LEVIHEY 19:3 - Bible en langue guiziga

³ Ko wa gar ar wala kumo, sey a ɗuva hirnga da cine ati mumuŋ, yo hin ngi sabat ɗuwoyo, sey a ja taŋ a hirnga. I ya Bumbulvuŋ, Buymisemuŋ kum.

LEVIHEY 19:3 ပူးပေါင်းရင်းမြစ်များ

ZLI VIRZI 48:12

Zozef a hila taŋ tir sar ngi cine avra, a huruk huruk a mbuŋ naŋ.

NEHEMI 9:14

Sabat ngi ɗik mipal na, ki biga taŋ di le. Ɓi miɗaˀ le, ɓi micica waɗ Ɓimujuwa, ki vula taŋ di le tisi gawla ɗik Moyise.

BI NGI ISRAYELEY 16:29

Sinaka sin le, da Bumbulvuŋ a vulukum hin ngi sabata le ngi musuka vu na, angi hin mimerkeɗ naŋ, a vulukum gwat ngi zumo ngi hin cuw aya. Hin mitarnaˀ naŋ na, ko wa gar a ndir a hay naŋ. Anja mbur a bi avra ta.»

BI NGI ISRAYELEY 20:12

Ɗuva hirnga da bunuk ati munuko, ɓa Bumbulvuŋ Buymisemuŋ ɗike, a juw hutuŋ subur asi ruwuy naŋ muvuluw di na.

BI NGI ISRAYELEY 20:8

Anja ki puyuk hirnga ti hin ngi sabata ta, i hin muvula le da ya Buymisemuŋ.

BI NGI ISRAYELEY 21:15

Mbur makiɗ cine malla mumuŋ na, a sa kiɗaka vagay.

BI NGI ISRAYELEY 21:17

Mbur maza cine malla mumuŋ na, a sa kiɗaka vagay.»

MIKUCUWULOY 1:8

Mangal ɗu, bunuk matukuw ˀay ngi gi gwat na, ja a hirnga, yo munuk madubunuw gwat na, ki pura ka sefel ta.

MIKUCUWULOY 23:22

Bunuk, miyi ɗik na, cine mingiɓi naŋ, yo ki pura munuko hiris le, asi a gi madangwas le ta.

MIKUCUWULOY 30:11

Mizli ada manisaka cine taŋhaya, yo t'anta ɗuwulaka mi da mumuŋ taŋhaya ta ma!

MIKUCUWULOY 30:17

Mbur masingir ar cine, yo mangum cine mi da mumuŋ ta na, magagak ngir zlazlaray a sa nduzokoŋ hiri, joˀ kromoy a sa zumakaŋ.

EZAYI 58:13

Kaɓa ani: «Tapas sabata, da k'anta gi slra ta, ar hin ɗu mipala, k'anta gi terere ta, da ki ra zila hin ngi sabata, i hin ngi «mumul», yo hin mipal nga ya Bumbulvuŋ, ki ra zila hin «mupuɗaw», da ki ra ɗuva hirnga da hin nah kuy kuy, ti pula gi slra ati pula gi terere, waɗ pula gi mi kuliŋ kuliŋ na,

EZEKIYEL 20:12

Yi ɗuva taŋ ɓi ngi sabat ɗuwoyo ɓa a ndir i gwat mabigi gwat ar wala ɗu ati taŋ, yo ɓa mizli a sinaka, matiri ti taŋ pal na, i ya Bumbulvuŋ.

LEVIHEY 11:44

Asi Bumbulvuŋ, Buymisemuŋ kumo i ya. Gam gwat kaɓa mizli muvuku vu taŋ, asi ya, ya pal. Gwatay mikirnini ngisi ruwuy hana na, ki jaka haŋ avu taŋ ta, vur kum macam ar dili ti haŋ kumo.

LEVIHEY 19:25

Angi vi muzlum naŋ so na, kisa zumaka yi taŋhaya. Da ki ra gaka kanah na, naɓa gwat ngi sifi kumoy a sikam nga mbuŋ nga mbuŋ. I ya Bumbulvuŋ, Buymisemuŋ kum.

LEVIHEY 19:30

Hin ngi sabat ɗuwoyo, jaka taŋ a hirnga, ɗuvaka hirnga da hay ɗu. I ya Bumbulvuŋ.

LEVIHEY 19:31

Ki puram daˀas, ko ti jiviɗ wanaka ta, asi a ci ti kum ar dili. I ya Bumbulvuŋ, Buymisemuŋ kum.

LEVIHEY 19:34

Mbur moholoy nah na, anja ki gam di kaɓa i zuŋ ngi hay jaka, kaɓa i mbur ngi wuzla kum, yo sey ki wuɗakaŋ kaɓa ka mawuɗam vu kum vuna. Asi kum vuna kwana, ki cifam moholoyoy le zleˀe angi hirwuy Ezipte ya. I ya Bumbulvuŋ, Buymisemuŋ kum.

LEVIHEY 23:3

Vur luuma gar na, hin merkeɗ ngi gi slra, amma hin mitarnaˀ naŋ na, i Sabat, hin ngi muska vu, ɓa ki gam di cikil ti slimiɗ ɗu, ko ki gam slra neˀ ta, ko da kum amaka gar. Asi i Sabat nga ya Bumbulvuŋ.

LEVIHEY 26:2

Hin ngi sabat ɗuwoyo, jaka taŋ a hirnga, yo ɗuvaka hirnga da hay ɗu. I ya Bumbulvuŋ.

MALASI 1:6

Mangal a cika hirnga da cine, yo gawla ngi mbur a cika hirnga da buy naŋ takwa! Na, da yi cine kum na, ama ani kum macikikiy hirnga vuna ska? Yo da yi buy kum na, ama ani kum macinikiy mi vuna ska? I ya Bumbulvuŋ misi gidaŋ wãˀ maɓi da kum masayay, kum maburɗaka slimiɗ ɗu na. Joˀ ki ɓam jak ma na: «I burɗaka slimiɗ ɗike ar wanaka» kini ma mbrike?

Slu cuw 27:16

«Mbur maɗuva hirnga da cine ati mumuŋ ta na, i minisa le.» Mizli gar a sa mbiɗaka: «Amin».

Slu cuw 5:16

Ɗuva hirnga da bunuk ati munuko, kaɓa ya Bumbulvuŋ Buymisemuŋ ɗik muɗuvuw ɓi naŋ na, ɓa ki zik haɗi ti siifa, yo ɓa ki ndir ar wuya asi hirwuy Bumbulvuŋ Buymisemuŋ ɗik muvuluw di na.

HEBEREY 12:9

Cine ndra ngi ruwuyoy aka, a kutam ndra le, yo i ɗuvaka taŋ hirnga le. Na Cine ndra misi a muŋ, buy ngi musuɗukoy na, i hinam hirnga a mbuŋ naŋ, ɓa i lumam siifa ta mbri jak ka?