LEVIHEY 27:9 - Bible en langue guiziga

⁹ Da ginew ngi ji mi ɗu i ginewey, zliv a gam di mikuli da ya Bumbulvuŋ gu na, naɓa ginew mavulikiy di nah na, a tiri le naŋ pal.

LEVIHEY 27:9 ပူးပေါင်းရင်းမြစ်များ

MIKUCUWULOY 20:25

Mbur maɓi ɗaˀ manja wuluk: «Hana i gwat mipal» na, a ci le ar kwar, kaɓa mbur masa wuluk a dirba jimi.

TILA MI 5:6

Da mbur a musuwun le ti duvuɗo haɗa, yo da mingiɓi a gi le koloŋ koloŋ haɗa na, i ngatara lambaˀ, zuwen ka, zluwun ti Buymisemuŋ.

EZEKIYEL 48:14

Li nah na, anta sa hiɗikam avra ko neˀ ta: anta sa mbiɗaka ati li mekelem ta, anta vulaka micikiɗeffe ngi hirwuyo da mbur mekelem ta si, asi i gwat muvulahay le da Bumbulvuŋ.

LEVIHEY 27:10

Ɓa ngi mbiɗa hirnga nah ti mekelem, ko ti ginew mezle ar li ngi malambaˀ, ko ti malambaˀ ar li ngi mezle kwana, jiviɗ naŋ anta na si. Da ko mbur a mbiɗa le ti ginew mekelem tekeɗe kwana, naɓa ginew mimbiɗam di hirnga ngi mekeleme waɗ numuŋ vuna, zlaɓ cuw taŋ, a tiram le, taŋ pal.

LEVIHEY 27:8

Da kaɓa buy naŋ i misi murga wãˀ, a wurka cikili muɗuva hanayna gu ta na, aru ti mbur ngi ji mi nga ya Buymisemuŋ vuna nga mbuŋ masay, ɓa i naŋ mavula cikili naŋ. Masay kwana a sa vula cikili naŋ weˀe avu gidaŋ ngi mbur majiy mi nga ya Buymisemuŋ vuna.

LEVIHEY 5:15

«Mburo, tir manja sin naŋ na, a gi mungra madiɗa le, asi a zluɓa vula gwat mihĩˀĩ da ya Bumbulvuŋ na le. Na, ɓa ngi ɗiya ɓi nah avu ya na, sey a so ti zlengerek manja hereweɗ ava. A jo di a wuzla tumuŋ naŋhay, yo anja naŋ puɗaw kaslsla avu cikili magam di slra ar hay nga ya Bumbulvuŋ tapasaŋ, ɓa a gi di mikuli ngi ɗiya ɓi naŋ.

Matiye 15:5

Amma kumo, ki ɓam, ko wa gar maɓa cine malla mumuŋ: ‹Gwat ya mawuɗ i jinuw zleˀe ti naŋ na, i muvula le da Bumbulvuŋ› na,