LEVIHEY 24:5 - Bible en langue guiziga

⁵ Ki sa wuɗ hapa, fukaɗ fukaɗ, kutom kutom kuruˀ nga cuw, waɗ tos tos taŋ ar vu. Hapa mufukaɗ fukaɗ waɗ tos tos ar vu gar na, purla a zuɓ hapa kilo merkeɗe.

LEVIHEY 24:5 ပူးပေါင်းရင်းမြစ်များ

BUYOY MUDUMBUŊ NAŊ 18:31

A hil ɗuguroy kuruˀ nga cuw, tiɗeˀe avu sukwi ngi ziri mizile ngi Zakopoyo. Sukwi tayna, Bumbulvuŋ a ɓa taŋ le zleˀe anihĩ: «A sa zulukuw Israyel.»

ƁI NGI HIN GAR MUDUMBUŊ NAŊ 23:29

A kam slimiɗ ar ɗaf muvula le da Buymisemuŋ, hapa mukuɗ kuɗ ngi vul da Buymisemuŋ, tambali manja ˀis a ra, maɗaf mutuso, maɗaf milahaɗaŋ, yo a kam slimiɗ ar gwat ngi wi dudok ngi gwatay ati jek ngi gwatay.

ƁI NGI HIN GAR MUDUMBUŊ NAŊ 9:32

Levi mekelemey cah, muy ngi Kehataya, slra taŋ i di makala ngi vul da Buymisemuŋ pas sabat gar.

ƁI NGI HINEY MUCUW NAŊ 13:11

A ra wuram gwat ngi mikuli mizlam zlam wãˀ da Bumbulvuŋ, vur miprik gar, vur pastaˀ gar. A ra wuram urdi mazĩˀĩ ndummo ma, ara pam ɗaf da Buymisemuŋ ar tabul manja dili, yo vur pastaˀ gar na, a jaka vu avu lampehey misi ar gwat ngi ɓiri tapasl tapasl ngi ɗuva lampeheye. Asi ndr'i gaka slra ngi Bumbulvuŋ Buymisemuŋ ndra, amma kumo, ki pulakaŋ le.

NEHEMI 10:33

Ngi ndra na, i juwam ɓi le, ɓa angi vi gar na, i vulam ɓiri bara maji gram mufaɗa ngi gi slra ar hay gi Bumbulvuŋ ndra.

NEHEMI 10:34

I gwat masa gi slra ngi sa luuma ɗaf ngi bigi da Bumbulvuŋ, ngi mikuli magaka mbak le ta, ngi mikuli ngi zlum ti zlum mimbak le ta ati ngi gi tapas sabat, ngi mikuli ngi kiya muslo le ati ngi muguzlumoy, ngi gwat muvulahay le da Bumbulvuŋ, ngi mikuli ngi zuɓa mungra ngi Israyeley avra, waɗ ngi slra ngi gihey wal wal gar ar hay ngi Buymisemuŋ ndra.

BI NGI ISRAYELEY 25:30

Peŋ hay le muvula da ya na, kisa pa taŋ ar tabul hana ndrehhe mbak le ta.»

BI NGI ISRAYELEY 39:36

Tabul ati gwat naŋhay gar waɗ ɗaf muvula le da Buymisemuŋ.

BI NGI ISRAYELEY 40:23

A ɗiyaka ɗaf muvula le da Bumbulvuŋ tuwa ɗiyeˀ ɗiyeˀ angaŋ, kaɓa Bumbulvuŋ miɓa ɗaˀ le zleˀe da Moyise.

BI NGI ISRAYELEY 40:4

A sa soko ti tabulo, a sa ɗiyaka ɗaf muvulahay le da ya, angi tabul vuna, a sa soko ti li ngi ɗuva lampe, a sa jaka vu avu taŋ.

SLUFA VU 4:7

A sa sirtam zana mekelem, migagaza wit wit, sirit ar tabul misi ɗaf muvulikiy di le da ya Buymisemuŋ na, yo taasa mipitikay pitikaya, ziri sikiɗey, kopoy, sikiɗ ngi pusla mbaazlahaya, a sa paka taŋ ara, waɗ ɗaf mindrehhe tuwa sek ar tabul nah vuna ma.

Matiye 12:4

A ci ng'ar hay ngi Bumbulvuŋ, a zumaka ɗaf muvula le da Buymisemuŋ ar hay naŋ. I gwat mitika le zleˀe, ɓa naŋ malla mizli misi ati naŋhay a zumaka ta, sey masayay mazumaka tewle ngbaŋ.

SLRA 26:7

Yo sukwi ndra mitaˀ taˀ kuru nga cuw na, ara njaham hiri ngi kutuko kiɗa mi naŋ, ara dilkam a mbuŋ Bumbulvuŋ ndrehhe duvuɗ ti papas gar, anta pulaka mbak le ta. Aw buy, Yudehey makupikiy ɓi na, asi ɓi madiɗa, ndra manjaham hiri aseˀe hana.

HEBEREY 9:2

Naŋ kine, guɗuk miɗiyaka zleˀe na, a zilaka guɗuk mudumbuŋ: «li mipal.» Misi a huroˀo: i li ɗuva lampehey, tabul waɗ ɗaf muvulahay le da Buymisemuŋ.

Ɗerewol ZAK 1:1

I ya Zak, gawla ngi Buymisemuŋ waɗ ngi Buy ndra Yesu Kristu. I ra jukum haŋ, da kum mizli ngi Buymisemuŋhoy mizliɗam hirnga pal pal asi ruwuy gar.

SAMUYEL MUDUMBUŊ NAŊ 21:6

Davit a mbiɗa da masay: «I mitika ndra le avu ngwasaya ar ɓi hana, kaɓa zleˀe, ya maru ng'ar vurum a ɓuh. Wãˀ naŋ ma na, da ya mira bi ng'ar vurum na, gwat ngi vurum ngi gawla ngisi yahaya i muvula taŋ le da Bumbulvuŋ. Yo ko da bo ɗu hana, i Bumbulvuŋ miɓiy ta tekeɗe kwana, kite a ɓiy le tisi gwat ngi vurumoy muvulahay le da Bumbulvuŋ na.»

SAMUYEL MUDUMBUŊ NAŊ 21:7

Masay a vulaŋ ɗaf muvulahay le da Buymisemuŋ tuwa so, asi ɗaf mekelemey anta, sey i ɗaf muvula le da Buymisemuŋ, ɓa a pam mida wureˀ ar li taŋ.