LEVIHEY 2:9 - Bible en langue guiziga

⁹ Masay a wuɗ cah avu gwat ngi sedege mazilaka ‹wuluk keŋ› tuwa, a wura ar li gi mikuli. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 2:9 ပူးပေါင်းရင်းမြစ်များ

BI NGI ISRAYELEY 29:18

Ki sa zluma useˀ ngi zlengereke gar zlam zlam ar li gi mikuli. I mikuli mizlam zlam wãˀ da ya Bumbulvuŋ, misi zĩˀĩ naŋ matisliy mevel.

EZAYI 53:10

Bumbulvuŋ a wuɗ ɓa a kutaŋ kanah ti bonoyo. Naŋ muvula vu naŋ ngi gi mikuli ngi ɗiya ɓi na, a sa pura dideˀ naŋhaya, hin ngi siifa naŋ a sa giɗ nga mbuŋ, naɓa gwat Bumbulvuŋ muwuɗ na, a sa gaŋ.

LEVIHEY 1:9

A bunaka gwat ngi kwacay naŋhay ati poprokoyo, joˀ masay a wura taŋ gar ar vu, ar li gi mikuli. Hana i gwat ngi zum mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 2:16

Mineˀ muwuɗam avu daw mingirwa, avu mal waɗ mukuturɓuy paɗ wãˀ tuwa na, masay a wura ar mikuli mazilaka ‹wuluk keŋ›. Hana i gwat ngi zum mizlam zlam wãˀ da ya Bumbulvuŋ.»

LEVIHEY 2:2

ar di da masayay, ziri ngi Aroŋhoy. Hapa mipam mal ara tuwa na, masay a hil ngbal haŋ kuy kuy, waɗ mukuturɓuy ngi zlum ti zlumo paɗ wãˀa. Gwat ngi sedege nah na, a zilaka ‹wuluk keŋ›. Hana i sedege mizlam zlam wãˀ, misi zĩˀĩ naŋ a tisliy mevel da ya Bumbulvuŋ.

LEVIHEY 2:8

Gwat ngi sedege ka milihiɗa kanah ngi vul da ya Bumbulvuŋ tuwa na, ki ru di da masay, dar naŋ kwana a kirih di ng'ar li gi mikuli.

LEVIHEY 24:7

Angi jirngisl gar na, kisa pi urdi ngi zlum ti zlum mipal naŋ. A sa zlumaka ar deɗe ngi ɗaf ɓa ngi wuluk keŋ, i gwat ngi zum mizlam zlam wãˀ da ya Bumbulvuŋ.

LEVIHEY 4:31

Li misi malay gar na, a zuɓa taŋ nyaˀ nyaˀ kaɓa muzuɓaka taŋ avu ngi useˀ ngi gi mikuli ngi ngiɓiˀay na ya. Dar masay a zluma taŋ ar li gi mikuli, zĩˀĩ naŋ a tisliy mevel da ya Bumbulvuŋ. Masay miga mezegwel ngi mbur mici ar mungra na le na, naɓa ya Bumbulvuŋ i pulaŋ mungra naŋ le ya.

LEVIHEY 5:12

Mbur nah a so ti hapa tuwa da masay, masay a hil hapa tuwa ngbal haŋ kuy kuy. Hapa mingbal haŋ hana, a zilaka ‹wuluk keŋ.› Joˀ masay a wura taŋ jom ati gwat ngi zum mizlam zlam da ya Bumbulvuŋ ar li gi mikuli. Hana i mikuli ngi pula mungra.

LEVIHEY 6:15

Dideˀ ngi Aroŋ wanaka gar misa tiri masay madiɗa le na, a sa ga kanah ya. Hana i gwat ngi sedege ngi vul da ya Bumbulvuŋ ndrehhe. A wuraka war war wãˀ da ya Bumbulvuŋ.

ZAKARI 13:7

Ka maslalam, puk pak ng'ar mijigin ɗu, waɗ ng'ar cil ɗu mupuɗaw na so. Kiɗa mijigin ɗu vagay, tumuŋhoy a sa zliɗam hirnga, yo ko ziri memeɗehey kwana, i sa zuɓa haŋ ɗu ng'ar taŋ. I ya Bumbulvuŋ misi gidaŋ wãˀ maɓi.

ZAKARI 13:9

Ziri mindiram ngac li taˀ purla tuwa na, i sa pura taŋ ar vu. Kaɓa mapam ɓiri bara malla ɓiri tapasl tapasl ti vu na, i sa pa taŋ kanah ya. Dar taŋ a sa zilaka slimiɗ ɗu, yo ya i sa cine taŋ di. I sa ɓi vur taŋ: «I mizli ɗuwoy», yo taŋ a sa ɓam vur ya: «Ya Buymisemuŋ taŋ, yi Bumbulvuŋ.»

SLUFA VU 5:26

Hapa ngi sedege tuwa, masay a sa wuɗ ngbal haŋ, a zluma ar li gi mikuli, ɓa Bumbulvuŋ a wulka keŋ ava, a dirba nah, a sa vula yam tuwa da ngwasa, ɓa a saŋ.

ROMAHAY 12:1

Sukum ɗu misikristuhoy, ambuh ambuh kum ti slimiɗ ngi Buymisemuŋ mapur ˀircece haɗa na so, ɓa ki vulakaŋ vu kumo wãˀ ti haŋ kumo, kaɓa gwat misi titiri ngi gi mikuli a mbuŋ Buymisemuŋ, mihĩˀĩ da Buymisemuŋ, maciraŋ hiri. Dilik kum mikaslsla ti jiviɗ naŋ a mbuŋ Buymisemuŋ, i nah so.

ROMAHAY 15:16

ɓa a tiri ti ya gawla ngi Yesu Kristu avu mizli Yude tahay. I vula vu ɗu le ngi gi slra ngi tila mi ti Ɓimezle ngi Buymisemuŋ, ɓa mizli Yude tahay, a tiram gwat ngi mikuli a mbuŋ Buymisemuŋ macira hiri da Buymisemuŋ, mikuli ˀUf Mipal muvula le da Buymisemuŋ wãˀ.

EFESEY 5:2

Wuɗam vu ar wala kum ar joˀ kumo, kaɓa Kristu muwuɗ ndra na. A vula hirnga naŋ ti haŋ naŋ da Buymisemuŋ vur ndra, ka gwat muvula ngi gi mikuli mazĩˀĩ ndum haɗa, macira hiri da Buymisemuŋ.

FILIPIHEY 2:17

Na, da sey pumbus ɗu a sa pi, ka gwat ngi pusl a mikuli asi slra vur tiɓi kum na tekeɗe kwana, haˀaw, a ciriy hiri, yo i sa mumulom bumoˀ gar ndra.

FILIPIHEY 4:18

Na zle, gwat ya muwuɗ gar na, ada avu ya, hã a funa le ma. Y'anta ti may ngi gwat mekelem mata. Epafrodit a siy ti gwat kum muvulikiy di na le. Naŋ kaɓa urdi mazĩˀĩ ndum, i mikuli Buymisemuŋ mitiɓa le, maciraŋ hiri.