LEVIHEY 26:12 - Bible en langue guiziga

¹² I sa ru ɓaˀ a wuzla kumo, yi sa tiri Buymisemuŋ kum, yo kumo kwana, kisa tiram mizli ɗuwoy.

LEVIHEY 26:12 ပူးပေါင်းရင်းမြစ်များ

ZLI VIRZI 17:7

I sa ndir ti jumoˀay ɗu misi ati ka na, yo a dirba ɗike, i sa jumˀay ati dideˀ ɗikeye, hã avu dideˀ mukutur ti kutur, mukutur ti kutur hã ngi sete, ɓa i sa tiri Buymisemuŋ ɗik ati ngi dideˀ ɗikey a dirba ɗike.

ZLI VIRZI 17:8

Hirwuy mulak ka misi anga wurenna na, i sa vuluw di, a ndir da ka ati dideˀ ɗikey a dirba ɗike. Hirwuy Kanaˀan gar a sa ndir da taŋ ngi set, joˀ yi sa tiri Buymisemuŋ taŋ.»

ZLI VIRZI 3:8

Ngi pastaˀ, li zuyyo na, a cinaka ˀay ngi Bumbulvuŋ Buymisemuŋ maliˀi ar guva. Zil ati ngwas a ɗumom di a wuzla widis ngir guvahay tuwa.

ZLI VIRZI 5:22

A dirba naŋ miya Matusalem na, Henok a cifi le ti jumoˀay wãˀ ati Buymisemuŋ, vi skat skat makir, yo a yi ziri mizile ati mongoso mekelemey le ma.

ZLI VIRZI 5:24

Henok a cifi kuy kuy a mbuŋ Buymisemuŋ, a dirba nah, naŋ anta mata, asi Buymisemuŋ a zuɓa le.

ZLI VIRZI 6:9

Mizli ngi hay Noweheye t'ani: Nowe i mbur mijeŋŋe, a wuzla mizli misi ti di nah na, naŋ kaslsla a mbuŋ Buymisemuŋ. A sipa jiviɗ ngi Buymisemuŋ le kuy kuy.

SAMUYEL MUCUW NAŊ 7:7

Yi kisa Israyeleye le ko amaka gar. Yo yi cica sukwi ngi Israyeleye, ɓa a jiginaka Israyel, mizli ɗuwoyo. Ti hin nah gar na, ɓa yi ɓi sukwi purla asi taŋ: Ki ɗiyikiy hay ti dumo ta vur mike na, ko yi ɓi ta.›

DIMISEY 50:7

Mizli ɗuwoy cinam, yi wuɗo ɓukum ani, Israyel, i wuɗ i mbuɗuw hirnga: «Buymisemuŋ i ya, Buymisemuŋ ɗiki.»

BI NGI ISRAYELEY 29:45

I sa ndir a wuzla Israyeleye, i sa tiri Buymisemuŋ taŋ.

BI NGI ISRAYELEY 29:46

A sa sinaka, yi Bumbulvuŋ, Buymisemuŋ taŋ mubo ti taŋ ti hirwuy Ezipte, ɓa i ndir a wuzla taŋ. «I ya Bumbulvuŋ Buymisemuŋ taŋ.»

BI NGI ISRAYELEY 3:6

Buymisemuŋ a ɓaŋ: «Yi Buymisemuŋ ngi dideˀ ɗikey, Abraham, Izak, waɗ Zakop.» Moyis a sirta hiri sirit, asi a zluwun ti Buymisemuŋ.

BI NGI ISRAYELEY 6:7

I sa tiri ti kum mizli ɗuwoy yo i sa tiri Buymisemuŋ kum. Ki sa sinaka Buymisemuŋ kumo, i ya Bumbulvuŋ: buy mibi ti kum tir slra mitakˀay ngi hirwuy Ezipte.

EZAYI 12:2

Buymisemuŋ Milih ndra n'ani, i vulakaŋ mevel ndra le, yo ndr'anta zluwunam mata. Haˀaw, gidaŋ ndra ati dimis ndra, i ka Bumbulvuŋ! I ka milih ndra.»

EZAYI 41:10

Ki zluwunam ta, asi y'ada avu kum, ki puram a ciki kumo ti zluwun ta, asi yi Buymisemuŋ kum. Yi tiri ti kum gboŋgboŋ, naŋ kanah, i ra jiniˀis asi kum. Gisiŋ, i ra jiniˀis asi kumo ti gidaŋ ɗu ngi luuma bugawla na.

ZEREMI 11:4

I ɓi ya miɓa ɗaˀ le da dideˀ kumoy, ti di ya mabo taŋ ti ruwuy Ezipte, li ngi bonoy tuwa. I ɓa taŋ na: Cinaka mingiɓi ɗu, yo ɓi ya mawuɗ na, gam di slra, ɓa kisa tiram mizli ɗuwoy, ya kwana, i sa tiri Buymisemuŋ kum.

ZEREMI 30:22

Ki sa tiram mizli ɗuwoy, ya kwana, i sa tiri Buymisemuŋ kum.

