LEVIHEY 26:32 - Bible en langue guiziga

³² Ya ti haŋ ɗu, i sa ngizla hirwuy kumo, hã a sa zuma hirnga da mesene kumoy musoko ɓa a cifam anga na.

LEVIHEY 26:32 ပူးပေါင်းရင်းမြစ်များ

ZEREMI 9:11

Da mburo naŋ da ti sinmijileŋ na, anja a sla wala ngi ɓi Bumbulvuŋ miɓaŋ di na, a til di mi. Hirwuy a tiri diŋ le, i muwura le ka wuzlaɓuh kirɗak kirɗak, ko mbur loŋ macuh ti kẽh anta mata na vur mike?

ZEREMI 25:11

Hirwuy hana taˀ gar a sa tiri diŋ, li midaŋ daŋ cay lambaˀ, joˀ mizli ngi si ruwuyoy gar, a sa gam gawla ngi buy madiɗa ngi Babiloŋ, hã vi kukur tarnaˀa.

ZEREMI 19:8

I sa tiri ti walahay Zeruzaleme daŋ daŋ, sey tuwuy ngi bonoy ara tewle. Mbur masa cuh ti cikeˀe gar na, a sa zumaŋ hirnga: naŋ misa pura hiryi nah le keɗ keɗ na, a sa hiziga widi ti zluwun.

ZEREMI 18:16

Ma na, a tiram ti ruwuy taŋ le, i li puɗak puɗak, daŋ daŋ, joˀ mizli a singiram angaŋ. Mizli macohom ti raˀ a gar na, a zluwunam, a hizigiɗam hirnga deŋ.

EZEKIYEL 5:15

Ti ya masa guw kiita ɗu ngi mbuɗuw hirnga ti mevel, ti himaˀ fõh fõh waɗ ti mbuɗuw hirnga haɗa kuyta wãˀ na, kisa tiri avu sukwi mugun hirnga ɗikeye, ki gwat ngi mesem, gwat ngi singir muwãˀ naŋ, gwat ngi dubuna ɓi ati ngi zluwun. I ya Bumbulvuŋ maɓi.

ZEREMI 25:18

I zla vul naŋ dumbuŋ ngi si da walahay Zeruzalem waɗ da walahay Zudahay, da buy ngi raˀahay ati mizli madiɗa ngi slra taŋhay, ɓa i tiri taŋ diŋ cay, li midaŋ daŋ mayi zluwun madiɗa, dar mizli a sa nisam vu ti naŋ, kaɓa naŋ magi dana ani na.

BUYOY MUDUMBUŊ NAŊ 9:8

Tapas mizli masa cohom gweˀ tivi Hay migila misenna mitiri diŋ na, hã a sa zuma taŋ hirnga, dar a sa cufuɗaka mizli: «Bumbulvuŋ a ga gwat da hirwuy hana ati Hay misenna kahana vur mike?

Slu cuw 28:37

Mizli gar, Bumbulvuŋ masa ru ti kum ngi hay taŋ na, a sa ndiram ngirkik ngirkik ti zluwun ar li pura gwat magi avu kum na, a sa singiram ar kum, a sa kiɗam ti kum mambaˀa.

Ɓimezle ngi Yesu Kristu LUK mitil di mi 21:20

Da ki puraka le, sojehey a gunoko Zeruzaleme le gun na, sinaka sin le, naɓa pas ngi wuh naŋ a ndilo le.

HABAKUK 3:17

ˀUrufoyo anta fuyukom mata, gudubunoy anta yam ko neˀ le mata, i kutukoko yi ngi tutumburo, hã gar gar, guvahay anta yam gwat ngi zumoyo mata, ˀaway ati tumuhoy ara zizam ar gezleŋ taŋ, slahay kwana, anta ar gezleŋ taŋ mata.

DANIYEL 9:18

Aw Buymisemuŋ ɗu, jiko slimiɗ, yo cin. Wuna hiri ɓa ki pura gwat muwahahay ati walahay ngi zila slimiɗ ɗik ara na. Ndra matumbulukuw na, anta vur gwat ngi gi ndra mijeŋŋe ta, amma vur ka mapur ircece haɗa na.

