LEVIHEY 18:5 - Bible en langue guiziga

⁵ Ɓimujuwahay ati sirikey muboko tivi ya na, jaka taŋ a hirnga, da mbur mira gi taŋ slra na, a ndir ti siifa. I ya Bumbulvuŋ.

LEVIHEY 18:5 ပူးပေါင်းရင်းမြစ်များ

NEHEMI 9:29

Ka, ki hinika taŋ ˀay le, ɓa anja a moko, a sipaka Ɓimuɗuva ɗike. Amma taŋ ti huhumo vu taŋ tuwa na, ko a cinaka ɓi ka miɓa ɗaˀ le na ta ndiɗaˀ wãˀ. A ngilaka ɓihey, ka muɗuva taŋ, ɓa mbur a ga taŋ ngi luuma siifa na le. Taŋ a cicam kaŋ kaŋ, a tiram misi hirnga gidaŋhay, ko a cinam mi neˀ le ta.

BI NGI ISRAYELEY 6:2

Buymisemuŋ a ɓa Moyise ma: «Bumbulvuŋ i ya.

BI NGI ISRAYELEY 6:29

a ɓaŋ: «I ya Bumbulvuŋ, ɓi ya muɓuw di gar na, ara mahiri naŋ da buy Ezipte.»

BI NGI ISRAYELEY 6:6

Vurˀe, ɓa Israyeleye na: Bumbulvuŋ i ya. Slra mitakˀay ngi hirwuy Ezipte na, i sa bi ti kum ti raˀa avra. I sa loho kum tir gi beke, taŋ magam ti kumo, i sa tuɓo kum ti gidaŋ ɗu mihaɗa na.

EZAYI 55:3

Jikoko slimiɗ, soko ng'avi ya, cinam, ɓa kisa ndiram ti siifa. I sa jumˀay ati kum wãˀ ngi sete. Gi mezle, ya miɓa ɗaˀ le da Davit na, y'anta sa pula teˀ ta.

EZEKIYEL 18:9

A sipa jiviɗe kaɓa ɓimujuwa ɗu mawuɗo, sirik ɗuwoyo, a ja taŋ a hirnga, a ga gwatakaslsla: mbur nah na, i mbur mijeŋŋe. Naŋ kaslsla, a ndir ti siifa. I ya Bumbulvuŋ, Buymisemuŋ maɓi.

EZEKIYEL 20:11

Yi dubuna taŋ ɓimujuwa ɗuwoyo le, yo i biga taŋ sirik ɗuwoyo le, ɓa mburo, da ara gi taŋ slra na, a ndir ti siifa.

EZEKIYEL 20:13

Amma Israyeley a slikiɗam ɓi avu ya, a wuzlaɓuh mikirɗak kirɗaka. A sipaka jiviɗe kaɓa ɓimujuwa ɗu mawuɗ ta. Sirik ɗuwoy, maga ɓa mbur magi taŋ slra a ndir ti siifa na, a zliɗaka taŋ avra. Ndrehhe na, ara hiryaka ɓi ngi sabat ɗuwoyo. Dar yi ɓi: I sa vunaha himaˀ ɗu angi taŋ a wuzlaɓuh mikirɗak kirɗaka, ɓa a ngizlam kuɗup wãˀ.

EZEKIYEL 20:21

Amma ziri a slikiɗam ɓi avu ya, a sipaka jiviɗe kaɓa ɓimujuwa ɗu mawuɗ ta, a jaka sirik ɗuwoyo a hirnga ta, t'anta gam taŋ slra ta, anja da mbur ara gi taŋ slra na, a ndir ti siifa mbele taŋ ngbaŋ. A hiryaka ɓi ngi sabat ɗuwoyo. Dar yi ɓi: I sa vunaha mevel ɗu ng'ar taŋ, i sa ga himaˀ ɗu angi taŋ, hã avu kiɗa mi naŋ, a wuzlaɓuh mikirɗak kirɗaka.

LEVIHEY 18:6

A wuzla kumo, anja ko mbur Israyel a hin ti muy naŋ ta. I ya Bumbulvuŋ.

MALASI 3:6

Kay, ya Bumbulvuŋ, y'anta mbiɗi ta. Amma kumo, kum i dideˀ ngi Zakopoy hã wurenna.

Matiye 19:17

Yesu a ɓaŋ: «Ki cufuɗiy vur gi gwat mezle vur mike? Mbur mezle naŋ purla tewle. Da ki wuɗ le ɓa ki lum siifa na, ja ɓimujuwa a hirnga.»

Ɓimezle ngi Yesu Kristu LUK mitil di mi 10:28

Yesu a ɓaŋ: «Ki mbiɗa le kuy, ga kanah so, ɓa kisa lum siifa.»

ROMAHAY 10:5

Mbur mandir jeŋŋe asi naŋ masipa ɓimujuwa na, Moyis a toho ɓi naŋ ani: «Mbur maga gwat ɓimujuwa maɓa na, a sa ndir ti siifa aseˀeŋ.»

ROMAHAY 7:10

joˀ ya i mucu. Anja ɓimuɗuva aru ti mbur ng'ar siifa na ma na, a sa gi avu ya, i ngi ru ti ya ng'ar mucu.

GALATAY 3:12

Dambalaka, ɓimujuwa ati tiɓi na, i gwat mupurlahay ta. Ɓimutoho a ɓi: «Mbur magi slra ti ɓimujuwa mawuɗ na, a sa ndir ti siifa aseˀeŋ.»

Slu cuw 30:20

Wuɗam Bumbulvuŋ Buymisemuŋ kumo, cinakaŋ mi, ndiram teŋteŋ, hinaka mevel aseˀe: naɓa kisa gam vi haɗi asi ruwuy Bumbulvuŋ miɓi a sa vula da dideˀ kumoy, ti Abraham, Izak waɗ Zakop na.

Slu cuw 30:6

Bumbulvuŋ Buymisemuŋ kum, a sa bunukum mevel kumoy ati ngi ziri kumoy masa ya ka taŋ nga mbuŋ, ɓa ki wuɗakaŋ ti mevel purla, ti membezleŋ ngi vu kum wãˀ, ɓa ki ndiram ti siifa.

Slu cuw 4:1

Moyis a ɓi ma: «Israyeley, wurenna, ɓimuɗuva ati sirikey, ya mudubunukum taŋ ti haŋ ɗu na, cinaka taŋ kuy kuy, ɓa ki gam taŋ slra: naɓa kisa ndiram ti siifa, yo hirwuy Bumbulvuŋ, Buymisemuŋ ngi cine kumoy muvulukum di na, kisa cam, ki cifam araŋ.