LEVIHEY 17:5 - Bible en langue guiziga

⁵ Naŋ kine, anja Israyeley a kiɗaka ginew ngi gi mikuliheye a duba gala lambaˀ ta, amma, sey a soko taŋ ndol le da masay a mizlingre guɗuk ngi zlir ti ya, ɓa a gam taŋ mikuli da ya Bumbulvuŋ ar deɗe ngi mikuli ngi vula zuy.

LEVIHEY 17:5 ပူးပေါင်းရင်းမြစ်များ

ZLI VIRZI 21:33

Abraham a hirvi mbulam a Berseba, dar a tumbulo Buymisemuŋ ngi sete a diga, a zilaŋ Bumbulvuŋ.

ZLI VIRZI 22:13

Abraham a ɗuva hiri, keɗ na, izim, durum kilak avu sisim. A ra jo di ngi gi mikuli zlam zlam, ar deɗe ngi mangal naŋ.

ZLI VIRZI 22:2

Buymisemuŋ a ɓaŋ ma: «Zuɓa mangal ɗik kirmalay Izak, ka mawuɗ haɗa na. Aru nga hirwuy Moriya, kisa giy di mikuli zlam zlam a diga, a hirnga muwã ya masa buguw di.»

ZLI VIRZI 31:54

Zakop a gi mikuli da Buymisemuŋ a hirnga muwã, a zila mizli naŋhaya nga zuma ɗafa. A dirba taŋ muzumam na, a hinam wãˀ a hirnga muwã.

BUYOY MUDUMBUŊ NAŊ 14:23

Taŋ ka dideˀ taŋhay tuwa ya, a ɗiyam li miɗingir ɗingir ngi gi mikulihey, a ngam ɗuguroy ati kuli miɗiya ti dum miciɗa ti ciɗey, ar muwãhay waɗ asi widis tukuzohoy gar.

BUYOY MUDUMBUŊ NAŊ 3:2

Ti di nah na, mizli a gaka mikuli angi li miɗingir ɗingirey aruŋ, asi a ndiraka hay da Bumbulvuŋ, ɓa ngi zila slimiɗ naŋ anga t'aruŋ.

BUYOY MUDUMBUŊ NAŊ 3:3

Salomoŋ a wuɗ Bumbulvuŋ, hã a ga gwata kasl kasl kaɓa cine naŋ Davit miɓaŋ di ɗaˀ le zleˀe na. Amma so na, naŋ vuna a gi mikuli ti ginewey, yo a zluma urdiheye angi li miɗingir ɗingirey vuna ya.

BUYOY MUCUW NAŊ 16:4

A gi mikulihey, yo a zlum urdihey ar li miɗingir ɗingir ngi gi mikulihey, a muwãhay, waɗ asi widis mikipey.

BUYOY MUCUW NAŊ 17:10

Ar li miɗingir ɗingirey, yo asi widis miɗiɗahay le tukuf tukuf gar na, a ngam ɗuguroy ati dum kulihey.

ƁI NGI HINEY MUCUW NAŊ 28:4

A gi mikuli ti ginewey, yo a wur urdi ar li miɗingir ɗingir ngi gi mikulihey, a muwãhay waɗ asi widis mikip kipey gar.

BI NGI ISRAYELEY 24:5

Dar a slina gawla Israyeley, ɓa a gam mikuli ti ginew zlam zlam, waɗ mikuli ti gusoŋhoy da Bumbulvuŋ ɓa ngi luuma zuy.

EZEKIYEL 20:28

I ci ti taŋ le angi hirwuy ya muhudum, haŋ paɗ a muŋ, ɓa i vula taŋ di na. Li miɗingir ɗingirey ati siziɓey gar na, taŋ hiri taˀ angi taŋ. A gaka mikuli taŋhay a diga, gwat ngi vul taŋhay ngi slikiɗa mevel na, a gaka taŋ a diga, a paka urdi taŋhay ngi tisla mevel a diga, waɗ a puslaka mbaazla taŋhay a diga.

EZEKIYEL 22:9

Asi hirwuy ɗike, ada jam ɓi gbiŋ gbiŋ lambaˀ ngi pa mi da mizli ɓa a kiɗam hirnga, ada zumam ɗaf ngi mikuli a muwãhay, ada gam gwat ngi mesem.

EZEKIYEL 43:27

Da hin mitarnaˀ tayna a kiɗam mi le na, hin midangafaɗ naŋ ati hin mekelemey gar na, masayay a sa gam mikuli kumoy ngi zlum ti zlum ati mikuli kumoy ngi jumoˀaya ar li gi mikuli. Dar yi sa tuɓukum so. I ya Bumbulvuŋ, Buymisemuŋ maɓi.»

EZEKIYEL 44:15

Amma Levi masayay angi tizer ngi Sadok, migam slra zleˀe a mbuŋ ɗu ti jiviɗ naŋ ar hay ɗu, ti hin Israyeley mingizlam jiviɗ kileŋ avu ya na, masa gam slra ngi mezegwel a mbuŋ ɗu i taŋ. Masa soko a mbuŋ ɗu ti mungul ati pumbus na i taŋ. I ya Bumbulvuŋ Buymisemuŋ maɓi.

LEVIHEY 17:4

manja aru di ndol le a mizlingre guɗuk ngi zlir ti ya Buymisemuŋ, yo a biga bigeˀ le ngi vul da ya Bumbulvuŋ a mbuŋ guɗuko ta na, a sa cufuɗaka ɓi ngi pumbus naŋ mipa na ava, yo a sa gwahaka mbur nah ti wuzla mizli naŋhay avra.

LEVIHEY 17:6

Li gi mikuli misi a mizlingre guɗuk ngi zlir ti ya tuwa na, masay a kucaŋ pumbus ngi ginewe, yo a wura mungul naŋ anga, ɓa zĩˀĩ naŋ a tisliy mevel da ya Bumbulvuŋ.

Slu cuw 12:2

Kulihey misi a hirnga muwãhay, ar li miɗigirey, a wuzla widis mutukuzohoy gar na, kisa nguɓucaka taŋ avra wãˀ, asi sukwi ngi mizli kum masa ɓulaka taŋ na, ada huruk hurukam a mbuŋ kulihey vuna a diga.