LEVIHEY 20:3 - Bible en langue guiziga

³ Ya vuna, i sa zuɓ himaˀ ar mbur nah. I sa gwahaŋ avra ti wuzla mizli naŋhaya, asi naŋ muvul zuŋ naŋ da kuli Molek, naŋ muso ti dili ng'ar hay ɗu, waɗ naŋ mihirya slimiɗ ɗu mipal na.

LEVIHEY 20:3 ပူးပေါင်းရင်းမြစ်များ

BI NGI ISRAYELEY 30:33

Mbur mijihiɗ urdi misi purla kahana le, yo a puya le da mbur ho gar na, a sa ɓulaka ti wuzla muy naŋhay avra.»

EZEKIYEL 20:39

Amma kumo so na Israyeley, ya Bumbulvuŋ i ɓukum na: anja mbur gar ara ga mezegwel da kuli naŋhaya ɓula ni. Amma na, kisa puraka, kisa cinikiy mi cummo ta kwana. Dar kum anta sa hiryaka slimiɗ ɗu ti gwat ngi vul kumoy waɗ ti kuli kumoy na mata.

EZEKIYEL 5:11

Vurˀe, kaɓa ya misi ti siifa gisiŋ na, i ɓukum: kum mihiryaka hay ɗu ti gwat ya mahirsa taŋ ati gi gwat malambaˀ kumoy mukuyta wãˀ na, yi sa fuca walahaya fec fec leɗeɗ, y'anta sa pur mbur kuy loŋ a mihiri ɗu ta, y'anta sa pur ircece ko neˀ ta. I ya Bumbulvuŋ, Buymisemuŋ maɓi.

LEVIHEY 15:31

Israyeleye, da taŋ muroko ti dili na, ki ɓa taŋ a cicam baˀ murvay. Kanah na, t'anta sa micam asi taŋ misi ti dili na ta, yo t'anta sa micam vur taŋ mihiryaka guɗuk ɗu misi a wuzla taŋ na ta.

LEVIHEY 17:10

Da mbur Israyel malla moholoy misi ada a wuzla kumo, ara zum pumbus na, i sa mbuɗo hiri ng'ar naŋ, i sa gwahaŋ ti wuzla Israyeley avra.

LEVIHEY 18:21

Ziri ɗikeye, ko ki vul pal asi taŋ ngi gi mikuli da kuli Moleke ta. Da ki gaka le kanah na, kite ki hiryiy slimiɗ nga ya Buymisemuŋ ɗike le. I ya Bumbulvuŋ.

LEVIHEY 19:12

Ki hudumom lambaˀ lambaˀ ti slimiɗ ɗu ta, asi da ki gaka le kanah na, ki hiryam di i slimiɗ nga ya Buymisemuŋ kum. I ya Bumbulvuŋ kum.

LEVIHEY 20:4

Mbur muvula zuŋ naŋ da kuli Molek tuwa, da mizli ngisi ruwuyoy ara puraka kinihhẽ, asi a wuɗam ɓa a kiɗaka vagaya ta na,

LEVIHEY 21:6

Masayay i mizli muvulahay le wãˀ da Buymisemuŋ, anja a hiryaka slimiɗ ngi Buymisemuŋ ta. Anja a ndiram ar joˀ taŋ, taŋ pal, asi i taŋ mavulaka gwat ngi zum da Bumbulvuŋ, yo i taŋ mavulaka ɗaf da ya Buymisemuŋ taŋ.

LEVIHEY 7:20

Amma da mburo naŋ ti dili, da a zuma useˀ ngi mikuli ngi ngiɓiˀay magaka da ya Bumbulvuŋ na le na, a sa gwahaka ti wuzla jum ngi Israyeley avra.

LEVIHEY 7:21

Yo gwat wanaka gar misi dili: mburu, gwat misãmi malla mevreŋ misi dili mitika jiviɗ nah le ngi zum gar na, mbur mija haŋ le ava, yo da a sa zum useˀ ngi mikuli ngi ngiɓiˀay magaka da ya Bumbulvuŋ na le na, mbur nah, a sa gwahakaŋ ti wuzla muy naŋhay avra.»

SLUFA VU 19:13

Ko wa gar mija haŋ le avu vagay ngi mbur, da a zuɓa dili naŋ ta na, naɓa a co ti hiryi le ng'ar guɗuk nga ya Bumbulvuŋ. A sa ɓulaka mbur nah ti wuzla Israyeley avra, asi a kucakaŋ yam ngi zuɓa dili ta tuwa, a ndir ti dili.

SLUFA VU 19:20

«Amma mbur mici le ar dili, da a zuɓa dili naŋ avra ta na, ɓulaka mbur misi kahana ti wuzla Israyeley avra, asi a co ti hiryi le ng'ar hay nga ya Bumbulvuŋ. Taŋ mukucakaŋ yam ngi zuɓa dili ta tuwa na, a ndir ti dili vurˀe.

KORENTIHEY MUCUW NAŊ 6:16

Hay ngi Buymisemuŋ ati kuliheye, a jumom arleˀe mbri mbrike? Asi ndra, ndr'i hay ngi Bumbulvuŋ misi ti siifa, kaɓa Buymisemuŋ vuna miɓi: «I sa cifi ti hay ɗu a wuzla taŋ, yo i sa liˀi a wuzla taŋ. I sa tiri Buymisemuŋ taŋ, yo taŋ a sa tiram mizli ɗuwoy.»

PIYER MUDUMBUŊ NAŊ 3:12

Asi Bumbulvuŋ, a ro hiri taˀ ar mizli mijeŋŋehey, a ro slimiɗ jakka ngi cine diradibiɗ taŋ, amma mizli magam gwat malambaˀhaya, ara cici kaŋ kaŋ, a ngum mbiɗi hiri ng'ar taŋ ta.»