LEVIHEY 17:8 - Bible en langue guiziga

⁸ Yo kisa ɓa taŋ ma na, da mbur Israyel malla moholoy misi a wuzla kumo, da a wuɗ le ɓa a gi mikuli mizlam zlam wãˀ malla mikuli mekelem pal na,

LEVIHEY 17:8 ပူးပေါင်းရင်းမြစ်များ

SAMUYEL MUCUW NAŊ 24:25

Davit a ndira li gi mikuli a diga da Bumbulvuŋ. Dar a gi mikuli mizlam zlam waɗ mikuli ngi vula zuy. Akẽh na, Bumbulvuŋ a ga mezle da mizli a ruwuyo muduba, dar jiji a kiɗ mi wãˀ avu ruwy Israyele.

LEVIHEY 17:10

Da mbur Israyel malla moholoy misi ada a wuzla kumo, ara zum pumbus na, i sa mbuɗo hiri ng'ar naŋ, i sa gwahaŋ ti wuzla Israyeley avra.

LEVIHEY 17:4

manja aru di ndol le a mizlingre guɗuk ngi zlir ti ya Buymisemuŋ, yo a biga bigeˀ le ngi vul da ya Bumbulvuŋ a mbuŋ guɗuko ta na, a sa cufuɗaka ɓi ngi pumbus naŋ mipa na ava, yo a sa gwahaka mbur nah ti wuzla mizli naŋhay avra.

LEVIHEY 17:7

Vurˀe, Israyeley anta sa gaka mikuli ngi madama taŋ na, da kuli taŋ bazuwayay na mata. Hana i ɓimujuwa avu taŋ, a mbiɗi ta wãˀ, hã ngi set, ngi samadin.

LEVIHEY 17:9

sey aru ti ginewe ndol le a mizlingre guɗuk ngi zlir ti ya, ɓa a giy di mikuli. Da buy nah a ga kanah ta na, a sa gwahakaŋ ti wuzla muy naŋhay avra.

LEVIHEY 3:7

Da mbur a so di i tumuŋ ngi vulo na, a so di nga mbuŋ ɗu.

MALASI 1:11

Slimiɗ ɗu ara zil haɗa a wuzla sukwi ngi mizli, zle tisi pas ngi miprik hã tisi pas ngi pastaˀa. Ar li gar na, mizli ara zlumam urdi vur ya, yo ara vulikiy gwat manja dili ngi gi mikuli, asi slimiɗ ɗu ara zil haɗa a wuzla sukwi gar. I ya Bumbulvuŋ misi gidaŋ wãˀ maɓi.

ZOZUWE 22:11

Israyeley a cinam, mizli a ɓam na: «Dideˀ ngi Rubeney ati ngi Gatay waɗ reta ngi sukwi ngi Manase, a ndiram li gi mikuli le a Gilo a mi mizaw Zurdeŋ tir vay Israyel, sek duba cakay ati hirwuy Kanaˀana.»

ZOZUWE 22:15

Misliney tuwa, a soko ng'avi dideˀ ngi Rubeney ati ngi Gatay waɗ reta ngi sukwi ngi Manase, a Galaˀat tuwa, a ɓaka taŋ na:

ZOZUWE 22:16

«Jum ngi mizli ngi Bumbulvuŋhoy a ɓam na: Gwat kum migaka ani da Bumbulvuŋ ngi Israyel na, i gwat malambaˀ madiɗa. Kum mindiram li gi mikuli hĩˀĩ da kum na, kite ki kiraham le dana avu Bumbulvuŋ, yo ki slikiɗam ɓi le avu Bumbulvuŋ takwa?

MIGI KIITAHAY 6:26

A dirba nah, kisa ndir li gi mikuli ndar ndar, kuy kuy da Bumbulvuŋ, Buymisemuŋ ɗike, a hirnga li hana. Dar kisa ja gusoŋ, mijingaˀ ngi madiɗa tuwa, kisa gi di mikuli mizlam zlam wãˀ ti dum ngi kuli ɓamtal, ka mubuko tuwa.»

SAMUYEL MUDUMBUŊ NAŊ 10:8

Ki sa ru dumbuŋ ar ya nga Gilgal. Ya na, yi sa ra lumuw, ɓa ngi gi mikuli mizlam zlam wãˀ ati mikuli ngi vula zuy. Ki sa kutukuy hin tarnaˀ, hã da ya mira lumuw le. Akẽh na, yi sa buguw gwat ɓa sey ka masa ga.»

SAMUYEL MUDUMBUŊ NAŊ 16:2

Samuyel a cufuɗa Buymisemuŋ: «I sa ru nga diga gu mbri mbrike? Da Sawul a cine le na, a sa kiɗikiy vagay.» Buymisemuŋ a ɓaŋ: «Ji zuŋ sla, ki ru di a haŋ. Ki sa ɓi na, yi so gi mikuli da Buymisemuŋ.

SAMUYEL MUDUMBUŊ NAŊ 7:9

Akẽh na, Samuyel a wuɗ tumuŋ masi ɗuwa aruŋ, a gi di mikuli mizlam zlam wãˀ da Buymisemuŋ. Samuyel a til mi ng'avu Buymisemuŋ vur Israyeleye, yo Buymisemuŋ a cinaŋ di le.