LEVIHEY 2:10 - Bible en langue guiziga

¹⁰ Gwat ngi vulo, is naŋ a ndir da Aroŋ ati ziri naŋhay. Nah na, i gwat mipal wãˀ, asi a bo tivi gwat ngi zum mizlam zlam wãˀ da ya Bumbulvuŋ.

LEVIHEY 2:10 ပူးပေါင်းရင်းမြစ်များ

ƁI NGI HINEY MUCUW NAŊ 31:14

Kore, mbur levi, mangal ngi Imna, mijigina mizlingre vay ngi si pas ngi miprike, slra nga naŋ i gi welele ti gwat mizli muvulaka le da Buymisemuŋ, yo gwat muvula le da Bumbulvuŋ ati gwat mipal wãˀ na, mawuɗoka taŋ i naŋ.

ESDRAS 2:63

Buy miwi li a ɓa taŋ anja a zumam gwat ngi mikuli mipal wãˀ na ta, hã masay a pura Urim ati Turime ɗagay far.

EZEKIYEL 44:29

Gwat ngi migam ngi mikuli malla ginew ngi mikuli vur mungra ati mikuli ngi ɗiya ɓi na, masa zumaka i taŋ. Gwat mingizla ngi ga dudok da Bumbulvuŋ asi ruwuy Israyel gar na, a sa ndiram da taŋ.

EZEKIYEL 46:20

A ɓiy na: «Hana i li ngi masayay masa da ka useˀ ngi ginew mikiɗahay ngi gi mikuli ngi pula mungra, yo a sa da ka gwat ngi zum ti zumoy anga ma. Kanah na, vur taŋ masa bam di nga wazlaray vay ngi vra, yo vur mizli masa jaka haŋ avu gwat muvuku vu taŋ na.»

LEVIHEY 10:12

Moyis a ɓa Aroŋ ati ziri naŋhaya: Elazar waɗ Itamar mindirama: «Hapa ngi sedege, mihilam ava ngi zlum da ya Bumbulvuŋ tuwa, is naŋ na, zuɓaka, dam di ɗaf manja ˀis araŋ. Zumaka daˀ a ciki li gi mikuli vuna si, asi i gwat ngi zum mipal wãˀ.

LEVIHEY 14:13

Akẽh na, a sla ˀay ngi tumuŋ ngi gi mikuli, ar li maslaam ˀay ngi gwat ngi gi mikuli ngi pula mungra, waɗ ngi mikuli mizlam zlam wãˀa, angi li mipal. Naŋ kine, gwat ngi gi mikuli ngi ɗiya ɓi ati ngi gi mikuli ngi pula mungra na, i sedege mipal wãˀ da Buymisemuŋ, yo da masay ma.

LEVIHEY 2:3

Gwat migam di sedege tuwa, mindir is naŋ da Aroŋ ati ziri naŋhay. Hana i gwat mipal wãˀ. Asi a bo tivi gwat ngi zum mizlam zlam wãˀ da ya Bumbulvuŋ.

LEVIHEY 21:22

Ɗaf nga ya Buymisemuŋ naŋ, sedege mipal wãˀ ati sedege mipal na, a zuma taŋ zuy ɓula.

LEVIHEY 5:13

«Masaya, da naŋ miga mezegwel misi kahana le a hirnga mbur migi mungra pal a wuzla mungra tayna na, Buymisemuŋ a pulaŋ mungra naŋ le ya. Masay a ga mezegwel hana kaɓa magakaa ti gwat ngi migam.»

LEVIHEY 6:16

Mikuli masay mavula gar na, a zlumaka zlam zlam wãˀ, anta zumaka ta.»

LEVIHEY 6:23

Amma ginew ngi gi mikuli ngi pula mungra, musoko ti pumbus naŋ le angi guɗuk ngi zlir ti ya Bumbulvuŋ, ɓa ngi gi mezegwel ngi pula mungra angi li mipal na, anta zumaka useˀ naŋ ta wãˀ, sey a wuraka ti wur.»

LEVIHEY 6:9

Is naŋ mandir na, Aroŋ ati ziri naŋhay a zumakaŋ. A zumaka nah manja ˀis araŋ, yo a zumaka ar li mipal, a wazlaray guɗuk ngi zlir ti ya Bumbulvuŋ.

LEVIHEY 7:7

Mikuli ngi pula mungra ati mikuli ngi ɗiya ɓi na, mezegwel taŋ i misi purla. Masay maga mezegwel ngi pula mungra na, useˀ nah i mi nga naŋ.

SLUFA VU 18:9

Mi nga ya, a sa zlumaka ar li gi mikuli. Gwat ngi vul mavulikiy di hĩˀĩ da ya na, mi ngi kum anga ani: hapa mavulaka gar, gwat ngi gi mikuli ngi puya mungra gar waɗ gwat ngi gi mikuli ngi ɗiya ɓi, Israyeley magikiy di gar na, i mikuli mihĩˀĩ da ya Buymisemuŋ, amma i vulukum di le, i mi ngi kum ati ziri ɗikey nga mbuŋ nga mbuŋ.

SAMUYEL MUDUMBUŊ NAŊ 2:28

A wuzla Israyeley gar na, yi wunaˀ dideˀ ɗik Aroŋ le ɓa a tiri masay ɗu, ɓa a jiɗ ng'ar li gi mikuli, ɓa ngi wura urdi, ɓa a ka jampa ngi mezegwel a mbuŋ ɗu. Waɗ ma na mikuli Israyeley magaka gar na, yi vula le da muy ɗike.