LEVIHEY 20:7 - Bible en langue guiziga

⁷ Zuɓaka dili kumoy avra, ɓa ki ndiram pal, asi Bumbulvuŋ, Buymisemuŋ kumo i ya.

LEVIHEY 20:7 ပူးပေါင်းရင်းမြစ်များ

LEVIHEY 11:44

Asi Bumbulvuŋ, Buymisemuŋ kumo i ya. Gam gwat kaɓa mizli muvuku vu taŋ, asi ya, ya pal. Gwatay mikirnini ngisi ruwuy hana na, ki jaka haŋ avu taŋ ta, vur kum macam ar dili ti haŋ kumo.

LEVIHEY 11:45

Asi mubo ti kum ti ruwuy Ezipte i ya Bumbulvuŋ, ɓa yi tiri Buymisemuŋ kum. Sey so na, ndiram kum pal, asi ya, ya pal.»

LEVIHEY 19:2

«Tila mi da Israyeleye gar, ɓa t'ani: Ndiram pal, asi ya, Bumbulvuŋ Buymisemuŋ kumo, ya pal.

LEVIHEY 21:15

vur naŋ maco ti sukwi mekelem nga wuzla muy naŋhaya, asi matiri di ɓa naŋ pal na, i ya Bumbulvuŋ.»

LEVIHEY 21:23

Amma a ndil hã sesẽŋ avu zana minjar ngi tika hiri na ta, yo a ndil ng'avi li gi mikuli ta ma, vur naŋ, mbur misi ble tuwa na, naɓa a sa tiri ti hay ɗu ati gwat ngi huroˀohoyo gar, kaɓa i gwat muho lambaˀ, asi maga ɓa taŋ pal na, i ya Bumbulvuŋ.»

LEVIHEY 21:8

Mbur Israyel gar na, sey a pura masaya, naŋ pal, asi i naŋ mavula ɗaf da ya Buymisemuŋ naŋ. Anja naŋ a ndir i mbur mipal avu ka, asi ya Bumbulvuŋ matiri ti kum pal na, ya pal.

EFESEY 1:4

Ar ndra mujom ati Kristu na, Buymisemuŋ a wina ndra le dumbuŋ angi naŋ miga duniya, ɓa i ndiram a mihiri naŋ, ndra pal, manja ɓi malambaˀ avu ndra. A wuɗ ndra le.

KOLOSOY 3:12

Ani, kum i mizli Buymisemuŋ wuwunukum le, kum pal, ara wuɗukum. Vurˀe, sey ki puram ˀircece haɗa, ki gam mezle, ki hinam hirnga, ki ndiram teˀteˀe, ki ɓusam ɓi.

TESALONIKEY MUDUMBUŊ NAŊ 4:3

Gwat Bumbulvuŋ mawuɗo anihĩ: Ndiram pal, kiraham kileŋ avu ɓi ngi madama.

TESALONIKEY MUDUMBUŊ NAŊ 4:7

Asi Buymisemuŋ muzulo ndra na, ɓa i gam gwat ngi dili ta, amma ɓa i ndiram pal.

HEBEREY 12:14

Puram jiviɗ ngi cifi zuy zuy ati mizli gar, cifam kum pal. Da kanah ta na, ko mbur pal masa pura Bumbulvuŋ anta.

ZOZUWE 24:19

Akẽh na, Zozuwe a ɓa mizli: «Kay! Ki gaka mezegwel da Bumbulvuŋ gu ta, asi mike na, naŋ i Bumbulvuŋ mipal. Naŋ a wuɗ ɓa Bumbulvuŋ kum pal i naŋ. Kum maslikiɗam ɓi, yo kum magam mungra na, naŋ a ɓusa ɓi nah gu ta.

ZOZUWE 3:5

A dirba nah na, Zozuwe a ɓa mizli: «Zuɓaka hiryi kumoy avra, asi tiprike, Bumbulvuŋ a sa gi gwat ngi zuma hirngahay a wuzla kumo.»