LEVIHEY 26:34 - Bible en langue guiziga

³⁴ Angi vihey, kum muroko ɗoɗok angi hirwuy ngi mesene kumoy na, naɓa hirwuy a sa musuk vu, a sa ga hin ngi sabat naŋhaya muduba so.

LEVIHEY 26:34 ပူးပေါင်းရင်းမြစ်များ

BUYOY MUDUMBUŊ NAŊ 8:46

Ani mbur, ɓa a gi mungra ta na, anta ndiɗaˀ wãˀ. Da kaɓa Israyeley a sa ngilam ɓi le avu ka, yo da ka misa ji mevel le ar taŋ, ka misa vula taŋ le asi haŋ ngi mesene taŋhay, yo mesene taŋhay a sa jaka taŋ, a cohom taŋ le ng'ar beke ar hirwuy ngi mesene taŋhay kileŋ malla gweˀe na,

ƁI NGI HINEY MUCUW NAŊ 36:21

Mingiɓi ngi Bumbulvuŋ mubo ti balam Zeremi na, a gi le muduba: «Asa pulaka hirwuyo mbak ngi vi kukur tarnaˀ, hã hin ngi sabat naŋhay mikiɗam mi le, ɓa ngi wurka hin ngi sabatay, mija taŋ a hirnga zleˀe ta na.»

ZEREMI 34:17

Bumbulvuŋ a ɓi na: «Yo mbak ɗagay so, anja zleˀe ki tilam mi ti ɓi ngi pula sukum kumoy, kum misi angi hirwuy purla na, amma ani ki cinikiy mi ta. Na ya, yi sa til mi ti ɓi ngi pul kum mbak da maslalam, da jiji mozorbono waɗ da may a ngizlukum. I sa ga ɓa zumabuy ngisi ruwuy kurzluˀ gar mupurukum le na, a zluwunam ti ɓi kumo kirkir. I ya Bumbulvuŋ maɓi.

LEVIHEY 25:10

Kanah so na, vi mizli ngir zlum naŋ na, kisa tilam di mi asi ruwuyo gar, i vi mipal, yo i vi ngi luuma hirnga ngi mizli ngisi ruwuy kum gar. Vi nah na, avu kumo, i vi ngi ‹zluzluɓu.› Ko wa gar a sa mi nga hirwuy naŋ, nga wuzla muy naŋhay.

LEVIHEY 26:35

Angi vihey, kum muroko ɗoɗok na, hirwuy a sa musuk vu ar deɗe ngi sabatay mucohom zleˀe, naŋ mulum musuko vu ta, ti kum micifam zleˀe anga na.

LEVIHEY 26:43

Ti taŋ masa pulaka hirwuyo njoŋ pal naŋ na, hirwuy a sa ga sabat naŋhaya muduba so. Ar nah na, a sa ɓusaka kuti taŋ ti bonoyo, asi taŋ mihizigaka sirik ɗuwoy avra, yo asi taŋ mimbiɗaka duba da ɓimujuwa ɗuwoy na.