LEVIHEY 26:9 - Bible en langue guiziga

⁹ I sa mbuɗo hiri ng'avu kum, yi sa vulukum yi haɗa, yi sa ga ɓa ki jam ngweɗeŋ ngweɗeŋ, yo jumoˀay ɗu ati kum na, yi sa ga ɓa naŋ da a ndir.

LEVIHEY 26:9 ပူးပေါင်းရင်းမြစ်များ

ZLI VIRZI 1:28

Dar Buymisemuŋ a ɗuwula taŋ mi: «Yam ziri, sikam haɗi, nahaka hirwuyo gar, yo wakaŋ. Cifam buy ar kilif ngir mubuliyey, ar ɗiyuwoy mabulam a muŋ ati gwat misãmihey gar mawusam wenewene a ruwuyo.»

ZLI VIRZI 17:20

Yo ka mucufuɗiy vur Ismayel na kwana, i tiɓa le. Ani i ra ɗuwulaŋ mi, i ra ga ɓa a sa yi haɗi, a sa yi buyoy kuruˀ nga cuw, yo i sa bo ti sukwi madiɗa ti vaŋ.

ZLI VIRZI 22:17

i ɗuwuluw mi gisiŋ gisiŋ, i sa ga ɓa dideˀ ɗikey a gam haɗi kaɓa wurzlaŋ ngi muŋhoy, yo kaɓa muyuŋ a mi mubuliy. Dideˀ ɗikey a sa tiɓaka hirwuyo avu mesene taŋhaya.

ZLI VIRZI 26:4

I sa ska dideˀ ɗikeye haɗi kaɓa wurzlaŋ ngi muŋhoy, yo i sa vula taŋ ruwuy hana gar da taŋ. I sa ɗuwula mi da sukwi ngi mizli ngi ruwuyoy gar tisi taŋ.

ZLI VIRZI 28:14

Dideˀ ɗikey a sa tiram haɗi kaɓa murɓuk a ruwuy. Ki sa ndahaka hirwuyo ng'asi pas ngi pastaˀ, ng'asi pas ngi miprik, ngir ti vay muŋ waɗ ngir ti vay ruwuy. I sa ɗuwula mi da sukwi ngi mizli ngisi ruwuyoy gar tisi ka ati dideˀ ɗikeye.

ZLI VIRZI 28:3

Anja Buymisemuŋ misi gidaŋ wãˀa, a ɗuwuluw mi, a vuluw ziri haɗi, dideˀ ɗikey a sa jam haɗi, ɓa ki ɗuv walahayay taˀ taˀ mbeˀ mbeˀ.

ZLI VIRZI 48:4

a ɓiy na: ‹I sa ga ɓa ki yi haɗi, ki sikam, ɓa i ɗuv ti ka sukwi ngi mizli taˀ taˀ mbeˀ mbeˀ. I sa vula hirwuy hana da dideˀ ɗikey, ɓa a ndir wãˀ da taŋ a dirba ɗike.›»

ZLI VIRZI 6:18

Amma i sa jumˀay ati ka, kisa cam ng'ar palalama, ka ati ziri ɗikey, ngwas ɗik waɗ ngwas ngi ziri ɗikeye.

BUYOY MUDUMBUŊ NAŊ 3:8

Na, ya gawla ɗike, y'ani a wuzla mizli ɗikey, ka muwuna taŋ hana. I mizli mihaɗi teˀe, ko mbur a slufa taŋ gu ta, asi taŋ mihaɗa tuwa.

BUYOY MUCUW NAŊ 13:23

Amma Buymisemuŋ a ga mezle da Israyeleye, a biga taŋ naŋ mawuɗ taŋ haɗa na le. A mbuɗo hiri ng'avu taŋ tisi naŋ mujumˀay zleˀe ati Abraham, Izak waɗ Zakop. A ngum ɓa a ngizla taŋ ta, yo a zliɗa taŋ kileŋ a mihiri naŋ ta, hã wurenna.

NEHEMI 2:20

Ya kwana, yi mbiɗa taŋ di: «Masa ga ɓa gwat misenna a gi na, i Buymisemuŋ ngir birngiŋ ti haŋ naŋ. Ndra gawla naŋhaya, ndr'i slikiɗam, i ndiraka walahaya. Amma kumo, ko lum kum anta a Zeruzaleme ta, na zle jiviɗ nah anta, yo gwat ɓa a wuluku kum keŋ ava anta si.»

NEHEMI 9:23

Ki ska dideˀ taŋhaya, a jam le ngweɗeŋ ngweɗeŋ kaɓa wurzlaŋhay a muŋ. Hirwuy Kanaˀan, ka miɓa dideˀ taŋhay zleˀe, ɓa a sa pam ara tuwa na, ki ci ti taŋ le ng'ara.

