LEVIHEY 26:13 - Bible en langue guiziga

¹³ I ya Bumbulvuŋ, Buymisemuŋ kumo mubo ti kum ti ruwuy Ezipte, ɓa ki gam beke taŋ mata. Mingila galalaŋ ngisi ay kumoyo, yo mubo ti kum hirnga paɗ a muŋ na, i yaha.

LEVIHEY 26:13 ပူးပေါင်းရင်းမြစ်များ

EZEKIYEL 34:27

Widis ngi ɓuh a sa yi, yo hirwuy a sa gi gwat. Mizli ɗuwoy a sa ndiram setette ar li taŋhaya. Ti ya misa ngila galalaŋ ngi si ˀay taŋ na le avra, yo ya misa laha taŋ le tisi haŋ ngi mizli mitiram taŋ beke na, a sa sinaka, yi Bumbulvuŋ.

DIMISEY 116:16

Aw Bumbulvuŋ ɗu, ani yi gawla ɗiki, haˀaw, yi gawla ɗik, mangal ngi ngwas migi slra ɗiki. Ka, ki pusuko ya le.

LEVIHEY 25:38

I ya Bumbulvuŋ, Buymisemuŋ kumo mubo ti kum tir hirwuy Ezipte, ɓa yi vulukum hirwuy Kanaˀan da kum, yo ɓa yi tiri Buymisemuŋ kum.

BI NGI ISRAYELEY 20:2

I ya Bumbulvuŋ Buymisemuŋ ɗik, mubo ti ka tir beke a hirwuy Ezipte.

ZEREMI 2:20

Diga zlezle na, ki ra ngilaka galalaŋ mukukum di gindiɗ asi ˀay na, ki ra mburucaka zeweɗey mujuwukum ti taŋ na, joˀ ki ɓam na: «Ndr'anta wuɗam gi beke mata.» Amma ar li miɗingir ɗingir madiɗahay gar, asi widis mutukuf tukufoy gar na, ki roko gbangbaŋ mirkendel kaɓa ngwas sulomehey.

LEVIHEY 25:55

«Haˀaw, Israyeley i gawla ɗuwoy! Taŋ i gawla ɗuwoy na, asi i ya mubo ti taŋ ti ngi ruwuy Ezipte! I ya Bumbulvuŋ, Buymisemuŋ kum.

EZAYI 51:23

I sa vula asi haŋ ngi mizli magukuw bonoy na, i mizli maɓukuw zleˀe: ‹Hin murkwacay, ɓa i cohom tir ka› tuwa. Ka, ki hina duba ɗike ar deɗe ngi li cuh, ar deɗe ngi jiviɗ ngi cuh ngi mizli.»

LEVIHEY 25:42

Asi mike na, mizli, ya mubo ti taŋ ti ruwuy Ezipte na, i gawla ɗuwoy. Vurˀe, anta hiɗikaka taŋ avra kaɓa mahiɗikam bekehey avra na ta.

BI NGI ISRAYELEY 6:7

I sa tiri ti kum mizli ɗuwoy yo i sa tiri Buymisemuŋ kum. Ki sa sinaka Buymisemuŋ kumo, i ya Bumbulvuŋ: buy mibi ti kum tir slra mitakˀay ngi hirwuy Ezipte.

EZEKIYEL 30:18

Tapas ya masa ngila galalaŋ Ezipte maka asi ˀay ngi mizli, yo ya masa kiɗa mi ngi huhumo vu naŋ na, a Tapanese, ko i papas kwana a sa tiri avu taŋ i duvuɗu. Gazlavay a sa sirta hirwuy Tapanese sirit, a sa jaka ziri mongoso naŋhaya nga ruwuy mulak.

Ɗerewol OZE 11:4

I ra ɗiɗa taŋ ti mezle, kaɓa ji ngama ngi mbur titiraŋ, mujumo ndra ati taŋ i wuɗa vu. I gi ti taŋ, kaɓa mazuɓam zuŋ gaza gumbaˀ a didak, i vulaŋ gwat ngi zumo.

BI NGI ISRAYELEY 14:8

Bumbulvuŋ a ga ɓa hirnga ngi buy Ezipte a tiri gidaŋ, dar a sipa Israyeleye. Ti Israyeley mabam na, a waka zleˀe kaɓa a pulam vu le.

EZAYI 9:3

Asi galalaŋ migindiɗ ar taŋ ati ganday ng'ir pepesl taŋ, waɗ tokom ngi buy ngi slra mitakˀay le, makiɗa taŋ ti naŋ na, ki ngila taŋ le avra kaɓa ar hin ka miba hirnga da Madiyanay na.

ZEREMI 28:2

«Bumbulvuŋ misi gidaŋ wãˀ, Buymisemuŋ ngi Israyele, a ɓi na: ‹I wuɗ i ngila galalaŋ ngi buy madiɗa ngi Babiloŋ.

ZEREMI 28:4

Naŋ kine ma, Yekoniya, mangal ngi Zoˀakim, buy Zuda ati mizli Zudahay gar mija taŋ nga Babiloŋ na, i sa mo taŋ a muŋ, asi i ra ngila galalaŋ ngi buy madiɗa ngi Babiloŋ muduba. I ya Bumbulvuŋ maɓi»

NAHUM 1:13

Wurenna, i ra ngila galalaŋ naŋ mihirisl ar kum vuna, yo i ra pusukukum celelu kumoy avra.»