LEVIHEY 26:6 - Bible en langue guiziga

⁶ I sa vulo zuy asi ruwuyo. Da kum mihinam le tup tup na, ko gwat masa gukum ngaˀa anta. Gwat malambaˀ misãmiheye, yi sa ngizla taŋ pay tisi ruwuyo, yo ko mbur masa gi vurum ti kum anta mata.

LEVIHEY 26:6 ပူးပေါင်းရင်းမြစ်များ

BUYOY MUCUW NAŊ 2:24

Elize a mbuɗo hiri, a zizira taŋ ziziri ziziri, a nisa taŋ ti slimiɗ ngi Buymisemuŋ. Akẽh na, gwatay kaɓa mbaagumoy cuw a boko tisi widisey. Gwat misãmi tayna tuwa, a kiɗam asi ziri tayna kukur mufaɗ nga cuw.

ƁI NGI HIN GAR MUDUMBUŊ NAŊ 22:9

Pura, a yukuw mangal le, naŋ i mbur mijam jam ati mizli, Y'anta sa pula mesene naŋhay mugun hirnga naŋ na, a gakaŋ ngaˀa ta. A sa zilaka Salomoŋ, asi ar hin ngi zumabuy naŋ na, Israyeley a sa ndiram jam jam manja zluwun.

ƁI NGI HINEY MUCUW NAŊ 20:30

Naŋ kine, zumabuy ngi Zozafata, a cuh ti setette, yo Buymisemuŋ naŋ a vulaŋ jam le ati mizli ngir maakway naŋhaya gun gun gar.

Ɗerewol JOP 11:19

Ka mira musuk vu na, ko mbur masa guw ngaˀ anta, mizli haɗi a sa hunumukuw jaka.

Ɗerewol JOP 5:23

Ko ɗugur anta sa bo ar guva ɗike ta, yo ki zluwun ti gwat ngi ɓuhoyo ta.

DIMISEY 144:14

Anja sla ndrahay a zlumburam kuleɗ kuleɗe, anja mizli a ndiloko ɓuyoh, a jam ndra ng'ar beke mata, yo anja widi, ˀay ngar ngar, anta ar li ngi luuma ndraˀahaya mata.

DIMISEY 147:14

A ra jigina hirwuy ɗike, ɓa a cifi jam jam, a vuluw daw mezle hã ki mbi.

DIMISEY 29:11

Bumbulvuŋ a vula gidaŋ da mizli naŋhaya, Bumbulvuŋ a ɗuwula mi da mizli naŋhaya, a vula taŋ jam.

DIMISEY 3:5

I ra zila Bumbulvuŋ ˀay ngar ngar, a ziliy mi le baɗ ti muwã naŋ mipal na.

DIMISEY 4:8

Ki vuliy mumul le haɗa a mevele, fineˀ ngi mizli magam sifi ngi alkamari ati ngi yi ngi gudubun.

DIMISEY 85:8

Bumbulvuŋ, biga ndra gi teŋteŋ ɗik na, yo laha ndra.

BI NGI ISRAYELEY 23:29

Y'anta sa ɓula taŋ angi vi purla ta, naɓa hirwuy a sa tiri ɓuh, yo gwat ngi ɓuhoy a sa jam mbele kum.

MIKUCUWULOY 3:24

Ti hiikuɗo, ka misa hin le na, k'anta sa zluwun ta, yo ti duvuɗo, ka mihin le tup na, ki hinje buɗusl.

MIKUCUWULOY 6:22

A sa bugukuw jiviɗ ar ka maru ati ka masawa gar, a sa jiginukuw ar li hin ɗike, yo ka mupuɗuk le na, a sa vulukuw kuti.

EZAYI 35:8

Ar li nana, a sa kam jiviɗi, a sa zilaka ‹jiviɗ mubaˀ pal›. Mbur misi dili anta sa ru ti raˀa ta asi i Bumbulvuŋ vuna ti haŋ naŋ masa ka mbuŋ, mizli manja lesley anta sa zizoko hirnga ng'ara ta.

