LEVIHEY 20:9 - Bible en langue guiziga

⁹ Naŋ kanah, da mbur ara za cine malla mumuŋ na, a kiɗaka vagay. Pumbus naŋ a mbiɗi nga hirnga naŋ, asi naŋ miza miyi naŋhay na.

LEVIHEY 20:9 ပူးပေါင်းရင်းမြစ်များ

SAMUYEL MUCUW NAŊ 1:16

Davit a ɓa mbur Amalek tuwa: «Anja pumbus ɗik a mbiɗi nga hirnga ɗiki, asi ki ga kiita le da hirnga ɗik vuna tehhe a muŋ ti ka miɓi: ‹Buy Bumbulvuŋ muwunaŋ na, mi tikaŋ is wãˀ i ya.›»

BUYOY MUDUMBUŊ NAŊ 2:32

Naŋ kine, Abner, mangal ngi Ner, madiɗa ngi soje Israyeley waɗ Amasa, mangal ngi Yeter, madiɗa ngi soje ngi Zudahaya, i mizli mijeŋŋehey fineˀ naŋ. Naŋ mikiɗa taŋ vagay vagay ti maslalam, manja baha Davit a si nah na, anja Bumbulvuŋ a pa zayɓi ngi muc taŋ nga hirnga naŋ.

BI NGI ISRAYELEY 21:17

Mbur maza cine malla mumuŋ na, a sa kiɗaka vagay.»

MIKUCUWULOY 20:20

Mbur maza cine ati mumuŋ na, siifa naŋ a sa muc kaɓa lampe angi luvuŋ.

MIKUCUWULOY 30:11

Mizli ada manisaka cine taŋhaya, yo t'anta ɗuwulaka mi da mumuŋ taŋhaya ta ma!

MIKUCUWULOY 30:17

Mbur masingir ar cine, yo mangum cine mi da mumuŋ ta na, magagak ngir zlazlaray a sa nduzokoŋ hiri, joˀ kromoy a sa zumakaŋ.

EZEKIYEL 18:13

a vul duvus ngi yam, yo a wuɗ ɓa a lum fineˀ gidaŋ angi gwat naŋ. Naŋ na, a ndir ti siifa kwa! N'anta ndir ti siifa ta. Naŋ miga gwat mukuyta wãˀ tayna na, a mucu, pumbus naŋ a mbiɗi nga hirnga naŋ a muŋ.

EZEKIYEL 22:7

Asi hirwuy ɗike, mbur a hirsa cine ati mumuŋ, a guzuvuraka mbur moholoyo, a zumaka gwat ngi mutuhuhoy ati ngi wudigahaya.

LEVIHEY 20:16

Da ngwas a kirih le ng'avi gwat misãmi, ɓa gwat misãmi vuna a cufaŋ na, a kiɗaka ngwasa vagay, waɗ gwat misãmi vuna ya. Pumbus taŋ a mbiɗi nga hirnga taŋ.

LEVIHEY 20:27

Mbur mizile malla ngwasa, da a vula vu naŋ le ngi pi daˀas na, a kiɗaka vagay. A kuypaka ti ɗugur, pumbus naŋ a mbiɗi nga hirnga naŋ tehhe a muŋ.

Matiye 15:4

Buymisemuŋ a ɓi na: ‹Ɗuva hirnga da bunuk ati munuko›, waɗ ma na, ‹Mbur manisa cine malla mumuŋ na, sey a kiɗaka vagay.›

Matiye 27:25

Mizli gar a mbiɗakaŋ di: «Anja zayɓi ngi muc naŋ a mbiɗi nga hirnga ndra ati ziri ndrahay.»

Mark 7:10

Asi Moyis a ɓi na: ‹Ɗuva hirnga da bunuk ati munuk,› yo ma na: ‹Mbur maza cine ati mumuŋ naŋ na, sey a kiɗaka vagay.›

Slu cuw 27:16

«Mbur maɗuva hirnga da cine ati mumuŋ ta na, i minisa le.» Mizli gar a sa mbiɗaka: «Amin».

ZOZUWE 2:19

Da mbur ngi hay ɗik mutuwuɗa miviŋ le, ɓa a bo ng'avra, da a kiɗaka le vagay na, pumbus naŋ a sa mbiɗi nga hirnga naŋ a muŋ, amma ndra, ndra cimak ar ɓi nah. Amma mbur gar, kum mubummoˀ a haya, da a kiɗaka le vagay na, pumbus naŋ, a sa mbiɗi nga hirnga ndra.

MIGI KIITAHAY 9:24

Naŋ kine, taŋ mikiɗaka ziri ngi Abimelekey kukur tarnaˀ na, sey a wurkaka gar taŋ, yo anja pumbus taŋ a mbiɗi nga hirnga Abimelek sukum taŋ, mikiɗa taŋ vagay vagay na, waɗ nga hirnga mizli Sikemey, mipaka mi da Abimelek ngi kiɗa sukum naŋhay na.