LEVIHEY 2:1 - Bible en langue guiziga

¹ Da mbur a wuɗ le ɓa a so ti gwat ngi gi sedege da ya Bumbulvuŋ, i gwat ngi migam na, sey a hil hapa, a pi mal sekke angaŋ, waɗ mukuturɓuy ngi zlum ti zlum sek angaŋ,

LEVIHEY 2:1 ပူးပေါင်းရင်းမြစ်များ

BI NGI ISRAYELEY 29:2

Fukuɗ hapa ngi alkamari ngi di ɗaf manja ˀis ara, maɗaf manja ˀis ara fukaɗ fukaɗ ti mal, helelem mikefer kefer manja ˀis ara waɗ kwic kwic mal ava.

EZAYI 43:23

Kum migaka mikuli mizlamzlam wãˀ ti ziri tumuŋhoy na, da ya ta, kum mihunumam kanah na, i ya ta. Ya muwuɗ ɓa ki vulikiy gwat ngi mikuli na kwana, i gi ti kum beke ta, yo ya muwuɗ ki wurikiy ˀurdi na, i girukum ti gir ta.

EZAYI 66:20

Ya Bumbulvuŋ i ɓi na: «Sukum kumoy gar misi a wuzla sukwi ngi mizli zleˀe na, mizli a sa moko taŋ nga gi mikuli da ya Bumbulvuŋ. A soko taŋ joˀ ar pilisey, ar mota ngi vurumoy, ar cacalahay, a duba zungu pilisey waɗ a duba zlogomohoy, hã sesẽŋ a muwã ɗu mipal a Zeruzalem. Taŋ masa soko taŋ gar na, kaɓa Israyeley masa soko ti mikuli ngi gwat ngi migam ar taasa mibi ti dili naŋ le avra, ng'ar hay nga ya Bumbulvuŋ.»

EZEKIYEL 46:20

A ɓiy na: «Hana i li ngi masayay masa da ka useˀ ngi ginew mikiɗahay ngi gi mikuli ngi pula mungra, yo a sa da ka gwat ngi zum ti zumoy anga ma. Kanah na, vur taŋ masa bam di nga wazlaray vay ngi vra, yo vur mizli masa jaka haŋ avu gwat muvuku vu taŋ na.»

ZOWEL 1:9

Hapa ngi vul ati mbaazla ngi puslo, anta sa ram di ng'ar hay ngi Bumbulvuŋ mata. Migi mikuli, mizli ngi slra ngi Bumbulvuŋhoyo, a roko ti tuwuy ngi vagay.

ZOWEL 2:14

Da a sa mbiɗa wuluko kwani, misina i waka? Yo a dirba nah, a sa ɗuwulukum mi, naɓa, kisa soko ti hapa ngi vul waɗ mbaazla ngi pusl da Bumbulvuŋ, Buymisemuŋ kumo.

LEVIHEY 14:10

Angi hin mindangafaɗ naŋ na, a ji ziri tumuŋhoy cuw, manja hereweɗ avu taŋ, yo tumuŋ mongoso pal ngi vi purla, manja hereweɗ ava, a vul hapa kilo ngoltir, fukaɗ fukaɗ ti mal, waɗ mal reta litir.

LEVIHEY 24:7

Angi jirngisl gar na, kisa pi urdi ngi zlum ti zlum mipal naŋ. A sa zlumaka ar deɗe ngi ɗaf ɓa ngi wuluk keŋ, i gwat ngi zum mizlam zlam wãˀ da ya Bumbulvuŋ.

LEVIHEY 5:11

Da mbur a luuma gonokoy cuw malla ɗiyuw dirgwaɗay cuwo gu ta ma na, ko da i hapa kilo makir kwana, a so di ngi gi mikuli ngi pula mungra naŋ vuna gu. A pi mal anga ta, yo a ki mukuturɓuy ngi zlum ti zlum anga ta, asi i mikuli ngi pula mungra.

LEVIHEY 6:7

«Mikuli ti gwat ngi migamaya, gi mezegwel naŋ ani: I ziri ngi Aroŋhoy magaka da ya Bumbulvuŋ, a mbuŋ li gi mikuli.

LEVIHEY 9:17

A biga hapa ngi gi sedege, a hil ngbal haŋ kuy kuy, a zluma ar li gi mikuli, bac ng'avi mikuli ngi zlum ti zlum vur miprik gar na.