DANIYEL 9:2

Ar vi mudumbuŋ naŋ ngi zumabuy ngi Dariyus na, ya Daniyele, i ra pur ɗerewoloy, i luuma Bumbulvuŋ misla vi kukur tarnaˀ da walahay Zeruzalem masa ndir i diŋ, naŋ miɓa da mijiviɗ Zeremi na, a wuɗ a gi muduba.

TUWUY 5:18

Hana gar na, asi muwã Siyoŋ a tiri le daŋ daŋ, yo a tiri li liˀi ngi biigaɗay le.

TUWUY 4:12

Buy madiɗa ngi ruwuyoy malla mbur ar duniya misenna, ɓa a wulkam, mbur mazlir ti mbur ta malla mesene a sa ci a hur Zeruzaleme na, a wulkam ɗaˀ ta.

ZEREMI 44:22

Gwat ngi gi kum ngi moˀore zleˀe, yo malambaˀ kum mukuyta wãˀ migaka zleˀe na, Bumbulvuŋ anta ɓusa ɓi nah mata, yo ma na, hirwuy kumo, a tiri diŋ le, li cay daŋ daŋ lambaˀ. Mizli ara nisam vu ti slimiɗ ngi hirwuy kum vuna, mbur loŋ anta ara ta, naŋ kaɓa mapur ani dana na!

ZEREMI 44:2

«Ya Bumbulvuŋ misi gidaŋ wãˀ, Buymisemuŋ ngi Israyel i ɓi na: ‹Bonoy ya mupo taŋ gar nga hirnga Zeruzalem waɗ ng'ar walahay Zudahay na, ki sinaka taŋ le kuy kuy: walahayaya t'ani wurenna i diŋhey taˀ taˀ, ko mbur loŋ anta a diga ta.

ZEREMI 25:38

A pula mizli naŋhaya kaɓa mobor mupula kuɓuŋ naŋ le. Hirwuy taŋ a ndir daŋ daŋ cay, a mbuŋ vurum manja pura ircece, a mbuŋ himaˀ mufõh fõh ngi Buymisemuŋ.

EZAYI 64:10

Hay ndra mipal, mimezle, cine ndrahay mazlukuw dimis ngi hunum ɗik ara tuwa, vu a wura le. Yo li ndra mawuɗam haɗa tuwa, a tiri diŋ le.

EZAYI 24:1

Puraka Bumbulvuŋ ara ngizla ruwuyo, ara nguɓuco wãˀ, ara mbiɗa ruwuyo, ara zliɗa hirnga ngi mizli ngi raˀahaya.

EZAYI 6:11

Yi cufuɗaŋ so: «Ɓa hã tuvunaka Bumbulvuŋ?» A mbiɗiy di: «Sey walahayay a ngizlam kap kap, a ndiram manja mizli, hayay a tiram njoŋ njoŋ, hirwuy a tiri daŋ daŋ manja mizli.»

EZAYI 5:9

Bumbulvuŋ, migidaŋ wãˀ muhudum na, i cine le. A ɓi na: «Hadam, hay madiɗa ati mukuyteˀhey na, a sa ndiram njoŋ njoŋ manja mizli.

EZAYI 5:6

I sa tiri di li micay ngatara, ko anta sa kilahaka ta, a sa hufaka si virzi naŋ mata. Hadaw ati sisimey a sa pusam ara, yo i sa tika gazlavaya, ɓa a go vuŋ ng'ara ta.»

ZEREMI 12:11

A tiram di diŋ le cay, n'ani cay a mbuŋ ɗu, sey tuwuy. Hirwuy gar a ndir le daŋ daŋ, ko mbur mawulka ɓi nah anta.

ZEREMI 33:10

Bumbulvuŋ a ɓi na: «Kum maɓam vur li hana, a tiri diŋ le hilgim, mizli malla ko ginewey anta ara ta, yo ar walahay Zudahay ati jiviɗ madiɗa ngir Zeruzalemey mindiram daŋ daŋ, mizli anta, mizli ngi raˀahay ati ginewey anta tuwa na, a sa cinam ma na,