LEVIHEY 17:4 - Bible en langue guiziga

⁴ manja aru di ndol le a mizlingre guɗuk ngi zlir ti ya Buymisemuŋ, yo a biga bigeˀ le ngi vul da ya Bumbulvuŋ a mbuŋ guɗuko ta na, a sa cufuɗaka ɓi ngi pumbus naŋ mipa na ava, yo a sa gwahaka mbur nah ti wuzla mizli naŋhay avra.

LEVIHEY 17:4 ပူးပေါင်းရင်းမြစ်များ

ZLI VIRZI 17:14

Amma mbur mizile mici a mizaw ta na, a sa gwahaka ti wuzla mizli avra, asi a ngila ɓi ngi jumoˀay ɗu le.»

DIMISEY 32:2

Mbur Bumbulvuŋ mapura malambaˀ naŋ ka ɓi ta, yo wuluk ngi hul anta ava ta na, a mumul!

BI NGI ISRAYELEY 12:15

«Bumbulvuŋ a ɓa taŋ ma: Angi hin tarnaˀa, kisa zumam ɗaf manja ˀis araŋ. Zle angi hin mudumbuŋ naŋ na, anja ˀis ngi slikiɗa hapa, a ndir a hay kumo mata. Yo ko wa gar misa zum ɗaf misi ˀis ara le, zle ar hin mudumbuŋ hã ndila hin mitarnaˀ naŋ na, a sa gwahaka ti wuzla Israyeley avra.

BI NGI ISRAYELEY 12:19

Angi hin tarnaˀ na, anta sa lumam ˀis a hay kumoyo ta. Yo ko wa gar misa zuma ɗaf misi ˀis ara le, ko i mbur mislikiɗo ti slikiɗ malla i mbur Israyel kwana, a sa gwahaka ti wuzla Israyeley avra.

BI NGI ISRAYELEY 30:33

Mbur mijihiɗ urdi misi purla kahana le, yo a puya le da mbur ho gar na, a sa ɓulaka ti wuzla muy naŋhay avra.»

BI NGI ISRAYELEY 30:38

Mbur misa jihiɗ urdi mibam vu le ati hana, ɓa a mumul ti zĩˀĩ naŋ mundum na, a sa ɓulaka ti wuzla muy naŋhay avra.»

EZAYI 66:3

Ɓa ngi giy mikuli na, mizli a kiɗam sla, na a kiɗam mbur ngi giy di ti naŋ ma. A slam ˀay ngi tumuŋ, na a kiɗam kiri ma. A gigikiy mikuli ti gwat ngi migam, amma a gikiy di ti pumbus ngi fedeme ma. A wurikiy urdi ɓa i ɗuwula taŋ mi, amma a ɗuvaka hirnga da kuli maso taŋ ti mendere na ma. Mizli tayna a sipam di i jiviɗ taŋ mawuɗam, yo hiri ara cira taŋ ti gwat malambaˀ taŋ mukuyta wãˀhay na.

EZEKIYEL 20:40

Asi Israyeley misi asi ruwuy gar, masa gikiy mezegweley na, a muwã ɗu mipal, muwã migila ngi Israyel na. Gwat kum masa zuɓaka taŋ avu gwat kumoy, gwat ngi vul kum mimezlehey da ya ati gwat kum masa vulaka taŋ gar na, i sa tiɓa taŋ a diga. I ya Bumbulvuŋ, Buymisemuŋ maɓi.

LEVIHEY 1:3

Da mbur a wuɗ le, ɓa a gi mikuli mizlam zlam wãˀ ti sla na, sey a jo di i sla mizile, manja hereweɗ ava. Aru di nga mizlingre guɗuk ngi zlir ti ya, ɓa i tiɓaŋ.

LEVIHEY 17:10

Da mbur Israyel malla moholoy misi ada a wuzla kumo, ara zum pumbus na, i sa mbuɗo hiri ng'ar naŋ, i sa gwahaŋ ti wuzla Israyeley avra.

LEVIHEY 17:14

Asi mike na, gwat ya miga gar misi titiri aruŋ na, siifa naŋ, naŋ ar pumbusu, yo ma na, yi ɓa Israyeleye le: ‹Gwat ya miga wanaka gar na, ki zumaka pumbus naŋ ta, asi siifa ngi gwat ya miga gar na, i pumbus naŋ. Da mbur muzuma le na, sey a gwahaka ti wuzla Israyeley avra.›

LEVIHEY 17:3

Da mbur Israyel a sli ˀay ngi sla le, ngi tumuŋ malla ko ngi ˀaw ar walahay guɗuko, malla da ko a sla a duba gala,

LEVIHEY 17:5

Naŋ kine, anja Israyeley a kiɗaka ginew ngi gi mikuliheye a duba gala lambaˀ ta, amma, sey a soko taŋ ndol le da masay a mizlingre guɗuk ngi zlir ti ya, ɓa a gam taŋ mikuli da ya Bumbulvuŋ ar deɗe ngi mikuli ngi vula zuy.

