LEVIHEY 24:2 - Bible en langue guiziga

² «Ɓa Israyeleye, ɓa a vulukuw mal ngi lampe i mal ngi tutumbur, mal mimezle naŋ, miɗelele, ɓa lampe, naŋ da ti vu avu taŋ jur jur, ko mbak le anta.

LEVIHEY 24:2 ပူးပေါင်းရင်းမြစ်များ

ƁI NGI HINEY MUCUW NAŊ 13:11

A ra wuram gwat ngi mikuli mizlam zlam wãˀ da Bumbulvuŋ, vur miprik gar, vur pastaˀ gar. A ra wuram urdi mazĩˀĩ ndummo ma, ara pam ɗaf da Buymisemuŋ ar tabul manja dili, yo vur pastaˀ gar na, a jaka vu avu lampehey misi ar gwat ngi ɓiri tapasl tapasl ngi ɗuva lampeheye. Asi ndr'i gaka slra ngi Bumbulvuŋ Buymisemuŋ ndra, amma kumo, ki pulakaŋ le.

DIMISEY 119:105

Mingiɓi ɗike, i daliivu a mbuŋ ɗu, i li minjahha ar jiviɗ ya maru.

DIMISEY 119:130

Mbur misla wala ngi ɓi ɗike le na, a lum li minjahha, mizli miteˀteˀhey na, ɓi ɗik a vula taŋ sli wala ngi ɓi.

BI NGI ISRAYELEY 39:37

Li ɗuva lampe miɗiya ti ɓiri tapasl tapasl pal naŋ waɗ lampe naŋhay, gwat ngi slra naŋhay waɗ mal naŋhay.

BI NGI ISRAYELEY 40:24

A ɗuvaka li ɗuva lampe taˀ ar guɗuk ngi zlir ti Buymisemuŋ, kini tir vay ruwuy, cir angi tabulo.

MIKUCUWULOY 6:23

Asi ɓi maɓukuw di ɗaˀ le na, naŋ ka lampe, yo ɓi madubunukuw di na, i li minjahha, mbur madubunuw gwat ti lesl mijileŋ na, a buguw di i jiviɗ ng'ar siifa.

EZAYI 11:2

ˀUf ngi Bumbulvuŋ a sa pi sar ar naŋ: i ˀUf mavul sinmijileŋ ati sli wala ngi gwat, i ˀUf ngi kuta vu waɗ ngi gi wirwir, i ˀUf ngi si na gwat waɗ ngi zluwun ti Bumbulvuŋ.

EZAYI 8:20

kisa mbiɗaka taŋ di: «Moko ng'ar dubun ati mingiɓi ngi Bumbulvuŋ.» Da a cinaka mingiɓi hana ta na, li anta sa wun ti taŋ ta.

LEVIHEY 24:1

Bumbulvuŋ a ɓa Moyise:

LEVIHEY 24:3

Aroŋ a sa ɗuva gwat ngi ɗuva lampehey na taˀ angi guɗuk ngi zlir ti ya Buymisemuŋ, a mbuŋ zana minjar ngi ɗumo hiri ngi akoti ngi jumoˀay na. Lampe, naŋ da tiɓi vu a mbuŋ ɗu, zle ti pastaˀ hã ti mipriki. Hana i ɓimujuwa mambiɗi ta avu kumo ngi caˀa.

Matiye 4:16

Mizli micifam ar luvuŋ na, a puram li minjahha le ciɗak ciɗaka. Mizli micifam ar li mitimbiɗim ngi mizli mumucahay na, li minjahha a go le ciɗak ciɗak ar taŋ.»

Matiye 5:16

Naŋ kine ya, anja li minjahha kum a pusluɗ a mihiri mizli, ɓa taŋ mapuraka mezle kum magaka na, a gaka dudok da Cine kum misi a muŋ.

Ɓimezle ngi Yesu Kristu LUK mitil di mi 1:79

A pusluɗa li da mizli misi ar luvuŋ, yo mazluwunam ti muco, ɓa aru ti ndra, i sipam jiviɗ muzuy.»

Ɓimezle ngi Yesu Kristu LUK mitil di mi 12:35

Ndiram ti zana ngi slra ɓaˀ ɓaˀ avu vu, yo lampe kumoyo, vu kaw kaw avu taŋ.

Ɓimezle ngi Yesu Kristu ZAŊ mitil di mi 1:4

Siifa a bo ti vaŋ, yo siifa i li minjahha ngi mizli.

Ɓimezle ngi Yesu Kristu ZAŊ mitil di mi 1:9

Mingiɓi i li minjahha migisiŋ gisiŋ. A so a ruwuyo, ɓa a ga li njahha da mbur gar.

Ɓimezle ngi Yesu Kristu ZAŊ mitil di mi 5:35

Zaŋ i lampe mija vu le ava, mapusluɗa li. Yo ki wuɗam le zleˀe haɗa ɓa ki zikam neˀ ti mumul ar li minjahha naŋ na.

Ɓimezle ngi Yesu Kristu ZAŊ mitil di mi 8:12

Akẽh na, Yesu a ɓa mizli tuwa ma: «Yi li minjahha ngi duniya. Mbur maru asi ya na, anta sa ru digi angi luvuŋ ta wãˀ, a sa lum li minjahha maru ti mbur ng'ar siifa.»

SLRA 26:18

ɓa ki wuna taŋ hiri, ɓa ki bo ti taŋ tir luvuŋ ng'ar li minjahha, tir gidaŋ ngi Satan ng'avu Buymisemuŋ, ɓa mungra taŋhay a puyam avra, yo ɓa a lumam li cifi a wuzla mizli Buymisemuŋ muwuna taŋ, mbele tiɓi taŋ na.›

KORENTIHEY MUCUW NAŊ 4:6

Asi Bumbulvuŋ miɓi zleˀe: «Anja li a pusluɗ njahha angi luvuŋ» na, mupusluɗ a mevel ndrahay njahha na, i naŋ vuna, ɓa i sinaka dudok naŋ mawucuɗ njahha a mihiri ngi Kristu.