LEVIHEY 9:4

gusoŋ waɗ zlengerek ngi gi mikuli da Bumbulvuŋ ɓa ngi ngiɓiˀay, waɗ hapa ngi vul mufukuɗa ti mal. Asi mike na, Bumbulvuŋ a sa bugukum vu dana.›»

MALASI 1:11

Slimiɗ ɗu ara zil haɗa a wuzla sukwi ngi mizli, zle tisi pas ngi miprik hã tisi pas ngi pastaˀa. Ar li gar na, mizli ara zlumam urdi vur ya, yo ara vulikiy gwat manja dili ngi gi mikuli, asi slimiɗ ɗu ara zil haɗa a wuzla sukwi gar. I ya Bumbulvuŋ misi gidaŋ wãˀ maɓi.

SLUFA VU 18:9

Mi nga ya, a sa zlumaka ar li gi mikuli. Gwat ngi vul mavulikiy di hĩˀĩ da ya na, mi ngi kum anga ani: hapa mavulaka gar, gwat ngi gi mikuli ngi puya mungra gar waɗ gwat ngi gi mikuli ngi ɗiya ɓi, Israyeley magikiy di gar na, i mikuli mihĩˀĩ da ya Buymisemuŋ, amma i vulukum di le, i mi ngi kum ati ziri ɗikey nga mbuŋ nga mbuŋ.

SLUFA VU 28:5

waɗ hapa kilo makir fukaɗ fukaɗ ti mal mezle, ngi tutumbur litir pal ti reta.

SLUFA VU 29:18

yo hapa ati mbaazla ngi pusl asi gusoŋhoy, asi zlengerekey waɗ asi ziri tumuŋhoyo, weˀe avu taˀ gwat ngi gi mikuleheye, kaɓa kum misirkam di.

SLUFA VU 7:13

Gwat naŋ muvula i: taasa mipitikayya ngi ɓiri bara, dudok naŋ, gram durmuk ti skat skat makir, zuŋ sikiɗ ngi ɓiri bara ngi kuca li, dudok naŋ gram skat skat tarnaˀ, a waka taŋ ti kilo mawam di gwat ar hay ngi Buymisemuŋ, sikiɗ ngi ɓiri mucuw tayna, taŋ mbaf mbaf ti hapa mufukuɗa ti mal, i ngi gi sedege.

SLUFA VU 7:19

A so ti taasa mipitikayya ngi ɓiri bara, dudok naŋ, gram durmuk ti skat skat makir, zuŋ sikiɗ ngi ɓiri bara ngi kuca li, dudok naŋ gram skat skat tarnaˀ, a waka taŋ ti kilo mawam di gwat ar hay ngi Buymisemuŋ, sikiɗ ngi ɓiri mucuw tayna, taŋ mbaf mbaf ti hapa mufukuɗa ti mal, i ngi gi sedege.

SLUFA VU 8:8

A sa jam gusoŋ a haŋ waɗ hapa mufukuɗa ti mal aseˀe, ngi ra vul ngi gi mikuli. Ka kwana, kisa ji gusoŋ mekelem ngi gi mikuli ngi puya mungra.

Ɓimezle ngi Yesu Kristu ZAŊ mitil di mi 6:35

Yesu a ɓa taŋ: «Yi ɗaf mavul siifa. Mbur maso ng'avi ya na, may anta sa jaŋ mata wãˀ. Mbur matiɓiy na, yam anta sa gaŋ mata ndiɗaˀ.

ZAŊ MUDUMBUŊ NAŊ 2:20

Na, kum gar na, ki lumam ˀUf Mipala le tivi Kristu, vurˀe, ki sinaka ɓi mikaslsla le.

ZAŊ MUDUMBUŊ NAŊ 2:27

Amma kumo, ˀUf Kristu muvulukum di na, naŋ da a hur kumo. Kum anta ti may ngi mbur ngi dubunukum gwat ta. Vur mike na, ˀUf Mipala, gwat gar, naŋ madubunukum di na, naŋ jeŋŋe, ko slir anta anga ta. Ndiram jom ati ˀUf Mipala so. Asi mike na, a dubunukum gwat le.

ZUDE 1:20

Amma kumo na, ngama ɗuwoy, a ram nga mbuŋ nga mbuŋ ar tiɓi. Diram dibiɗ ti gidaŋ ngi ˀUf Mipal.

ƁIMUNJUYO 8:3

Modro mekelem a so cici gweˀ avu li gi mikuli a mbuŋ Buymisemuŋ. Naŋ kaw ti gandaf ngi ɓiri tapasl tapasl ngi zluma mukuturɓuy, yo a vulakaŋ mukuturɓuy ngi zlum ti zlum haɗi ɓa a vula da Buymisemuŋ jom ati diradibiɗ ngi mizli ngi Buymisemuŋhoy gar angi li gi mikuli, mindira ti ɓiri tapasl tapasl misi a mbuŋ janga ngi buyo.