LEVIHEY 26:7 - Bible en langue guiziga

⁷ Ki sa ɓulaka mesene kumoyo, kisa kiɗaka taŋ ti maslalam, a sa ndilam kuros kuros a mbuŋ kumo.

LEVIHEY 26:7 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 19:15

Amoŋhoy mupuraka Aramay ara kilam na, taŋ kwana, a zlaka kil a mbuŋ Abisay sukum ngi Zoˀap tuwa ya, a mam ng'ar walahay a muŋ. Dar Zoˀap kwana, a mi nga Zeruzalem.

ESTER 9:16

Mizli Yude ngir li mekelemey ngi buy miwi liheye, taŋ kwana, a kusom ngi laha hutuŋ taŋ. A pulam vu avu mesene taŋhaya, a kiɗam mizli mihiris taŋhaya durmuk kukur tarnaˀ nga zlum. Amma ko a jam haŋ kaw le avu zlili taŋhaya ta.

DIMISEY 81:15

anja ani i tikaˀay le zlezle da mesene taŋhaya, yo anja i kiɗa mizli maguzuvuraka taŋ na le.

LEVIHEY 26:36

Amma mizli ngi wuzla kumoy masa ndiram ti siifa angi hirwuy ngi mesene kumoy na, i sa ga ɓa didak a muɗa taŋ haɗa. Ko hurum ngi kalaf ngatara masa diɗo kwana, a sa kilam di, a sa kilam kaɓa makilam vur ngum ti maslalam, ko da anta gidiɗaka taŋ ta tekeɗe kwana, a sa ndilam ɓaˀ ɓaˀ si.

LEVIHEY 26:6

I sa vulo zuy asi ruwuyo. Da kum mihinam le tup tup na, ko gwat masa gukum ngaˀa anta. Gwat malambaˀ misãmiheye, yi sa ngizla taŋ pay tisi ruwuyo, yo ko mbur masa gi vurum ti kum anta mata.

LEVIHEY 26:8

Mizli zlum asi kumo, taŋ ter ngi ɓula mizli skata, yo mizli skat asi kumo, a sa ɓulam mizli durmuk kuruˀu, joˀ kisa kiɗaka mesene kumoyo ti maslalam, a sa ndilam kuros kuros a mbuŋ kumo.

Slu cuw 28:7

Da mesene kumoy misa zlukum le na, Bumbulvuŋ a sa vulukum bugawla a hirnga taŋ. Da a soko zleˀe hiɗim hiɗim tir jiviɗ purla na, a sa zliɗam hirnga a mbuŋ kumo mber mber, a jam jiviɗ wal wal tarnaˀ.

Slu cuw 32:30

Israyeley durmuk na, mesene taŋ purla a gidiɗa taŋ gu mbrike? Israyeley durmuk kuruˀo, mesene taŋhay cuwo agidiɗaka taŋ gu mbrike? Na sey da ya Bumbulvuŋ, mandazlay muwã taŋ na, i vula taŋ le asi haŋ ngi mesene taŋhayvuna far.

ZOZUWE 23:10

Mbur purla a wuzla kumo, a gidiɗ mizli durmuku. Hana gar na, asi makiɗ vu asi kum i Bumbulvuŋ, Buymisemuŋ kum, kaɓa naŋ miɓa ɗaˀ le zleˀe tuwa.

MIGI KIITAHAY 15:15

Akẽh na, Samsoŋ a lum tesl ngi kwala ngi zungu mupuwaka wureˀe, a zuɓa vavar, a kiɗ mizli durmuk ti nah.

MIGI KIITAHAY 4:16

Barak a gidiɗa mota ngi vurumoy ati sojeheye, hã sesẽŋ a Haroset-Goyim. A ngizlaka soje ngi Sizeraˀahaya gar ti maslalam, ko pal tekeɗe a ndir ta.

MIGI KIITAHAY 7:23

Akẽh na, a ziloko Israyel ngi Neftaliheye gar, ngi Aserey waɗ ngi Manaseheye, a sipaka Madiyanay tuwa.

SAMUYEL MUDUMBUŊ NAŊ 14:13

Zonataŋ ara jiɗ ti haŋ, yo ti sar ma gar, waɗ gawla naŋ tuwa ɓaˀ a dirba. Filistihey ara ndilam ɓaˀ ɓaˀ a mbuŋ Zonataŋ ti kiɗ naŋ makiɗa taŋ, yo gawla naŋ na kwana, ara kiɗa mi taŋ wãˀ wãˀ cici ti dirba naŋ.