LEVIHEY 24:4 - Bible en langue guiziga

⁴ Gwat ngi ɗuva lampe miga ti ɓiri tapasl tapasl pal naŋ na, Aroŋ a sa ɗuva lampehey anga, ɓa a tiɓam vu a mbuŋ ɗu ngi caˀa.»

LEVIHEY 24:4 ပူးပေါင်းရင်းမြစ်များ

BUYOY MUDUMBUŊ NAŊ 7:49

gwat ngi ɗuva lampehey kuruˀu, muɗuva a mbuŋ li mihĩˀĩ ngi Bumbulvuŋ, zlum tir vay hazum waɗ zlum tir vay gula, taŋ cek ti ɓiri tapasl tapasl pal naŋ. Mufuyuk memeɗehey, lampehey waɗ megec memeɗe ngi gwat ngi ɗuva lampehey vuna cek ti ɓiri tapasl tapasl pal naŋ,

ƁI NGI HIN GAR MUDUMBUŊ NAŊ 28:15

Yo a waŋ dudok ngi li ɗuva lampe ati lampehey mipaka taŋ ti ɓiri tapasl tapasla, waɗ li ɗuva lampe ati lampehey mipaka taŋ ti ɓiri bara, vur slra taŋ vur slra taŋ.

ƁI NGI HINEY MUCUW NAŊ 29:7

hã a gicaka miviŋ ngi jawleeruhoyo giceˀ giceˀe, a mucaka vu ngi lampeheye, a pulaka wura urdi ati gi mikuli mizlam zlam wãˀ da Buymisemuŋ ngi Israyele.

BI NGI ISRAYELEY 31:8

tabul, li ɗuva lampe misi ti ɓiri tapasl tapasl pal naŋ ati gwat ngi slra naŋhay gar, li gi mikuli ti urdi,

BI NGI ISRAYELEY 39:37

Li ɗuva lampe miɗiya ti ɓiri tapasl tapasl pal naŋ waɗ lampe naŋhay, gwat ngi slra naŋhay waɗ mal naŋhay.

ZEREMI 52:19

Yo kisahay, gandaf ngi urdihey, sikiɗ ngi kuca lihey, misirgaɗay, li ɗuva lampehey, kop ngi yamay waɗ ziri taasa ngi gi mezegweley, miga taŋ cek ti ɓiri tapasl tapasl ati ɓiri bara na, madiɗa ngi mijigina buyoy a hila taŋ le ma.

LEVIHEY 24:3

Aroŋ a sa ɗuva gwat ngi ɗuva lampehey na taˀ angi guɗuk ngi zlir ti ya Buymisemuŋ, a mbuŋ zana minjar ngi ɗumo hiri ngi akoti ngi jumoˀay na. Lampe, naŋ da tiɓi vu a mbuŋ ɗu, zle ti pastaˀ hã ti mipriki. Hana i ɓimujuwa mambiɗi ta avu kumo ngi caˀa.

SLUFA VU 3:31

Mizli Kehataya, ɓi ngi akoti ngi jumoˀay, tabul, gwat ngi ɗuva lampehey, li gi mikulihey, gazlanga ngir guɗukoy magam taŋ slra ar li mipal, waɗ zana minjar njaray ati slra ngir guɗukoy gar na, majiginaka taŋ i taŋ.

SLUFA VU 4:9

A wuɗam gabaga gagaza wit wit ngi sirta gwat ngi ɗuva lampe ngi ciɗika li waɗ lampe naŋhaya, gwat ngi slrahay gar, megecey, macamayay, gungwa ngi hila fucuhoy waɗ gojogoɗ ngi mal ngi lampehey vuna.

SLUFA VU 8:2

«Ɓa Aroŋ na: da ka mira bula lampehey mitarnaˀ na, anja a ciɗkam ngir tumbuŋ li ɗuv taŋ.»

HEBEREY 9:2

Naŋ kine, guɗuk miɗiyaka zleˀe na, a zilaka guɗuk mudumbuŋ: «li mipal.» Misi a huroˀo: i li ɗuva lampehey, tabul waɗ ɗaf muvulahay le da Buymisemuŋ.

ƁIMUNJUYO 1:20

Wurzlaŋhay mitarnaˀ, ka mupura taŋ a hur haŋ hazum ɗu, yo li ɗuva lampehey mitarnaˀ mipa taŋ ti ɓiri tapasl tapasl na, ɓi muɗum ngi raˀa n'ani: Wurzlaŋhay mitarnaˀ na, i modro ngi cikil ngi misikristuhoy ar li taˀ taˀ tarnaˀ, yo li ɗuva lampehey mitarnaˀ na kwana, i cikil ngi misikristuhoy ar lihey taˀ taˀ tarnaˀ.

ƁIMUNJUYO 11:4

Migi sedewo tayna, i widis tutumburoy cuw, yo i li ɗuva lampehey cuw midedeŋ a mbuŋ Bumbulvuŋ miwa hirwuy.

ƁIMUNJUYO 2:5

Wuluk ɗagay, ka muzlo diɗ na zle a maka? Zil marava a mevel ɗike, yo ga slra ɗik misi zleˀe a muŋ. Da kanah ta na, i sa so lumuw, da ki zil marava ta na, i sa zuɓa lampe ɗike tir li naŋ avra.