EZAYI 35:9

Ar jiviɗ nana, mobor anta, gwat miŋsah mi miji vuhoy anta ram ti raˀa ta, ko anta sa lumam loŋ ta. Mizli ngi Bumbulvuŋhoy a sa zuɓam di i jiviɗ nah na so.

EZAYI 45:7

I ga li minjahha, yo i ga luvuŋ ma, i go zuy da mizli, yo i go taŋ bonoy ma. Tayna cek na, maga taŋ i ya Bumbulvuŋ.

EZAYI 9:7

Bumbulvuŋ a ɓi ɓi ngi bonoy le da dideˀ ngi Zakopoyo, amma a mbiɗi nga hirnga zumabuy ngi Israyeley.

ZEREMI 30:10

Ka gawla ɗu Zakopo, ki zluwun ta. Israyel, ki pula vu ɗike, ki hĩhĩy ta! I sa loho ka ti ngi hirwuy mikileŋ kileŋheye, yo i sa loho dideˀ ɗikeye ti ruwuy mujukuw ng'ara na. Zakop ara mawa, naŋ anta zluwun mata, ara pul vu, ko mbur magaŋ zluwun anta. I ya Bumbulvuŋ maɓi.

ZEREMI 31:26

Yo ma na, ya mupuɗuko, i pura na, i hinje le kuy.

EZEKIYEL 14:15

Da i slin ti gwat misãmi miji vu ngi ɓuhoy le ng'asi ruwuyo, ɓa hirwuy a tiri kirɗak kirɗak, manja ziri araŋ, manja mbur a cuh ti raŋ, asi gwat misãmihey na,

EZEKIYEL 14:17

Malla ta, da i pulo vurum le ng'asi ruwuyo, da i ɓi le: anja vurum a gi asi ruwuy hana, anja a ngumaka mizli ati gwat misãmiheye ti maslalam,

EZEKIYEL 14:21

Naŋ kine, ya Bumbulvuŋ, Buymisemuŋ i ɓi na: Bonoy mumufaɗ hanayna: vurum, may, gwat misãmi miji vu ngi ɓuhoy waɗ jiji mozorbono na, ko da i slino taŋ le ar walahay Zeruzaleme, ɓa a ngizla mizli ati gwat misãmiheye tekeɗe kwana,

EZEKIYEL 34:25

I sa ga ɓa i slamˀay kiri ati ginew ɗuwoyo. I sa ziza gwat misãmi miji vu ngi ɓuhoyo gar tisi ruwuyo. Ginew ɗuwoy a sa cifam setette a wuzlaɓuh mikirɗak kirɗaka, a sa hinam a wuzla dum mingiriɗ.

EZEKIYEL 34:27

Widis ngi ɓuh a sa yi, yo hirwuy a sa gi gwat. Mizli ɗuwoy a sa ndiram setette ar li taŋhaya. Ti ya misa ngila galalaŋ ngi si ˀay taŋ na le avra, yo ya misa laha taŋ le tisi haŋ ngi mizli mitiram taŋ beke na, a sa sinaka, yi Bumbulvuŋ.

EZEKIYEL 5:17

I sa slin ti may ati gwat ngi ɓuh majam vuhoy, a sa jukum ziri, ki ndiram ɗoɗok ɗoɗok kine. Jiji mitiɓi vu ati vurum a sa gi asi ruwuy kumo, i sa ga ɓa mizli a sa kuɗukum ti maslalam. I ya Bumbulvuŋ maɓi.»

Ɗerewol OZE 2:18

Bumbulvuŋ a ɓi na: «Tapas nah, Israyel a sa ziliy ‹zil ɗu›, naŋ anta sa ziliy ‹Baˀal, Buy ɗu› kini mata.

