LEVIHEY 24:7 - Bible en langue guiziga

⁷ Angi jirngisl gar na, kisa pi urdi ngi zlum ti zlum mipal naŋ. A sa zlumaka ar deɗe ngi ɗaf ɓa ngi wuluk keŋ, i gwat ngi zum mizlam zlam wãˀ da ya Bumbulvuŋ.

LEVIHEY 24:7 ပူးပေါင်းရင်းမြစ်များ

ZLI VIRZI 9:16

I sa pura kwalay mogodonok masa bawa ar birngiŋ a muŋ, i sa wulka jumoˀay ɗu hã ngi set ati sukwi ngi gwat misi titirihey gar misi asi ruwuyo.»

BI NGI ISRAYELEY 12:14

Hin nah na, i hin ngi wuluk keŋ ara. Vur vi gar na, kisa gam muguzlum ngi hunumiy, ya Bumbulvuŋ. A sa gi avu kumo, i ɓimujuwa mambiɗi ta.»

BI NGI ISRAYELEY 13:9

Mezegwel hana a sa sukum ti lesl keŋ, yo i gwat mutoho avu hirbazla kum malla a midibiɗ kumo ma. Ɓimujuwa ngi Bumbulvuŋ, sey ki tilam di mi na, a sa so keŋ a hirnga, asi i naŋ mubo ti kum ti hirwuy Ezipte, mbele gidaŋ nga naŋ mihaɗi na.

BI NGI ISRAYELEY 17:14

Bumbulvuŋ a ɓa Moyise na: «Toho toh toh le vur kum mapuyukom hirnga, yo ɓa da Zozuwe ɓa a cinaŋ: Y'ani susuymo Amalekeye avra, ko mbur masa wuluk Amalekey ada zleˀe asi ruwuyo na, anta!»

BI NGI ISRAYELEY 28:12

Ki sa luwa ɗuguroy mucuw tuwa avu mi ngi jampa tuwa, a sa wulkaka sukwi Israyel mukuruˀ nga cuw na, ava. Naŋ kine, Aroŋ a sa luwa slimiɗ taŋhay a ciki, law ti ka law ti ka ar guɗuk nga ya Bumbulvuŋ, kanah na, y'anta sa puyuk hirnga ti kum ta.

EZAYI 43:23

Kum migaka mikuli mizlamzlam wãˀ ti ziri tumuŋhoy na, da ya ta, kum mihunumam kanah na, i ya ta. Ya muwuɗ ɓa ki vulikiy gwat ngi mikuli na kwana, i gi ti kum beke ta, yo ya muwuɗ ki wurikiy ˀurdi na, i girukum ti gir ta.

LEVIHEY 2:1

Da mbur a wuɗ le ɓa a so ti gwat ngi gi sedege da ya Bumbulvuŋ, i gwat ngi migam na, sey a hil hapa, a pi mal sekke angaŋ, waɗ mukuturɓuy ngi zlum ti zlum sek angaŋ,

LEVIHEY 2:2

ar di da masayay, ziri ngi Aroŋhoy. Hapa mipam mal ara tuwa na, masay a hil ngbal haŋ kuy kuy, waɗ mukuturɓuy ngi zlum ti zlumo paɗ wãˀa. Gwat ngi sedege nah na, a zilaka ‹wuluk keŋ›. Hana i sedege mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 2:9

Masay a wuɗ cah avu gwat ngi sedege mazilaka ‹wuluk keŋ› tuwa, a wura ar li gi mikuli. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

Ɓimezle ngi Yesu Kristu ZAŊ mitil di mi 6:35

Yesu a ɓa taŋ: «Yi ɗaf mavul siifa. Mbur maso ng'avi ya na, may anta sa jaŋ mata wãˀ. Mbur matiɓiy na, yam anta sa gaŋ mata ndiɗaˀ.

Ɓimezle ngi Yesu Kristu ZAŊ mitil di mi 6:51

«Yi ɗaf misi ti siifa maposar paɗ ti muŋ. Mbur masa zum ɗaf hana na, a sa ndir ti siifa hã ngi sete. Yo ɗaf ya masa vula vuna i meficek ngi vu ɗu, i vula ɓa mizli ngir duniya a ndiram ti siifa.

SLRA 10:31

Joˀ a ɓiy: ‹Korney, Buymisemuŋ a cine diradibiɗ ɗike le, yo a ro keŋŋe ti gimezle ɗik da misi murgahay na.

SLRA 10:4

Korney a ɗuva hiri taˀ angaŋ, zluwun ara gaŋ, a mbiɗaŋ di: «I mi migi ka Bumbulvuŋ? Modro ngi Bumbulvuŋ a ɓaŋ: «Diradibiɗ ɗik ati gimezle ɗik da misi murgahay na, Buymisemuŋ a tiɓa le.

EFESEY 1:6

Hunumukum Buymisemuŋ so, asi gimezle naŋ misi ɓi nah a ɓi ta, naŋ miga ndra di haɗa ar ndra mujom ati Mangal naŋ, naŋ mawuɗ haɗa na.

HEBEREY 7:25

Vurˀe, Yesu, mizli makiraham ng'avu Buymisemuŋ tiseˀe na, a ndila le ngi laha taŋ wãˀ ngi sete, asi naŋ da ti siifa ndrehhe ngi tumbulo Buymisemuŋ ar deɗe taŋ.