LEVIHEY 2:14 - Bible en langue guiziga

¹⁴ «Gwat ngi vul kum, ngi sedege da ya Bumbulvuŋ, da i gwat micikiɗeffe ngi migam na, sey ki soko di i hirnga ngi daw mufuko naŋ fok fok waɗ yeˀ yeˀ le.

LEVIHEY 2:14 ပူးပေါင်းရင်းမြစ်များ

ZLI VIRZI 4:3

Ngi hin mekelem ada na, Kayẽ a so ti gwat ngi migam naŋ ngi vul da Buymisemuŋ.

BUYOY MUCUW NAŊ 4:42

Hirak ti di nah vuna ma na, mbur a ndilawa baɗ ti Baˀal-Salisa. A so ti gwat ngi zumoy a haŋ da mijiviɗ ngi Bumbulvuŋ: ɗaf ngi daw giziŋ kukur cuw, waɗ alkamari nawaya kine aruŋ buhu pal ma. Elize a ɓa gawla naŋ: «Wunuka da mizli, ɓa a zumakaŋ.»

LEVIHEY 2:15

Ki sa pakaŋ mal pulaˀa, waɗ mukuturɓuy ngi zlum ti zlum sek araŋ. Hana a tiri le i gwat ngi vul mubo tivi gwat ngi migam.

LEVIHEY 2:16

Mineˀ muwuɗam avu daw mingirwa, avu mal waɗ mukuturɓuy paɗ wãˀ tuwa na, masay a wura ar mikuli mazilaka ‹wuluk keŋ›. Hana i gwat ngi zum mizlam zlam wãˀ da ya Bumbulvuŋ.»

LEVIHEY 22:29

Da ki ra gam mikuli ngi gi sise da ya Bumbulvuŋ na, gaka ti jiviɗ naŋ, zliv ɓa i tiɓaŋ.

LEVIHEY 23:10

«Ɓa Israyeleye: Hirwuy, ya masa vulukum di na, da kum misa cam le anga, yo da kum mira gam sifi ngi gwat na, maslapa mudumbuŋ naŋ na, ki ram di da masay, i gwat micikiɗeffe ngi sifi.

LEVIHEY 23:13

waɗ hapa kilo merkeɗ, fukaɗ fukaɗ ti mal. I gwat ngi zum mizlam zlam wãˀ da ya Bumbulvuŋ, misi zĩˀĩ naŋ a tisl mevel, waɗ mbaazla litir pal ti reta ngi pusl.

LEVIHEY 23:20

Peŋ ngi gwat ngi migam micikiɗeffe waɗ ziri tumuŋhoy mucuw tuwa, masay a sa gi taŋ mikuli ti mezegwel ngi vula gwat da ya Bumbulvuŋ. Gwat tayna i gwat mipal da ya Bumbulvuŋ, a sa ndiram da masay.

MALASI 1:11

Slimiɗ ɗu ara zil haɗa a wuzla sukwi ngi mizli, zle tisi pas ngi miprik hã tisi pas ngi pastaˀa. Ar li gar na, mizli ara zlumam urdi vur ya, yo ara vulikiy gwat manja dili ngi gi mikuli, asi slimiɗ ɗu ara zil haɗa a wuzla sukwi gar. I ya Bumbulvuŋ misi gidaŋ wãˀ maɓi.

SLUFA VU 28:2

«Ɓa mingiɓi ani da Israyeleye: Gwat ngi vul, mi nga ya na, jam lesl ɓa ki vulikiy di ar pas naŋ kaslsla, i gwat ngi zum mizlam zlam misi zĩˀĩ naŋ a tisliy mevel na.

KORENTIHEY MUDUMBUŊ 15:20

Amma wãˀ naŋ na, Kristu a slikiɗ le dumbuŋ ti wuzla mumucahaya. Vurˀe, mumucahay gar a sa slikiɗam aya.

Slu cuw 26:2

mbur gar a sa wuɗ avu gwat micikiɗeffe ngi mi gam, naŋ muhuva angi hirwuy Bumbulvuŋ muvulaŋ di tuwa. A sa pa sek ar lelek, a sa ru di ng'ar li Bumbulvuŋ Buymisemuŋ kumo muwuna, ɓa ngi biga vu naŋ a diga.

ƁIMUNJUYO 14:4

Mizli tayna, ko a hiryaka vu taŋ ti hin ti ngwasaya ta, taŋ ngbuˀo ngbuˀo kine. A ra sipaka tumuŋ ng'ar li naŋ maru gar. A mbuɗo hirnga taŋ le ti wuzla mizli, taŋ i muvula mudumbuŋ dumbuŋhoy da Buymisemuŋ, waɗ da tumuŋ.