LEVIHEY 26:11 - Bible en langue guiziga

¹¹ I sa ɗuva hay ɗu a wuzla kumo, yo y'anta sa mbuɗokum duba ta.

LEVIHEY 26:11 ပူးပေါင်းရင်းမြစ်များ

SAMUYEL MUCUW NAŊ 7:7

Yi kisa Israyeleye le ko amaka gar. Yo yi cica sukwi ngi Israyeleye, ɓa a jiginaka Israyel, mizli ɗuwoyo. Ti hin nah gar na, ɓa yi ɓi sukwi purla asi taŋ: Ki ɗiyikiy hay ti dumo ta vur mike na, ko yi ɓi ta.›

BUYOY MUDUMBUŊ NAŊ 6:13

I sa cifi ar hay misenna a wuzla Israyeleye, yo Israyel mizli ɗuwoyo y'anta sa pula taŋ fuk lambaˀ ta wãˀ.»

BUYOY MUDUMBUŊ NAŊ 8:13

Amma ya, i ndiruw hay ngi buy le, hay misi zliv kisa cifi anga hã ngi sete.»

BUYOY MUDUMBUŊ NAŊ 8:27

Ani na, Bumbulvuŋ vuna a cifi a ruwuyo gisiŋ sukwani? Birngiŋ, ko ti naŋ mihaɗa gar na kwana, a ndila ngi cifi ti naŋ ta na si. Sokkota Hay ya mindira hana jak kwa.

DIMISEY 106:40

Vurˀe, Bumbulvuŋ a slikiɗ himaˀ fõh fõh angi taŋ mizli naŋhaya, a gaŋ ɗuva hiri angi taŋ mata wãˀa.

DIMISEY 76:2

Buymisemuŋ a biga vu naŋ le angi hirwuy Zuda, slimiɗ naŋ ara zil haɗi asi ruwuy Israyele.

DIMISEY 78:59

Buymisemuŋ mupura keɗ keɗ na, a ji mevel, a pula sukwi Israyele mbak wãˀ avra.

BI NGI ISRAYELEY 25:8

Israyeley a sa ɗiyikiy hay da ya Bumbulvuŋ, ɓa yi ndir a wuzla taŋ.

BI NGI ISRAYELEY 29:45

I sa ndir a wuzla Israyeleye, i sa tiri Buymisemuŋ taŋ.

BI NGI ISRAYELEY 29:46

A sa sinaka, yi Bumbulvuŋ, Buymisemuŋ taŋ mubo ti taŋ ti hirwuy Ezipte, ɓa i ndir a wuzla taŋ. «I ya Bumbulvuŋ Buymisemuŋ taŋ.»

ZEREMI 14:21

Ki hiris vu ta, ɓa ngi ɗuva hirnga da slimiɗ ɗike, janga misi dudok ngi ka buyo, ki pura hiris le ta! Jumoˀay ɗik ati ndra na, wulka keŋ.

TUWUY 2:7

Bumbulvuŋ a hiziga li gi mikuli naŋ le avra, a pura li naŋ mipala kuyta wãˀ, dalam ngi hay mimezle ngir walahay Siyoŋ, a vula taŋ asi haŋ ngi mesene taŋhay. A wudam ar hay ngi Bumbulvuŋ, kaɓa mawudam ti hin ngi muguzlum.

ZOWEL 2:27

Ki sa sinaka na, ya, y'ada a wuzla Israyel, mizli ɗuwoyo, yo yi Bumbulvuŋ, Buymisemuŋ kum, mekelem anta. mizli ɗuwoy anta pam mesem mata ndiɗaˀ wãˀ.»

LEVIHEY 20:23

Sukwi, ya masa ra ɓula t'ani a mbuŋ kum na, ɓimujuwa taŋhaya, ki sipaka taŋ ta. Ya mupura taŋ kuyta wãˀ na, asi taŋ migaka slra tayna gar na.

LEVIHEY 26:15

ɓimujuwa ɗuwoyo, da ki ra hizigaka taŋ avra, yo sirik ɗuwoyo, ki ra mbiɗaka taŋ duba, hã ki ngilaka ɓi ngi jumoˀay ɗu ati kumo, ɓa ki gam slra ti ɓimuɗuva ɗuwoyo mata na,

LEVIHEY 26:43

Ti taŋ masa pulaka hirwuyo njoŋ pal naŋ na, hirwuy a sa ga sabat naŋhaya muduba so. Ar nah na, a sa ɓusaka kuti taŋ ti bonoyo, asi taŋ mihizigaka sirik ɗuwoy avra, yo asi taŋ mimbiɗaka duba da ɓimujuwa ɗuwoy na.

LEVIHEY 26:44

Dambalaka, ko ti taŋ misi angi hirwuy ngi mesene taŋhay na tekeɗe kwana, y'anta sa zliɗa taŋ avra ngi wãˀ ta, y'anta sa mbiɗa taŋ duba, hã ngi ngizla taŋ kuɗup ta, yo yi sa ngila ɓi ngi jumoˀay ɗu ati taŋ na ta ma, asi Bumbulvuŋ, Buymisemuŋ taŋ i ya.

ZAKARI 11:8

Akẽh na, i susuymo mijigin mimakireye ar kiya purla. A dirba nah, i ɓusa ɓi taŋ mata, yo taŋ kwana, t'anta purikiy kuy avu hiri mata ya.

EFESEY 2:22

Ar kum mujom ati naŋ na, kumo kwana, kum jom ati mizli mekelemeye, kum i ɗugur ngi ndira hay, ɓa ki tiram hay ngi Buymisemuŋ masa cifi ara tisi ˀUf naŋ.

Slu cuw 32:19

Bumbulvuŋ a pura keɗ keɗ na, ziri naŋ mizilehey ati mongosohoy ara singiram ara, a zla a hirsa taŋ.

ZOZUWE 22:19

Da kaɓa ki puraka le, hiryi ada asi hirwuy kumo na, hirwuy ngi Bumbulvuŋ misi hay naŋ anga na, moko burok ng'ara a muŋ sini. Wuɗam li ɓa ki pam a wuzla ndra vuna si. Kum mindiram li gi mikuli mekelem a ciki ngi Bumbulvuŋ, Buymisemuŋ ndra na, ki slikiɗam di i ɓi ti slikiɗ avu Bumbulvuŋ waɗ avu ndra.

ZOZUWE 22:31

Pinas, mangal ngi masay Elazar, a ɓa taŋ: «Dana, i sinaka le, Bumbulvuŋ naŋ da a wuzla ndra, gi teŋteŋ ta nah na, ki gaka a mbuŋ Bumbulvuŋ ta. Gwat kum migaka na, i ngi laha Israyeley ti gidaŋ ngi Bumbulvuŋ jaka.»

ƁIMUNJUYO 21:3

Waɗ i cin ˀay kaɓa ngi mbur paɗ tir janga ngi buyo, ara ɓi ti gidaŋ: «Puraka, hay ngi Buymisemuŋ n'ani, naŋ a wuzla mizli, a sa cifi ati taŋ. Taŋ a sa tiram mizli naŋhay, yo naŋ a sa tiri Buymisemuŋ misi ati taŋ.

ƁIMUNJUYO 7:15

Taŋ mideŋ deŋ a mbuŋ li cifi ngi Buymisemuŋ na vurˀe, yo a dilkam a mbuŋ naŋ duvuɗ ti papas gar angi hay naŋ. Buymisemuŋ muangi li cifi nga naŋ buy na, a sa jigina taŋ.