DIMISEY 107:38

Buymisemuŋ a ɗuwula taŋ mi, a sikam, naŋ anta pula ginew taŋhay a mam nga ruwuyo ta.

DIMISEY 89:3

Naŋ kanah gisiŋ, i ɓa njah: «Gi mezle ɗik a ɗuv virzi le ngi caˀa, gi teŋteŋ ɗike, ki cica ɓi nah le gidaŋ gidaŋ a muŋ.»

BI NGI ISRAYELEY 1:7

Israyeley ara yam haɗi, ziri taŋhay ara sikam fineˀ gidaŋ, a lumam gidaŋ nga mbuŋ nga mbuŋ: a nahaka hirwuyo wãˀ.

BI NGI ISRAYELEY 2:25

Buymisemuŋ a pura Israyeleye, a si na joˀ taŋ le muduba.

BI NGI ISRAYELEY 6:4

Dar i ɗiy ɓi ngi jumoˀay ɗu ati taŋ, ɓa i vula taŋ hirwuy Kanaˀan, hirwuy taŋ mislikiɗoko ti raŋ, taŋ misi zleˀe i mulakay ara na.

EZAYI 55:3

Jikoko slimiɗ, soko ng'avi ya, cinam, ɓa kisa ndiram ti siifa. I sa jumˀay ati kum wãˀ ngi sete. Gi mezle, ya miɓa ɗaˀ le da Davit na, y'anta sa pula teˀ ta.

ZEREMI 23:3

Ya na, ginew ɗuwoy mindirama, yi ra cikilo hirnga taŋ tisi ruwuy ya mizliɗa taŋ hirnga gar mber mber na, yi sa mo taŋ ng'ar gezleŋ taŋ a muŋ, ɓa a jam, a sikam haɗa.

ZEREMI 23:4

I sa vula taŋ mijigin mezlehey, ɓa a jiginaka taŋ, t'anta sa zluwunam mata, t'anta sa giram kupuyah kupuyah mata, mbur ɓa a sa zilakaŋ slimiɗe, naŋ anta na anta. I ya Bumbulvuŋ maɓi.

ZEREMI 33:3

Ziliy, i sa ziluw mi, i sa njikuw gwat madiɗahay, gwatay muɗum, ka misina taŋ ta.

EZEKIYEL 16:62

I sa jumˀay ati ka, dar kisa sina, yi Bumbulvuŋ,

EZEKIYEL 36:9

Haˀaw, i ra ru ng'avu kum, i ra mbiɗi hiri ng'avu kum. I sa ga ɓa a huvam asi ruwuy kumo, yo a sa zligam gwat ara.

LEVIHEY 26:15

ɓimujuwa ɗuwoyo, da ki ra hizigaka taŋ avra, yo sirik ɗuwoyo, ki ra mbiɗaka taŋ duba, hã ki ngilaka ɓi ngi jumoˀay ɗu ati kumo, ɓa ki gam slra ti ɓimuɗuva ɗuwoyo mata na,

Ɓimezle ngi Yesu Kristu LUK mitil di mi 1:72

A biga gimezle naŋ le da dideˀ ndraˀahaya, a wulka jumoˀay naŋ le.

Slu cuw 28:11

Bumbulvuŋ a sa gukum mezle naŋ angi hirwuy naŋ miɓi ti hudum da dideˀ kumoy, a sa vulukum di na. Ki sa yam haɗi, ginew kumoy a sa jam haɗi, hirwuy a sa gi gwat haɗi.

Slu cuw 28:4

A sa vulukum ziri haɗi, gwat ngi migama haɗi, yo a sa ga ɓa sla kumoy, tumuŋ kumoy, ˀaw kumoy, a jam haɗi.

Slu cuw 7:13

A sa wuɗukum, a sa ɗuwulukum mi, a sa sukukum haɗa. Da kum mindilam le a hirwuy naŋ miɓa ti hudum da dideˀ kumoy, a sa vulukum di tuwa na, a sa ɗuwula mi da ziri kumoy, da gwat ngi migam kumoy, alkamari kumoy, mbaazla kumoy ati mal kumoyo. A sa ɗuwula mi da madiya sla ati madiya tumuŋ kumoyo, ɓa a sikam haɗa.

HEBEREY 8:9

Jumoˀay ɗu nah na, anta sa gi kaɓa ya mujumo ati dideˀ taŋhay zleˀe na ta. Tapas ya mujo taŋ kaw kaw avu haŋ, ɓa ngi bo taŋ ti ngi hirwuy Ezipte. Bumbulvuŋ a ɓi ma: Asi taŋ vuna a cicam angi jumoˀay ɗu ati taŋ na ta, Vurˀe, ya kwana, yi ki slimiɗ ar taŋ mata ya.