LEVIHEY 26:16 - Bible en langue guiziga

¹⁶ yawwa! gwat ya masa gukum di ani: I sa slino ti gwat ngi gukum zluwun, i jiji makiɗ vu kutum ta waɗ gamba mihimaˀ, matikaka gidaŋ ngi hiri, yo mazizaka siifa ngi mburo zayãˀ zayãˀ. Ki sa zligaka guva kumoyo, amma gar ngataraŋ, asi masa zumaka gwat ngi migam kumoy i mesene kumoy.

LEVIHEY 26:16 ပူးပေါင်းရင်းမြစ်များ

BUYOY MUDUMBUŊ NAŊ 8:37

Da may misa gi le asi ruwuyo malla da jiji mozorbono misa gi le, da gwat ngir guvahay ara muˀulom malla ara zãˀãm daˀ arleˀe, da yuk ati jaray a bo le hindiˀille, ara sawa, da Israyeleye, mesene taŋhay ara guzuvuraka taŋ, sesẽŋ angi walahay taŋ migidaŋhay, da mendere malla jiji doflo wanaka gar misa gi le,

Ɗerewol JOP 18:11

Zluwun ara gaŋ ti gwatay ti ka ti ka gar, zluwun a ro ɓaˀ asi sara.

Ɗerewol JOP 20:25

A muɗa luvut mabo gor njoŋ ti duba tuwa, naŋ mumuɗo di le muroh tir mevele si na, zluwun ti muc a siritaŋ sirit.

Ɗerewol JOP 31:8

naɓa gwat ya mazliga na, anja i mbur mekelem mazuma, yo gwat mapuso ar guva ɗu na, anja mizli a muɗaka taŋ avra!

DIMISEY 109:6

Dar a ɓam vur ya: «Zuɓukum mbur ɓa a gilaŋ ɓi, anja mbur misi moˀore deŋ tir vay hazum naŋ.

DIMISEY 78:33

Dar Buymisemuŋ a kiɗa mi ngi hin ngi siifa taŋ kutum ka himiɗ macuhu, yo a kiɗa mi ngi zik taŋ ar duniya ti ɓi ngi muɗa didak gurjik gurjikey lambaˀ.

BI NGI ISRAYELEY 15:26

A ɓa taŋ: «Da ki ra cinikiy mi kuy kuy da ya Bumbulvuŋ Buymisemuŋ kumo, da ki ra gam gwat mijeŋŋe a mbuŋ ɗu, da ki ra cinaka ɓimuɗuva ɗu, da ki ra sipaka ɓimujuwa ɗuwoyo gar na, bonoy ya miga taŋ da Eziptehey na, y'anta sa gukum di ko pal asi taŋ ta. Asi, yi Bumbulvuŋ mambulukum avu jijihey.»

MIKUCUWULOY 3:33

Bumbulvuŋ a nisa hay ngi mizli misi moˀoreheye, amma a ɗuwula mi da hay ngi mizli mijeŋŋeheye.

EZAYI 10:4

Mindir sey ki hurukom duba a wuzla mizli dangayay, sey ki ndilam ɓaˀ ɓaˀ a wuzla mizli mumucahay. Amma, bam ti nah kwana, mevel ngi Buymisemuŋ a tisl t'aruŋ, a ro haŋ pak ng'ar kum aruŋ na si.

EZAYI 62:8

Bumbulvuŋ a hudum ani: «Kaɓa ya hana misi gidaŋ haɗa na, y'anta sa vula alkamari ɗike, ɓa mesene ɗikey a zumaka mata ndiɗaˀ wãˀ, mbaazla ɗik, ka migir vurˀe na, ziri ngi mulakay anta sa saka mata ndiɗaˀ wãˀ.

EZAYI 7:2

A ɓaka ɓi nah le zleˀe da Ahas dideˀ ngi Davit, waɗ da mizli ngi hay naŋhaya, a ɓaka taŋ: «Mizli Sirihey a roko ndah ndah a Efrayim.» Dar buy ati mizli naŋhaya, didak a muɗa taŋ, a wusam ẽc ẽc kaɓa himiɗ mawus widisey a ɓuh.

ZEREMI 12:13

Mizli ɗuwoy a zligam dawa, amma a gam sifi ngi hadaw, a giram kupuyah, amma ko gwat taŋ malumam neˀ anta. Pam mesem ti gwat ngi lum kum ngi sifi na so, asi Bumbulvuŋ a ji mevel le ka vu ar kumo.

ZEREMI 15:3

I sa ga taŋ gwatay ani mufaɗa, maslalam ngi kiɗ taŋ, kirihey ngi ɗiɗi taŋ kileŋ, ɗiyuw ngi ɓuhoy ati gwat misãmi ngi si ruwuyoy, ɓa ngi zuma taŋ, yo ngi humbuɗa taŋ humbaɗ humbaɗ leɗeɗ wãˀ. I ya Bumbulvuŋ maɓi.

ZEREMI 15:8

I ga le ɓa wudigahay a yam vu haɗi a hay taŋ, fineˀ muyuŋ a mizaw. Daˀ ti wuzla papasa si na, i so ti mingizla vu, ng'ar mumuŋ ngi gawla migi vurumo, gurjik si na, i ya zluwun da mumuŋ ngi gawla ati muɗa didak mukuyta wãˀ a mevele.