ZEREMI 31:33

A dirba hin nah na, jumoˀay, ya masa jumo ati Israyeley ani: I sa ca ɓimujuwa ɗu a mevel taŋ, i sa toho ar membezleŋ ngi vu taŋ, i sa ndir yi Buymisemuŋ taŋ, yo taŋ kwana, a sa ndiram i mizli ɗuwoy. I ya Bumbulvuŋ maɓi.

ZEREMI 32:38

A sa ndiram i mizli ɗuwoy, ya kwana, i sa ndir yi Buymisemuŋ taŋ.

ZEREMI 7:23

Gwat ya mucufuɗ avu t'ani tewle: «Cinikiy mingiɓi ɗu, ɓa i sa tiri Buymisemuŋ kum, kumo kwana, kisa tiram mizli ɗuwoy, sipaka jiviɗ ɗu kasl kasl, ɓa kisa mumulom.»

EZEKIYEL 11:20

Kanah na, ɓa ki sipam jiviɗe, kaɓa ɓimujuwa ɗu mawuɗo, ɓa ki jaka sirik ɗuwoy a hirnga waɗ ɓa ki gam taŋ slra. Ki sa tiram mizli ɗuwoy, yo yi sa tiri Buymisemuŋ kum.

EZEKIYEL 36:38

Naŋ kine, walahay a sa nih ti mizli heɓe heɓe kaɓa ginew mitaˀ gezleŋ, rak rak kaɓa ginew ar hay nga ya Bumbulvuŋ, ginew maram taŋ nga Zeruzalem tapas muguzlum. Dar mizli a sa sinaka muduba, yi Bumbulvuŋ.»

ZOWEL 2:27

Ki sa sinaka na, ya, y'ada a wuzla Israyel, mizli ɗuwoyo, yo yi Bumbulvuŋ, Buymisemuŋ kum, mekelem anta. mizli ɗuwoy anta pam mesem mata ndiɗaˀ wãˀ.»

ZAKARI 13:9

Ziri mindiram ngac li taˀ purla tuwa na, i sa pura taŋ ar vu. Kaɓa mapam ɓiri bara malla ɓiri tapasl tapasl ti vu na, i sa pa taŋ kanah ya. Dar taŋ a sa zilaka slimiɗ ɗu, yo ya i sa cine taŋ di. I sa ɓi vur taŋ: «I mizli ɗuwoy», yo taŋ a sa ɓam vur ya: «Ya Buymisemuŋ taŋ, yi Bumbulvuŋ.»

SLUFA VU 5:3

Ko ziley, ko ngwasay, ɓulaka taŋ tir walahaya guɗuko avra. Walahay guɗuk ngi Israyeley, ya misi anga na, anja a hiryaka ta.

Matiye 22:32

«Yi Buymisemuŋ ngi Abraham, Buymisemuŋ ngi Izak, Buymisemuŋ ngi Zakop.» I Buymisemuŋ ngi mizli mumucahay ta, amma i Buymisemuŋ ngi mizli misi ti siifahay.»

KORENTIHEY MUCUW NAŊ 6:16

Hay ngi Buymisemuŋ ati kuliheye, a jumom arleˀe mbri mbrike? Asi ndra, ndr'i hay ngi Bumbulvuŋ misi ti siifa, kaɓa Buymisemuŋ vuna miɓi: «I sa cifi ti hay ɗu a wuzla taŋ, yo i sa liˀi a wuzla taŋ. I sa tiri Buymisemuŋ taŋ, yo taŋ a sa tiram mizli ɗuwoy.»

Slu cuw 23:14

Soje gar na, a wuɗ gwat ngi li li ɓaˀ le a wuzla gwat naŋhaya, da naŋ misa buˀ le baˀ na, a sa la li ngi taha zaya ti naŋ, a dika ti naŋ.

Slu cuw 23:15

Walahay kumo, i walahay mipal, asi Bumbulvuŋ Buymisemuŋ kumo ara liˀi ara, ɓa ara jiginukum, yo ɓa a vulukum bugawla a hirnga mesene kumoy. Naŋ kine, da a pur li munjukusloɓ le na, anta sa cifi avu kumo mata.

HEBEREY 11:16

Amma taŋ, a hĩyãm di i hirwuy mimezle da taŋ wãˀ, mbiɗeˀvra: li ngi muŋ. Vurˀe, mesem anta ga Buymisemuŋ asi taŋ mazilakaŋ i Buymisemuŋ taŋ na ta, asi mike na, a ɗiya taŋ walahay madiɗa le.

ƁIMUNJUYO 2:1

«Toho da modro ngi cikil ngi misikristu ngi Efezeye na: Mbur misi ti wurzlaŋhay tarnaˀ a hur haŋ hazum, yo maliˀi a wuzla li ɗuva lampehey tarnaˀ mipa taŋ ti ɓiri tapasl tapasla, a ɓi na:

ƁIMUNJUYO 21:7

Bugawla gar na, gwat ya masa vulaŋ di, i nah. Yo i sa tiri Buymisemuŋ naŋ, naŋ kwana, a sa tiri mangal ɗu.