LEVIHEY 17:9

sey aru ti ginewe ndol le a mizlingre guɗuk ngi zlir ti ya, ɓa a giy di mikuli. Da buy nah a ga kanah ta na, a sa gwahakaŋ ti wuzla muy naŋhay avra.

LEVIHEY 18:29

Amma gwat ngi gi malambaˀ tayna, mbur migi le purla ar wala taŋ na, a sa gwahakaŋ ti wuzla mizli naŋhay avra.

LEVIHEY 20:16

Da ngwas a kirih le ng'avi gwat misãmi, ɓa gwat misãmi vuna a cufaŋ na, a kiɗaka ngwasa vagay, waɗ gwat misãmi vuna ya. Pumbus taŋ a mbiɗi nga hirnga taŋ.

LEVIHEY 20:18

Da mbur a hin le ti ngwas misi ti nguf na, a sa gwahaka taŋ cuw taŋ ti wuzla mizli taŋhay avra, asi mbur mizile mupura mbuŋ ngi ngwasa na, a pura li ngi pumbus mabo ti raˀa na le, yo ngwas vuna kwana, a pura li ngi pumbus mabo ti raˀa na le ya.

LEVIHEY 20:3

Ya vuna, i sa zuɓ himaˀ ar mbur nah. I sa gwahaŋ avra ti wuzla mizli naŋhaya, asi naŋ muvul zuŋ naŋ da kuli Molek, naŋ muso ti dili ng'ar hay ɗu, waɗ naŋ mihirya slimiɗ ɗu mipal na.

LEVIHEY 3:2

Mbur vuna, a buca haŋ bac a hirnga ginew naŋ muso di tuwa, dar a slaka ˀay naŋ a mizlingre guɗuk ngi zlir ti ya Bumbulvuŋ. Masayay, ziri ngi Aroŋhoyo, a kucaka pumbus da ciki li gi mikuli gun gun zlar.

LEVIHEY 7:18

Useˀ ngi mikuli ngi ngiɓiˀaya, ar hin mimakir naŋ, da mbur a zuma le gbaˀa si na, Buymisemuŋ anta tiɓa mbur miga mikuli nah vuna ta, anta slufa kaɓa i mikuli ta, asi useˀ nah a tiri le i useˀ misi dili. Mbur muzuma le na, a jijira zayɓi ngi malambaˀ naŋ nga hirnga naŋ.

Ɓimezle ngi Yesu Kristu ZAŊ mitil di mi 10:7

Dar Yesu a ɓi ma: «Gisiŋ gisiŋ, yi ɓukum na: Yi mi ngi gezleŋ ngi tumuŋhoy.

Ɓimezle ngi Yesu Kristu ZAŊ mitil di mi 10:9

Yi mi ngi gezleŋ. Da mbur mici le tir ya na, a sa lihi. A sa bi, a sa mawa, a sa lum gwat ngi zumo ma kini.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

ROMAHAY 4:6

Vurˀe, Davit ara ɓa ɓi ngi mumul ngi mbur Buymisemuŋ mapura i mbur mijeŋŋe, anta sey vur gwat ngi gi naŋ ta, a ɓi na:

ROMAHAY 5:13

Dumbuŋ, angi Buymisemuŋ muvula ɓimujuwa naŋ da Moyis na, naɓa mizli ara gam mungra zlezle ar duniya si. Amma Buymisemuŋ a slufa mungra ngi mizli tayna ta, asi ɓimujuwa anta zleˀe taruŋ.

ROMAHAY 5:20

Ɓimujuwa na, a co ɓa mungra a yi vu ti gidaŋ haɗa. Amma da mungra miyi vu le haɗi na, gimezle ngi Buymisemuŋ a sik hã a funa ma.

Slu cuw 21:8

Aw Bumbulvuŋ, pula mungra ngi mizli ka mumbuɗo hirnga taŋ na, mbur mikiɗaka vagay manja a gi gwat na, ki pula zayɓi naŋ ar Israyeley ta.» Dar Buymisemuŋ a sa pula mungra taŋ.