Ɗerewol OZE 2:20

Ti hin nah, i sa ɗiyi ɓi ngi jumoˀay ati mizli ɗuwoyo ati gwat misahmi ngi ɓuhoy ati ɗiyuwoy maslikiɗam a muŋ, waɗ gwat makurmuɗom ti kwacayay. lek, maslalam ati gwat ngi vurumoy na, i sa ngila taŋ, a sa gi anta asi ruwuyo mata, i sa ga ɓa mizli ngi si ruwuyoy a hinjam zuy zuy.

LEVIHEY 25:18

Ɓimujuwa ɗuwoyo, gam taŋ slra, sirik ɗuwoyo, jaka taŋ a hirnga, yo gam taŋ slra. Kanah na, naɓa kisa cifam setette asi ruwuyo.

LEVIHEY 25:19

Hirwuy a sa gukum gwat haɗa teˀe, kisa zumam, hã ki mbam, yo kisa cifam setette asi ruwuyo ma.

LEVIHEY 26:22

I sa slino gwat misãmi ngi ɓuhoy ng'ar kumo, a sa jukum ziri, a sa ngizlaka ginew kumoyo leɗeɗ, yo a sa nguzlukum pay, hã jiviɗ kumoy a sa tiram ɓuh.

LEVIHEY 26:25

I sa go vurum ng'ar kumo, ngi pula bol ngi kum mingilaka jumoˀay ɗu ati kum na, dar kisa kusom hirnga turkpus ar walahay madiɗa kumoyo. I sa slino ti mozorbono nga wuzla kumo, yo i sa pulukum zlaɗ da mesene kumoy.

LEVIHEY 26:7

Ki sa ɓulaka mesene kumoyo, kisa kiɗaka taŋ ti maslalam, a sa ndilam kuros kuros a mbuŋ kumo.

MISE 4:4

Mbur gar a sa cifi asi gudubun naŋ waɗ asi uruf naŋ zuy zuy, ko mbur masa gaŋ ngaˀa anta.» Asi i ya Bumbulvuŋ misi gidaŋ wãˀ maɓa ti mi ɗu.

SOFONI 3:13

Israyeley mindirama, anta sa gam gwat malambaˀ mata, t'anta sa gam slir mata, anta sa lumaka taŋ gurjik ar li ɓi mi ngi tikina vu mata. Amma a sa zumam, a musukam vu, ko mbur masa ga taŋ zluwun anta.

Ɗerewol AZE 2:9

Ya Bumbulvuŋ misi gidaŋ wãˀa, i ɓi na: hay hana, mezle naŋ mukuy ta wãˀ na, a sa funa misi mudumbuŋ zleˀe na, yo i sa ga ɓa zuy a ndir ar li misenna.»

ZAKARI 9:10

A sa ziza mota ngi vurumoyo baɗ tisi ruwuy Efrayime, waɗ piliseye tir walahay Zeruzaleme. A sa ngila lek ngi migi vurumoyo ngiɓac ngiɓac, a sa ɗuva ɓi ngi zuy a wuzla sukwi ngi mizli. A sa wa li, zle a mubuliy hã a mubuliy mekelem, yo zle a mizaw Efrata, hã ar hirwuy mira kiɗo mi.

Ɓimezle ngi Yesu Kristu ZAŊ mitil di mi 14:27

«Yi pulukum di i zuy, i ra vulukum zuy ɗu. Y'anta i vulukum di kaɓa ngi duniya mavula na ta. Anja didak a muɗukum ta, ki zluwunam ta.

SLRA 12:6

Duvuɗ ɓa li mara wun, Herod masa ga kiita da Piyer tuwa na, Piyer ara hinje ar wala ngi sojehey cuw, mujuwa le kaˀ kaˀ ti celeluhoy cuw, yo sojehey ada sek ar li ngi slra taŋ a mizlingre ma.

ROMAHAY 5:1

Kanah so na, i ɗiyam le jeŋŋe a mbuŋ Buymisemuŋ, asi tiɓi, ani wurenna, ndra zuy zuy ati Buymisemuŋ, mbele Buy ndra Yesu Kristu.