LEVIHEY 26:5 - Bible en langue guiziga

⁵ Naɓa a hay kumo, ɗugo gwatay a sa zik, hã a ndila sifi ngi gudubun kumoy, yo hin ngi sifi ngi gudubun kumoy kwana, a sa zik, hã a ndila hin ngi zligi. Ki sa zumam, hã ki mbam, yo kisa cifam setette asi ruwuy kumo ma kini.

LEVIHEY 26:5 ပူးပေါင်းရင်းမြစ်များ

DIMISEY 144:13

Anja dirgwaɗ ndrahay a naham mbaf mbaf, caɓ caɓ ti sukwi ngi gwatay wal wal gar, yo ginew ndrahay a jam a ɓuh durmuk durmuk, ko durmuk kukur mbeˀ mbeˀe.

DIMISEY 90:1

Dira dibiɗ ngi Moyis, mijiviɗ ngi Buymisemuŋ. Bumbulvuŋ, diga zlezle, hã ngi set gar na, ka ki li pula vu ndra.

BI NGI ISRAYELEY 16:8

Moyis a wuɗ a ɓi na: «Ki sa puraka, ti pastaˀa, Bumbulvuŋ a sa vulukum useˀ, ti miprike, a sa vulukum ɗaf hã ki mbam, asi Bumbulvuŋ a cine kum madirɗakaŋ na le. Ndra, ndr'i ndilaka ta. Kum madirɗam na, i ndra ta, amma ki dirɗam di i Bumbulvuŋ gisiŋ gisiŋ.»

MIKUCUWULOY 1:33

Amma mbur maciniy mi na, a ndir setette, zuy zuy, naŋ anta zluwun ti hiryi ta.»

MIKUCUWULOY 18:10

Slimiɗ ngi Bumbulvuŋ i hay madiɗa migidaŋ, mbur mijeŋŋe a kil ng'ara, a lum li pula vu araŋ.

EZAYI 1:19

Da ki ra cinikiy mi na, kisa zumam gwat mimezle ngi ruwuy hana.

EZAYI 30:23

Da ki zligam gwat ngi hilfahay le na, Buymisemuŋ a sa vulukum vuŋ. Hirwuy a sa gi gwat ngi zum haɗa yo i mundumoy ma. Ti hin nah, ginew kumoy a sa zumam ar li zum taŋ miciɗak ciɗaka.

ZEREMI 23:6

Ar hin ngi zumabuy naŋ na, kite Zuda a lih le, Israyel a sa cifi setete. A sa cakaŋ slimiɗ ani: ‹Bumbulvuŋ i milih ndra.›

Ɗerewol OZE 2:18

Bumbulvuŋ a ɓi na: «Tapas nah, Israyel a sa ziliy ‹zil ɗu›, naŋ anta sa ziliy ‹Baˀal, Buy ɗu› kini mata.

Ɗerewol OZE 2:20

Ti hin nah, i sa ɗiyi ɓi ngi jumoˀay ati mizli ɗuwoyo ati gwat misahmi ngi ɓuhoy ati ɗiyuwoy maslikiɗam a muŋ, waɗ gwat makurmuɗom ti kwacayay. lek, maslalam ati gwat ngi vurumoy na, i sa ngila taŋ, a sa gi anta asi ruwuyo mata, i sa ga ɓa mizli ngi si ruwuyoy a hinjam zuy zuy.

ZOWEL 2:19

Bumbulvuŋ a zila mi da mizli naŋhay ani: «Ani, i ra slinukum daw alkamari, mbaazla dedeɗeke waɗ mal muɗuco wureˀ aruŋ. Ki sa mbam taŋ pecek. Y'anta sa pulukum ɓa sukwi mekelemey a pukum mesem ta ndiɗaˀ wãˀ.

ZOWEL 2:22

Kum gwat misãmi ngi ɓuhoy, ki zluwunam ta, li zum kum ngi ɓuh ara pus giziŋ silip silip, widisey ara yam, uruf ati gudubuno, a roko locok locok.

ZOWEL 2:26

Ki sa zumam hã pecek, kisa hunumikiy ya Bumbulvuŋ, Buymisemuŋ kumo, ya migi cekenehey vur kumo, mizli ɗuwoy anta pam mesem mata ndiɗaˀ wãˀ.

AMOS 9:13

«Hin ara ndilawa, tapasa, a huvam ani, a gam sifi ngi gwat ani, sifi ngi ɗuco yi ngi gudubun ani, hin zligi ani. Tapasa, yam ngi zinga ngi gudubun a sa ɓul a muwãhaya gar, yo ar li mingir ɗingirey gar na, a sa ɓul col col. I ya Bumbulvuŋ maɓi.

Matiye 23:37

«Kayya, Zeruzalem, Zeruzalem, ka makiɗa mijiviɗey vagay vagay, ka makuypa mizli mislinukuw taŋ na! Yi wuɗ le haɗi is mbeˀ mbeˀ, ɓa yi cikila ziri ɗikeye kaɓa kucukur mahuruk ar ziri naŋhay, amma ko ki ngumam ta.

SLRA 14:17

Ti nah gar kwana, ara biga vu naŋ ndrehhe ti gimezle naŋ, a gukum vuŋ paɗ a muŋ, a gukum sifi ngi gwatay angi hin naŋ kaslsla, a vulukum gwat ngi zum haɗi, a vulukum mumul haɗi a mevele.»

Slu cuw 11:15

a sa puso giziŋ da ginew kumoy a ɓuh ma, yo gwat ngi zum avu kumo ka zay.

TIMOTE MUDUMBUŊ NAŊ 6:17

Mizli misi ti zlili ngi ruwuy hanayna, ɓa taŋ: anja a huhumom vu ta, anja a njaham hiri asi zlili mandir caˀa gisiŋ ta na ta. Amma anja a njaham hiri angi Buymisemuŋ mavula ndra zlili haɗi, ɓa i mumulom di na.

PIYER MUDUMBUŊ NAŊ 1:5

da kum, gidaŋ ngi Buymisemuŋ majiginukum tisi tiɓi kum, ɓa kisa lumam lih migweˀ masa njiko vu angi kiɗa mi ngi hin na.