Bumbulvuŋ misi gidaŋ wãˀ maɓi.

SLUFA VU 15:8

Da naŋ magi da ya Bumbulvuŋ i mikuli ti gusoŋ zlam zlam malla mikuli ngi jumoˀay, ngi ɗiya ɓi ngi hudum malla mikuli ngi luuma zuy na,

SLUFA VU 6:14

Aru ti ginew makir ngi vul da ya Bumbulvuŋ: zuŋ zlengerek ngi vi pal, manja hereweɗ ava, ngi gi mikuli mizlam zlam wãˀ, zuŋ tumuŋ mongoso ngi vi pal, manja hereweɗ ava, ngi gi mikuli ngi puya mungra, waɗ zlengerek manja hereweɗ ava, ngi gi mikuli ngi luuma zuy.

SLUFA VU 7:17

Sla cuw, zlengerek zlum, bazuway zlum, ziri tumuŋ ngi vi pal palay zlum ngi gi mikuli ngi luuma zuy. Gwat Nasoŋ mangal ngi Aminadap muvula i hana so.

SLUFA VU 7:59

Sla cuw, zlengerek zlum, bazuway zlum, ziri tumuŋ ngi vi pal palay zlum ngi gi mikuli ngi luuma zuy. Gwat Gamliyel mangal ngi Pedasur angi sukwi ngi Manase muvula i nah so.

Slu cuw 12:27

Ki sa gam mikuli mizlam zlam wãˀ, useˀ naŋ ati pumbus naŋ, kisa vulaka taŋ ar li ngi mikuli da Bumbulvuŋ Buymisemuŋ kum. Da i mikuli ngi jumoˀay na, kisa paka pumbus naŋ ar li gi mikuli, joˀ ki zumaka useˀ na.

KOLOSOY 1:20

Yo gwatay naŋ miga taŋ gar na, a ɗiya ɓi naŋ ati naŋ Buymisemuŋ tisi Mangal naŋ. Gwat ngi ruwuyoy ati ngi muŋhoy gar na, Buymisemuŋ a cica ɓi ngi vula taŋ zuyo, tisi pumbus ngi Mangal naŋ muɓul ar dum mizliraŋ.

HEBEREY 10:22

Vurˀe, kuruhukum ng'avu Buymisemuŋ, ti mevel mezle so, ti tiɓi migisiŋ gisiŋ, ti mevel mubuna le avu wuluk malambaˀ gar, ti dumvu mubuna le ti yam mipal

ZAŊ MUDUMBUŊ NAŊ 1:3

Gwat ndra mupuraka ati ndra micinaka na, i ra tulukum di mi ya, ɓa kumo kwana, ki ndiram jom ati ndra. Jum ndra na, i jum ati Cine, waɗ ati Mangal naŋ Yesu Kristu.

MIGI KIITAHAY 20:26

Akẽh na, Israyeley keɗeɗe gar, a ram nga Betel, ara tuwam joa mbuŋ Bumbulvuŋ a diga, a gam dalyam hiipas tapasa, hã pastaˀa. A gam mikuli mizlam zlam waɗ mikuli ngi luuma zuy a mbuŋ Bumbulvuŋ.

MIGI KIITAHAY 21:4

Li naŋ muwun na, mizli a slikiɗam ngi miprik prik, a ndiram li gi mikuli ar li nah, a gam mikuli mizlam zlam wãˀ waɗ mikuli ngi ngiɓi ˀay.