LEVIHEY 26:44 - Bible en langue guiziga

⁴⁴ Dambalaka, ko ti taŋ misi angi hirwuy ngi mesene taŋhay na tekeɗe kwana, y'anta sa zliɗa taŋ avra ngi wãˀ ta, y'anta sa mbiɗa taŋ duba, hã ngi ngizla taŋ kuɗup ta, yo yi sa ngila ɓi ngi jumoˀay ɗu ati taŋ na ta ma, asi Bumbulvuŋ, Buymisemuŋ taŋ i ya.

LEVIHEY 26:44 ပူးပေါင်းရင်းမြစ်များ

ZLI VIRZI 17:7

I sa ndir ti jumoˀay ɗu misi ati ka na, yo a dirba ɗike, i sa jumˀay ati dideˀ ɗikeye, hã avu dideˀ mukutur ti kutur, mukutur ti kutur hã ngi sete, ɓa i sa tiri Buymisemuŋ ɗik ati ngi dideˀ ɗikey a dirba ɗike.

BUYOY MUCUW NAŊ 13:23

Amma Buymisemuŋ a ga mezle da Israyeleye, a biga taŋ naŋ mawuɗ taŋ haɗa na le. A mbuɗo hiri ng'avu taŋ tisi naŋ mujumˀay zleˀe ati Abraham, Izak waɗ Zakop. A ngum ɓa a ngizla taŋ ta, yo a zliɗa taŋ kileŋ a mihiri naŋ ta, hã wurenna.

NEHEMI 9:17

A ngumam cine mi ta, yo cekenehey ka miga taŋ vur taŋ na, a wulkaka ɓi naŋ keŋ mata. Hirnga taŋ gidaŋ. Taŋ mislikiɗam ɓi avu ka na ma na, a wulkam ɓa a mam ng'ar beke taŋ a Ezipte a muŋ. Amma ka, ki Buymisemuŋ mapul mungra ngi mizli, ki pur vu ti hiri mezle, ki pur ircece haɗa, ki ji mevel kutum ta, ka teŋteŋ haɗa, ko ki pula taŋ zlaɗ ta.

NEHEMI 9:31

Asi gi mezle ɗik mihaɗa tuwa na, ka ki pula taŋ ɓa a ngizlam ta, ki pula taŋ zlaɗ lambaˀ ta. Asi ki Buymisemuŋ mapur vu ti hiri mezle, mapur ircece haɗa.

DIMISEY 103:13

Bumbulvuŋ a wuɗ mizli mazlunam di, kaɓa cine mawuɗ ziri naŋhay na ya.

DIMISEY 89:33

i sa zuɓ ganday ngi kuta taŋ asi cine mi taŋ ta na, yo i sa kiɗa taŋ asi malambaˀ taŋ na.

DIMISEY 94:14

Asi Bumbulvuŋ anta pula mizli naŋhaya ta, mizli nga naŋhaya, naŋ anta mbuka taŋ zlaɗ ta.

ZEREMI 14:21

Ki hiris vu ta, ɓa ngi ɗuva hirnga da slimiɗ ɗike, janga misi dudok ngi ka buyo, ki pura hiris le ta! Jumoˀay ɗik ati ndra na, wulka keŋ.

ZEREMI 24:5

«Ya Bumbulvuŋ, Buymisemuŋ ngi Israyele, i ɓi na: yi ngi ˀuruf mezlehey, mapuram kuy avu hiri ani na, mizli mijahay ti Zuda, ya muɓula taŋ tir li hana nga Babiloŋ na, yi ra pura taŋ ircece ya.

ZEREMI 30:11

Y'ada ati ka ɓa i lihuw. Sukwi ngi mizli, ya muzliɗukum hirnga ngi hay taŋ na, i sa musukuɗo tur: Amma y'anta sa ngizlukum kumo ta, ɓi miɓa ɗaˀ le na, i kutuw ɓa ki cikaŋ hirnga, i puluw manja kuti ta ɓula. I ya Bumbulvuŋ maɓi.

ZEREMI 31:20

Efrayime, i mangal ngisi mevel ɗu, mangal ya mahĩyã haɗa kwa? Ya mira ɓa ɓi naŋ ko ti vunaka gar na, sey i zila slimiɗ naŋ daɗ le daɗ le na si. I wuɗaŋ haɗi a mevel ɗu! I wuɗaŋ haɗi, gisiŋ, i wuɗaŋ haɗi. I ya Bumbulvuŋ maɓi.

ZEREMI 33:26

dideˀ ngi Zakop ati ngi gawla ɗu Davite, ɓa i zliɗa taŋ avra na, a gi kwa? Sukwi ngi Abraham, ngi Izak waɗ ngi Zakopo, i pula wini mizli a wuzla taŋ ngi cifi buy ar taŋ teˀ sukwa? Kanah ta ndiɗaˀ wãˀ! I sa mo taŋ ng'ar li taŋ muŋ, asi i pura taŋ geˀ ircece.»

EZEKIYEL 16:60

Ya na, jumoˀay ɗu ati ka ti hin ngi diili ɗik na, yi sa wulka keŋ, i sa jumˀay ngi sete ati ka.

LEVIHEY 26:11

I sa ɗuva hay ɗu a wuzla kumo, yo y'anta sa mbuɗokum duba ta.

ROMAHAY 11:2

Buymisemuŋ, mizli naŋhay naŋ muwuna taŋ daf dumbuŋ na, a pula taŋ ta. Malla mingiɓi ngir Ɓimutoho, Eli mumbul mi ti Israyeley a mbuŋ Buymisemuŋ na, ki sinaka ta kwa? A ɓi na:

ROMAHAY 11:26

Kahana so na, Israyeley gar a sa laham. Kaɓa Ɓimutoho miɓi: «Milahavu a sa so baɗ ti Siyoŋ, a sa zuɓa moˀore ngi dideˀ ngi Zakopoyo gar avra.

MIGI KIITAHAY 2:1

Modro ngi Bumbulvuŋ aru ti Gilgala nga Bokim, a ɓa Israyeleye na: «I bo ti kum le ti ruwuy Ezipte, yo i co ti kum le nga ruwuy ya miɓa ɗaˀ le ti hudum da dideˀ kumoy na. Yi ɓi zleˀe na: ‹Ko y'anta sa ngila ɓi ngi jumoˀay ɗu ati kumo ta ndiɗaˀ wãˀ,