ZEREMI 20:4

Asi mike na, Bumbulvuŋ a ɓi: ‹Zle wurenna, i sa guw zluwun, da ka vuna ati ngama ɗikey gar. Taŋ, mesene taŋhay a sa kiɗaka taŋ ti maslalam, i ka masa ga sedewo taŋ. I sa vula mizli Zudahaya asi haŋ ngi buy madiɗa ngi Babiloŋ ɓa a wa taŋ, a sa jaka taŋ nga Babiloŋ, a sa ngizla taŋ ti maslalam.

ZEREMI 5:17

A sa zumaka gwat ngi migam kumoy ati ɗaf kumoyo ziri kum mizilehey ati mongosohoyo, tumuŋhoy ati ˀaway waɗ sla kumoyo, gudubun ati uruf kumoyo. Walahay mugunohoy le ti mohol, kum mapuraka kaɓa ki roko zuy zuy ar taŋ na, vurum a sa waha taŋ kiɓac kiɓac.

EZEKIYEL 24:23

Ki sa ndiram, hirngahaya tuwaɗ tuwaɗ ti loppol, yo mipiya piya kulaˀ kulaˀ a sar, kum anta sa gam vagay ta, yo kum anta sa kuɗumam tuwuy ta, amma kisa zãˀãm ar malambaˀ kumoyo, yo mbur gar a sa gidigil ti niˀic vur sukum naŋ.

EZEKIYEL 33:10

«Naka so na, mburu, ɓa Israyeleye, asi taŋ a ɓam na:

AMOS 5:11

Na zle, ki ra guduburaka mbur misi murga, ki ra tiɓam cah avu gwat ngi migam naŋ. Vurˀe, hayay kum mindiraka taŋ ti ɗugur miciɗahay na, kum anta sa cifam ar taŋ ta, gudubun mimezlehey kum mihirvaka taŋ na, kum anta sa sam mbaazla naŋ ta.

MISE 6:15

Ki sa zligam gwata, amma kum anta sa gaka sifi naŋ ta. Ki sa ɗucom mal ngi tutumburo, amma kum anta sa gam slra ti mala ta. Ki sa ɗucom yi ngi gudubuno, amma kum anta sa sam mbaazla nah ta.

Ɗerewol AZE 1:6

Ki zligam gwat le haɗa, amma ki gam sifi ngi gwata keɗece, ki ra zumam, amma kum anta mbam ta, ki ra sam, amma anta pusukukum vu pusak ta, ki ra kam zana, amma anta gukum gippe ta, yo migir ngi mbur migi slra, a pi zuk kaɓa tir gabal misi mifiliw.

ZAKARI 14:12

Mizli gar masa soko gi vurum ti Zeruzalem na, jiji naŋ masa ngizla taŋ ti naŋ na anihĩ: ar taŋ muroko deŋ ti sar taŋ tekeɗe kwana, useˀ ngi vu taŋ a sa zĩˀĩ, hiri taŋhay a sa zãˀãm daˀ ar mododok hiri taŋhaya, yo irne taŋhay a sa zãˀãm a balama.

MALASI 2:3

Y'ani i guduk guduk ti dideˀ kumoyo. I sa kupukum zay ngi gwatay avu hiri, i zay ngi ginewey, kum magam taŋ mikuli tapas muguzlum kumoy na. Joˀ a sa slurukum slar slar jom ati zay ngi gwatay vuna ng'avra.

Slu cuw 28:51

A sa tiɓaka ginew kumoy ati gwat ngi migam kumoyo, joˀ kumo, kisa micam ti may. Daw kumoy, mbaazla, mal, ko ziri slahay, ziri tumuŋhoy, ziri ˀaway kwana, anta sa pulukum neˀ ta, kisa ngizlam pay wãˀ.

Slu cuw 32:25

Ti vra na, a sa ngizlaka mizli ti maslalam, a haya, mizli a sa micam ti muɗa didak. Muc a sa kiɗa mizli gar, gawlahay ati diilihey, ziri ngi dubahay ati midigilahay ceke.

HEBEREY 10:31

Diɗ asi haŋ ngi Buymisemuŋ misi ti siifa na, kay a gi zluwun mukuy ta wãˀ.

MIGI KIITAHAY 6:11

Modro ngi Bumbulvuŋ, aru ng'ar walahay Ofra, ara cifi asi widis ka miter ngi mbur mazilaka Yoak, muy ngi Abiyezer, naɓa mangal naŋ Zedeyoŋ ara ɗuk daw alkamari ar gwat ngi ɗuco yi ngi gudubun, ɓa a ɗum di avu Madiyanaya.

SAMUYEL MUDUMBUŊ NAŊ 2:33

Amma a wuzla dideˀ ɗikeye, yi sa pul mbur pal asi taŋ, ɓa a ndir gweˀ avu li gi mikuli ɗu, ɓa hiri ɗik a sa gir ti tuwuy, yo kisa lik haɗa. Amma dideˀ ngi hay ɗikey, a sa micam ar gawla taŋ kine aruŋ.